SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
La fuelga feminista nel sector educativu. Primer valoración de SUATEA
La convocatoria de Fuelga Xeneral esti 8 marzu incide na fienda abierta n’años anteriores pa visibilizar la llucha de les muyeres pola igualdá. Tamos énte un llamamientu singular, surdíu del movimientu feminista que llama a una fuelga de consumu, de cuidos y llaboral. Esti llamamientu foi arrastrando a la convocatoria a diverses organizaciones sociales ente les que s’atopa SUATEA que, per tercer añu consecutivu, convoca a un paru llaboral de 24 hores.
Pa midir el siguimientu de la fuelga hai que tener en cuenta la singularidá de la convocatoria, que trespasa’l marcu puramente llaboral. A media mañana podemos afirmar con rotundidá que la normalidá llaboral viose güei seriamente alteriada nos centros educativos. Con tolos precuros qu’impón una convocatoria d’esti estilu, la esistencia d’un importante númberu de contratos a media xornada, les itinerancies de parte del profesoráu de Primaria, etc. los nuesos datos indiquen que’l so impactu pue cifrase en redol al 35% del profesoráu, llegando previsiblemente a un 40 % si se sumen los datos correspondientes a quien secunden la convocatoria con paros d’una o de dos hores. Sía que non, llama l’atención, igual que l’añu pasáu, la rotundidá los/les que se sumen a la convocatoria de xornada completa.
Nun sector feminizáu como ye l’educativu, nun puede sosprender a naide qu’el 90% de güelguistes sían muyeres con una presencia amenorgada del profesoráu masculín.
Otru factor a considerar ye la esistencia d’una convocatoria de fuelga pal alumnáu, que solo afecta a los niveles cimeros de la Enseñanza Secundaria. Fueron munchos los centros que comentaron la fuerte incidencia ente l’alumnáu de pequeña y mediana edá con ausencies que ronden n’enforma centros cifres d’hasta’l 80%. Consideramos esto como un datu inequívocu del impactu que la convocatoria tuvo ente les families que, nel día de güei, modificaron el so comportamientu habitual con una actitú favoratible énte la fuelga.
Uviéu 8 de marzu 2019
12 hores de la mañana
Esta entrada está disponible en: Castellano (Castellanu)
