Encierru de la Xunta de Personal Docente

Esta entrada está disponible en: Asturianu (Asturiano)

Los sindicatos ANPE, CCOO, UGT, SUATEA y CSIF tán a esta hora concentraos dientro de la Conseyería d’Educación pa que los reciban y desbloquear les siguientes midíes:

1.- Reducir la xornada lectiva del cuerpu de maestros a 23h.

2.- Reducción de la xornada lectiva pa mayores de 55 años.

3.- Atribución de díes llibres por asuntos propios al colectivu docente.

Los docentes asturianos sufren una discriminación obxetiva, que depués de munchos años, yá ye inaceptable:

– Asturies ye, con Madrid y Andalucía, la única comunidá autónoma que nun asumió la recomendación de la Llei 14/2019 p’axustar l’horariu lectivu de los maestros a 23h. Pa una plantilla d’unos 6.500 maestros n’Asturies, la reducción de 2 hores lectives supón crear 565 places nueves. Esto diba posibilitar que les condiciones de trabayu del profesoráu fueren equiparables en tol Estáu, evitando diferencies inxustificaes, al ser cuerpos docentes estatales. Amás, defendemos que menos hores lectives supón una atención más individualizada al alumnáu, al poner escuela a menos grupos y tener más tiempu pa preparar les clases y xera que tenga que ver cola función docente, afondando nuna atención educativa meyor.

– Depués de 17 años de la entrada en vigor de la LOE, Asturies sigue ensin aplicar la reducción de la xornada lectiva a los docentes mayores de 55 años. Estos profesionales podíen dedicar estes hores a tutorización, coordinación pedagóxica y acompañamientu de los docentes más nuevos.

– Los docentes asturianos son los únicos trabayadores del Principáu que nun disponen de díes d’asuntos propios a diferencia d’otres CCAA.

Cada vez qu’acotemos con estos problemes recibimos bones palabres, pero ye la hora de los fechos y los resultaos pa p’acabar con esta discriminación grande, convocando la Mesa Sectorial. Güei tenemos que salir d’equí con un compromisu.

Print Friendly, PDF & Email

Esta entrada está disponible en: Asturianu (Asturiano)