SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
El 5 d’ochobre celébrase’l Día Mundial de les y los Docentes, una xornada dedicada a reconocer la so importancia.
Nun mundu n’evolución constante, onde la igualdá de xéneru y la educación son pegollos fundamentales pal progresu social ye importante reconocer el llabor tan grande de les persones docentes que, cola so dedicación y pasión, ayuden a formar les futures xeneraciones.
La educación ye una ferramienta poderoso pa la tresformación social.
Los y les docentes nun enseñen namás conocimentos académicos, tamién inspiren al alumnáu a suañar con un futuru meyor, a desenvolver el so espíritu críticu y a construyir un mundu más xustu. La so influencia va más allá de les aules; son modelos a siguir que demuestren que cualquier persona lo mesmo home que muyer puede ocupar cualquier espaciu, lo mesmo na ciencia, l’arte, la política o cualesquier otru ámbitu.
Queremos facer un llamamientu a la sociedá pa evaluar y valorar la importancia del trabayu docente, especialmente’l de les muyeres, que munches veces faese de menos.
Ye esencial reconocer el so esfuerzu y dedicación, tovía agora dientro’l mundu llaboral docente atopamos más muyeres na etapa d’infantil y primaria que nes Universidaes, estos porcentaxes van baxando según vamos subiendo les etapes educatives (98.6% de muyeres n’infantil y 36.8% na Universidá según l’informe del INE)
Les maestres y les profesores nun tresmiten namás conocimientu, tamién son axentes de cambéu y un modelu pa munches neñes porque tresmiten los valores d’igualdá, respetu y empoderamientu.
Nun contestu onde les voces femenines s’acallaron, elles fueron pioneres na llucha por una educación inclusiva y equitativa, rompiendo estereotipos y esbrozando’l camín pa les neñes y les muyeres del futuru.
A toles docentes: gracies pola vuestra dedicación incansable, pola vuestra valentía y por ser un exemplu de compromisu cola igualdá. El vuestru trabayu ye fundamental pa construyir un futuru más igualitariu y xustu pa tol mundu.
5 d’ochobre
Organización de Muyeres CI
Esta entrada está disponible en: Castellano (Castellanu)
