Desconvocatoria de la fuelga na enseñanza pública asturiana

El miércoles 28 d’agostu algamemos un alcuerdu cola Conseyería pa desconvocar la fuelga planeada pal 10 de setiembre, que se convocara pola negativa de l’alministración a negociar.

Nun cedimos al xantaxe de la Conseyería cuando se nos pidió desconvocar como condición pa la negociación.

A lo último, l’alministración negoció con nós a lo llargo de xunetu y agostu, reuniones qu’acabaron los díes 26 y 28 d’esti mes (12 díes enantes de la fuelga)

El resumen de lo qu’algamamos coles movilizaciones d’esti cursu ye’l que vien:

✅ Reducción a 23 hores llectives pal Cuerpu de Maestros pal cursu 2026/27.

✅ Reducción de la carga burocrática y sustitución de SAUCE pal 2025.

✅ Midíes de reducción horaria pa mayores de 55 años pal 2027/28.

✅ Asturianu nel segundu ciclu d’Infantil pal 2025/26.

✅ Díes d’asuntos particulares (“Moscosos”)

Depués de 4 años d’aneciar la Conseyería, esperamos siguir calteniendo un diálogu normalizao ente los sindicatos y l’alministración, que nos valga p’algamar meyores nes condiciones llaborales del profesoráu asturiano.

Ye fundamental tamién que toes sigamos participando, como hasta güei, na toma de decisiones, posiciones polítiques y llendes; decídense nes asamblees y secretariaos.

Si apara la movilización, nun vamos ser a: acabar cola tasa d’interinidá abusiva con un alcuerdu de plantilles qu’amuese les necesidades reales del profesoráu, desaniciar la evaluación docente y la homologación salarial, más recursos pa l’atención a la diversidá, etc.