Derechu al COBRU de la parte proporcional de la paga estra de 2012.

Los servicios xurídicos de SUATEA consiguen pa una afiliada’l cobru de la parte proporcional de la paga estra depués d’una  sentencia del Xulgáu nº 5 de lo Contencioso Alministrativo d’Uviéu

Nesta sentencia reconozse’l derechu a la percepción de la parte proporcional de la paga estra por esta profesora. Trátase d’un llogru de los servicios xurídicos del nuestru sindicatu qu’algamó una sentencia FIRME  a diferencia d’otres contra les que cabe recursu d’apelación.

Literal de la sentencia:

FALLO

Que estimando como estimo el recurso contencioso-administrativo interpuesto por XXXXXXXX XXXXXXXX contra la desestimación presunta por lo Consejería de Educación y Universidades del recurso de reposición presentado el 28.1.2013, debo anular y anulo la actividad administrativa impugnada por su disconformidad a derecho, y declaro el derecho de la actora a percibir la parte proporcional de la paga extraordinaria de dicimebre de 2012 correspondiente al periodo comprendido entre el 1 de junio y el 14 de julio de 2012.
      Sin especial pronunciamiento de costas.
      Notifíquese esta sentencia a las partes haciéndose saber que es firme.
      Así, por esta mi sentencia, lo pronuncio, mando y firmo.

Esta sentencia vien a sumase a otres nel mesmu sentíu dictade polos Xulgaos Contenciosos Alministrativos nº 1 de Palencia, nº 1 de Teruel, nº 4 de Alicante y nº 2 de Mérida, sigún les nuestres noticies. Trátase de sentencies que se sumen a les que yá se sacaren n’otres comunidaes autónomes.

En Comunidaes como Castiella y Llión l’Alministración ya convocó a los sindicatos esta selmana pa negociar el pagu d’esta parte del xornal que se-y furtió a tolos empleaos públicos.

SUATEA congratúlase de la sentencia y desixe a la Conseyería d’Educación, Cultura y Deportes y al Gobiernu asturianu que s’abone de secute a tol personal empleáu públicu la parte proporcional de la paga estraordinaria de 2012 comprendida ente’l 1 de xunu y el 14 de xunetu, como pasu previu a la recuperación de la paga completa y a la eliminación de los retayos salariales pal personal al serviciu de l’alministración.