Muyer

L’añu pasáu, la (in)xusticia patriarcal dionos sobraos motivos pa tomar les cais. El casu de Juana Rivas y la sentencia de “La Manada” evidenciaron los cimientos machistes sobro los que s’asitia’l sistema xudicial. Per primer vegada, munches muyeres garraron conciencia de lo que significa estructura patriarcal o violencia estructural. Esto provocó concentraciones nes Audiencies Provinciales y otres sedes xudiciales col envís …

La Organización de Muyeres de la Confederación Intersindical quier conmemorar el 11 de febreru, el Día Internacional de la Muyer y la neña na Ciencia, día proclamáu pola Asamblea Xeneral de les Naciones Xuníes en 2015 col fin de llamar l’atención de la comunidá internacional sobre la grave fienda de xéneru qu’afecta a la ciencia. A pesar de ser una …

6 de FEBRERU. DÍA INTERNACIONAL DE TOLERANCIA CERO COLA MUTILACIÓN XENITAL FEMENINA (MGF) Probablemente, una de les manifestaciones de violencia de xéneru a la que menos se tien en cuenta sía la de la mutilación xenital femenina, una práctica dañible – rellacionada col matrimoniu infantil, precoz y forzáu- que traumatiza, perxudica y mata a millones de neñes en tol mundu. …

El Ministeriu de Facienda empecipió’l periodu pa solicitar la devolución del IRPF de les prestaciones por maternidá y paternidá, empezando polos pas y mas de neños nacíos en 2014 y 2015; para los nacíos en 2016 y 2017 va faelo a partir de xineru. Aqui puedes atopar la información xeneral y el procedimientu para llograr les devoluciones que te pudieren …

Como cada añu la Confederación Intersindical (y SUATEA nella) editen el so calendariu dedicáu a les muyeres . Nesta ocasión “Muyeres esploradores y aventureres” ye’l títulu sol que s’edita’l calendariu correspondiente a 2019. Descarga de calendarios en pdf – Muyeres esploradores y aventureres – (Asturianu) – Mujeres exploradoras y aventureras -(Castellán) Dossier d’actividaes: Propuesta d’actividaes completa (descarga en pdf) Anexos …

Dende la Organización de Muyeres de SUATEA y de la Confederación Intersindical un añu más tenemos que conmemorar el 25 de payares, y recordar al mundu enteru que la violencia contra les muyeres nun cesa. Desque se recueyen datos relativos a les muyeres víctimes de terrorismu machista fueron asesinaes 950 muyeres. No que va d’añu 2018 fueron asesinaes 39 muyeres, …

Dende 2008 celébrase’l Día Internacional de la Muyer Rural “Les muyeres rurales representen más d’un terciu de la población mundial y el 43 per cientu de la mano d’obra agrícola. Llabren la tierra y llanten les granes qu’alimenten naciones enteres. Amás, garanticen la seguridá alimentaria de les sos comunidaes y ayuden a preparar a eses comunidaes frente al cambéu climáticu” …

11 D’OCHOBRE: DÍA INTERNACIONAL DE LES NEÑES Dende la Organización de Muyeres queremos sumanos a la celebración del Día Mundial de les Neñes, entendiendo qu’esti día tien que valir pa  llamar l’atención de los estaos y organismos internacionales y secudir les conciencies de la ciudadanía. La situación de les neñes en munchos llugares del mundu ye crítica y va ser …

DERECHU A LA EDUCACIÓN IMPLICA’L DERECHU A DOCENTES CUALIFICAES”   Anguaño, como nos últimos venticuatro, escoyemos el 5 d’Ochobre pa celebrar el día del y de la docente, que conmemora l’Encamientu conxuntu de la OIT y l’UNESCO relativa a la situación del personal docente, fecha 1966. Esti encamientu constitúi l’instrumentu normativu fundamental pa tratar los derechos y les responsabilidaes del …

DECIDIMOS SOBRE LA NUESA SALÚ, EL NUESU CUERPU, LA NUESA VIDA SEXUAL. LOS DERECHOS SEXUALES Y REPRODUCTIVOS SON DERECHOS HUMANOS. Otru añu más la Organización de Muyeres de la Confederación Intersindical súmase a esti día d’Acción Global pa siguir esixendo que se cumplan los derechos inherentes a tou ser humanu: el derechu a la llibertá sexual, a l’autonomía, la integridá …

La Organización de Muyeres de la Confederación Intersindical contra la esplotación sexual y el tráficu de muyeres y menores Otru añu más, como cada 23 de setiembre, dende la Organización de Muyeres de la Confederación Intersindical queremos denunciar el crime organizáu entamáu alredor del Tráficu de muyeres y menores con fines d’esplotación sexual, dando visibilidá a un delitu de dimensiones …

Desque en 1987 les integrantes de la Rede Mundial de Muyeres polos Derechos Reproductivos alcordaron declarar el 28 de mayu como Día Mundial d’Acción pola Salú de les Muyeres, conmemórase esti día col propósitu de reafitar el derechu a la salú como un derechu humanu al que les muyeres tienen d’aportar ensin restricciones o esclusiones de nengún tipu, y al …

Según ONU Muyeres, cuando les muyeres asumen roles de lideralgu y participen nos procesos de paz, llógrase una paz más duradera. Desque’l Conseyu de Seguridá de les Naciones Xuníes aprobara, hai 17 años, el novedosu resolvimientu 1325 reclamando la participación de les muyeres nes xeres d’afitamientu de la paz, son cada vez más les pruebes qu’indiquen que les muyeres desempeñen …

La Organización de Muyeres de la Confederación Intersindical quier amosar el so refugu más contundente a la sentencia pol casu de la violación múltiple cometida por cinco homes contra una moza nos Sanfermines del 2016. Toles feministes tábemos pendientes de la llectura de la sentencia d’ayeri 26 d’abril (aciar día pa la llucha feminista), con una parte d’esperanza pero tamién …

El Día Internacional de les Neñes nes Tecnoloxíes de la Información y la Comunicación (TIC) surdió a partir de la Conferencia de la UIT celebrada en Guadalajara, México, en 2010, onde s’estableció’l Resolución tituláu “Incorporación d’una política de xéneru na UIT y promoción de la igualdá de xéneru y l’apoderamientu de la muyer per aciu de les tecnoloxíes de la …

 El 26 d’abril conmemoramos el Día la Visibilidá Lésbica, una fecha pa recordar la importancia de que les muyeres lesbianes síamos visibles nel espaciu públicu, que seyamos referentes en tolos ámbitos y non namás nel del activismu polos derechos LGTBI. Fai falta recordar que les muyeres lesbianes somos discriminaes el doble, pol nuesu sexu y por la nuesa orientación sexual. …

La Organización de Muyeres de la Confederación Intersindical quier conmemorar el día Internacional de la Muyer y la neña na Ciencia. Les muyeres, tuvieron siempres, en toles ciencies y a tolos niveles. Pero nun les vemos, la hestoria encargóse d’escondeles. Vivieron, ya tovía viven, a la solombra de los sos colegues, apostraes poles élites intelectuales de cada dómina. Ye’l momentu …

“El feminismu qu’aboga puramente por y pa les privilexaes nun ye feminismu” Raquel Rosario Sánchez Un añu más conmemoramos el Día Internacional de Tolerancia Cero cola Mutilación Xenital Femenina, y un añu más millones de neñes sufrieron una de les peores violencies que s’exerce contra les muyeres. Neñes que van dende la lactancia hasta l’adolescencia , a les que se …

Presentación del calendariu de SUATEA “Tiempu de muyeres, muyeres nel tiempu”, “Muyeres nel deporte” 2018. Dende va 14 años, la Confederación de STEs y SUATEA facemos y publicamos un calendariu que titulamos “Tiempu de muyeres, muyeres nel tiempu” que se distribuye per tolos centros educativos del Estáu. El calendariu ta ellaboráu de forma coordinada poles árees de Muyer de los …

CONTRA LA VIOLENCIA INSTITUCIONAL, XUSTICIA PA TOES 25 DE PAYARES DE 2017   A lo llargo de 2017 van 46 muyeres asesinaes poles sos pareyes o expareyes, y como dicen les noticies sobre estos asesinatos, en munchos casos nun se hubiera denuncies previes. Vamos analizar esta afirmación, cuando s’insiste en que nun se punxeron denuncies previes, ¿quier dicise que la …

En 2007, l’Asamblea Xeneral de la ONU estableció’l 15 d’ochobre como Día Internacional de les Muyeres Rurales en reconocencia “a la función y contribución  decisives de la muyer rural, incluyida la muyer indíxena, na promoción del desendolcu agrícola y rural, na meyora de la seguridá alimentaria y na erradicación de la probeza rural”. Nestos tiempos, les persones que trabayen na …

El día 11 d’ochobre celébrase’l Día Internacional de les Neñes, instauráu pola Asamblea Xeneral de les Naciones Xuníes dende 2011 (Resolvimientu 66/170) coles mires de convidar a los países de la comunidá internacional a visualizar la situación na que viven les neñes y los retos a los que s’enfrenten, y tamién promover los sos derechos. Esta fecha tien l’envís d’exhibir …

LA ORGANIZACIÓN DE MUYERES DE LA CONFEDERACION INTERSINDICAL SUMIR A LA CELEBRACIÓN DE L’ACCIÓN MUNDIAL POLES DESPENALIZACIÓN DEL ALBUERTU Y  REIVINDICA L’ALBUERTU LLIBRE, SEGURU Y GRATUITU   Güei  28 de setiembre, Día d’Acción Global pola Despenalización del Albuertu, siguimos reivindicando un Albuertu llibre, seguru y gratuitu para toles muyeres. Seis países del mundu prohiben la interrupción del embaranzu en cualquier …

Güei, día 28 de mayu celebramos el Día internacional d’acción pola salú de les muyeres. La OMS define la salú como “un estáu de completu bienestar físicu, mental y social, y non solo l’ausencia d’afecciones o enfermedaes”. El derechu de les muyeres a gociar de salú integral a lo llargo de tol so ciclu vital, ye un derechu humanu universal …

El Día Internacional de les Muyeres pola Paz y el Desarme instauróse’l 24 de mayu de 1982 por grupos pacifistes de muyeres europees, pa recordar les campañes realizaes poles britániques que s’opunxeron a la OTAN y a la instalación de les sos bases militares. Güei, esta conmemoración val pa recordar al mundu la violencia que sufren les muyeres nos conflictos …

La Confederación intersinidical convoca paros parciales el próximu 8 de marzu. Dende distintos países ta preparándose un paru Internacional de muyeres pa esixir a los gobiernos que tomen midíes pa erradicar les violencies que sufren les muyeres. Dende la Organización de Muyeres de la Confederación Intersindical (na que se integra’l SUATEA) participamos na dinamización d’esti paru nel Estáu español, onde …

Dende la Secretaría de la Muyer de SUATEA y l’Organización de Muyeres de la Confederación Intersindical, denunciamos les grandes desigualdaes salariales y manifestamos el nuesu derechu a la igualdá. Solicitamos a los gobiernos que tomen les midíes llegales necesaries pa romper la fienda salarial esistente na actualidá. Na fienda salarial de xéneru coinciden dos problemes: unu social y unu económicu. …

La Secretaría de la Muyer de SUATEA y l’Organización de Muyeres de la Confederación Intersindical queremos conmemorar el día Internacional de la Muyer y la neña na Ciencia. Ye necesariu empoderar a les muyeres y neñes al traviés del accesu a la educación y la ciencia, pos les muyeres son necesaries pa contribuyir al desenvolvimientu del progresu nel mundu. Según …

6 DE FEBRERU. DÍA INTERNACIONAL CONTRA LA MUTILACIÓN XENITAL FEMENINA. La mutilación sexual femenina (MGF) comprende tolos procedimientos que, de forma intencional y por motivos non médicos, alterien o mutilen los órganos sexuales femeninos. Más de 125 millones de muyeres y neñes vives anguaño  fueron víctimes de la MGF y cada añu unos tres millones de neñes más cuerren el …

CALENDARIU 2017: “TIEMPU DE MUYERES, MUYERES NEL TIEMPU”. CEADORES DE CAMBEOS SOCIALES La edición númberu 13 del calendariu “Tiempu de muyeres, muyeres nel tiempu” ta dedicada en 2017 a creadores de cambeos sociales. Nél recuéyese  les aportaciones de muyeres  que participaron o son parte de los movimientos sociales. Faemos un percorríu por distintes lluches sociales: abolicionistes de la esclavitú, sufraxistes, …

MANIFIESTU DE LA ORGANIZACIÓN DE MUYERES DE LA CONFEDERACIÓN INTERSINDICAL POL 25N, DÍA INTERNACIONAL PAL DESANICIU LA VIOLENCIA CONTRA LES MUYERES. Dende va años les muyeres tamos reivindicando, la recuperación nunos casos o la concesión n’otros, de derechos que’l patriarcáu, nel so intentu de someter a les muyeres, arrampuñónos. Llueñe d’abangamos, xunímonos pa lluchar polos nuesos derechos y dende los …

El llunes 7 payares de 2016 cúmplese un añu de la Marcha contra les violencies machistes. Esta marcha constitúi un finxu na hestoria del movimientu feminista. Esi día, miles de muyeres de tolos territorios del Estáu confluyeron nun berru común contra les violencies machistes y esi berru fíxose estensivu a tol mundu recibiendo sofitos de los 5 continentes. El movimientu …

Si’l papel de la muyer nun ye fácil en nengún ámbitu, ye ensin dulda nel mundu rural onde’l so esfuerzu puede ser mayor. Nesti Día Internacional de les Muyeres Rurales, la Secretaría de la Muyer de SUATEA quier reconocer el so trabayu y faer visible lo muncho que queda por faer en favor de la igualdá. Les poques meyores que …

11 D’OCHOBRE: DIA INTERNACIONAL DE LES NEÑES El 11 d’ochobre ye’l Día Internacional de les neñes. La creación d’un día pa elles nel calendariu universal foi promovida, dende 2009, pola ONG Plan Internacional, al traviés de la so campaña internacional “Por ser neña”. El 19 d’avientu de 2011, el Día Internacional de les neñes foi propuestu, por Canadá, como resolvimientu …

Güei 28 de setiembre, Día d’Acción Global pola Despenalización del Albuertu, siguimos reivindicando un Albuertu llibre, seguru y gratuitu pa toles muyeres. Siguen produciéndose  una montonera muertes de muyeres, derivaes d’un albuertu inseguru y clandestín. Son munchos los países onde se sigue penalizando l’albuertu, acutando’l derechu al control de la maternidá, o esaniciando dafechu l’accesu a un  serviciu sanitariu seguru, …