SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Sra. Conseyera, quixéramos compartir con usté les siguientes reflexones.
¿Pue haber discriminación de xéneru na Alministración?
Ye conocío que los sueldos medios de les muyeres son inferiores a los de los homes. Una de les ferramientes utilizaes para esa diferencia ye otorgar menos valor a los oficios “feminizaos”, pero avézase a pensar qu’eso nun asocede na Alministración Pública.
N’Educación la mayor parte de los homes atópase dando clase na etapa de Secundaria mientres que les muyeres concéntrense nes etapes d’Infantil y Primaria. Recordemos que n’Asturies, nestes dos últimes etapes educatives, solo’l 17,5% de los docentes son homes. Los requisitos de titulación pa exercer nes trés etapes son los mesmos, Grau Universitariu. N’infantil y Primaria tiénense más hores de docencia col alumnáu, 25 selmanales frente a les 18 de Secundaria. ¿Esfruten del mesmu salariu y reconocencia social? Non, y cada vez ye mayor la fienda.
¿Cuál ye la política de xéneru de la Conseyería d’Educación pa colos/coles sos trabayadores? Negar sistemáticamente al profesoráu d’estes etapes l’amenorgamientu d’hores llectives que los averen a les de los sos compañeros y compañeres de Secundaria y aprobar complementos retributivos qu’aumenten la fienda salarial. Y esto, sol si superen una evaluación de les sos funciones docentes.
Venciendo la discriminación.
Apocayá la LOMLOE aprobó la equiparación del Profesoráu Técnicu de Formación Profesional con titulación universitaria al de Secundaria (agora mesmo tase lluchando pola de quien nun la tienen) y va años qu’otres comunidaes utilicen complementos autonómicos qu’eviten l’aumentu de les fiendes salariales ensin que tean venceyaos a la superación de requisitos y evaluaciones.
¿Por qué?
Esta ye la entruga costantemente repitida por SUATEA y tornada polos responsables d’esti desatín. Siguimos esperando una esplicación razonada de por qué la Conseyera d’Educación prefirió optar por un plan d’evaluación en llugar de por un complementu autonómicu llinial. Un complementu que contribuya a menguar la fienda ente cuerpos docentes y, nun lo escaeza señora Conseyera, la oculta fienda de xéneru. Que d’esto usté sabe.
Uviéu, 15 de marzu de 2021
Secretariáu de SUATEA.
Esta entrada está disponible en: Castellano (Castellanu)
