Ampliación de permisos pa facilitar la conciliación

(Real Decretu-lei 9/2025, pol que s’amplía’l permisu de nacimientu y curiáu)

Descarga la infografía en PDF

1) Permisu por nacencia, adopción y guarda con fines d’adopción y acoyida

• El permisu pasa de 16 a 19 selmanes remuneraes. Les primeres 17 selmanes van poder garrase como hasta agora:
  • 6 selmanes obligatories depués del nacimientu.
  • 11 selmanes más pa garrar nel primer añu de vida
• Amás, añádense 2 selmanes pa disfrutar de forma acumulada o interrumpida hasta que la/el menor cumpla 8 años.
• Les persones progenitores cuyes fíes o fíos nazan a partir del 31/07/2025 yá van poder facer usu de les 19 selmanes.
• Les 2 selmanes hasta los 8 años pueden solicitase con calter retroactivu pa menores nacíes/os a partir del 02/08/2024.
• Tantu’l disfrute como la prestación van poder solicitase a partir del 01/01/2026.

2) Families monoparentales

Permisu por nacencia, adopción, etc: 32 selmanes remuneraes

• 6 obligatories depués del nacimientu.
• 22 selmanes pa garrar nel el primer añu de vida.
• 4 selmanes pa disfrutar de forma acumulada o interrumpida hasta que la/el menor cumpla 8 años.

3) Permisu parental por curiáu

Sigue ensin modificaciones: hai 8 selmanes que puen disfrutase hasta que les fíes o fíos cumplan 8 años, de forma continua o interrumpida, y ensin remuneración.