Actu de protesta contra la ufierta d’empléu públicu

Los sindicatos que conformamos la Xunta de Personal Docente non Universitariu d’Asturies –SUATEA, ANPE, FETE-UXT, CCOO, CSIF, – tres la xunta caltenida’l día de güei comunicamos el nuesu contundente refugu a la ufierta d’empléu públicu anunciada pola Conseyera d’Educación.

L’ábanu de persones que van llegar d’otres comunidaes autónomes esta garantizada yá que Asturies ye la única comunidá que convoca oposiciones de FP; esto va faer que’l costu d’esti procesu sía desproporcionáu. Pa ello va ser necesariu esviar cientos de miles d’euros destinaos a cubrir necesidaes básiques esistentes na mayoría de centros docentes a un procesu que pa nada ameyora’l sistema educativu asturianu cuidao que  la ufierta nun cubrir nin una mínima parte de les xubilaciones que se producieron nos últimos años.
Dáu’l refugu que faemos patente por aciu esti comunicáu tolos sindicatos con representación na Xunta de Personal Docente non Universitariu d’Asturies esiximos a la Conseyera reconsiderar  la so postura y que nun convoque oposiciones.
En casu de siguir nel so enfotu, cuidao que la llei dexar, que convoque y guarde les places pa los procesos d’oposición de los próximos  años.
Como actu de protesta contra la decisión de la Conseyera convocamos al profesoráu interín asturianu a una movilización el próximu xueves 6 de febreru a les 18:00 hores na cai Fruela delantre de la Xunta Xeneral del Principáu.