SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
35 profesores, exdocentes del IES Roces, ente los que s’inclúin más d’una docena d’antigües titulares de xefatures de departamentu, unviaron una carta amosando’l so sofitu a les denuncies sindicales que se fixeron públiques a lo llargo d’estes selmanes sobro la situación nel institutu xixonés.
El profesoráu firmante de la carta representa a la práctica totalidá de los departamentos del centru, y insiste n’amosar el so total sofitu a los siguientes puntos denunciaos:
- Estilu directivu autoritariu.
- Falta d’apoyu al profesoráu.
- Imposición de metodoloxíes de trabayu.
- Sobrecarga burocrática.
- Sangría na plantiya del centru.
Na carta esplícase, amás, qu’esta situación vien produciéndose dende’l cambéu d’equipu directivu, en 2018, y puntualízase que se tornó na “imposición, per parte del equipu directivu, de decisiones de tou tipu, nuna insuficiente xestión democrática del centru, n’imposiciones pedagóxiques de participar obligatoriamente en programes del centru, rixidez y falta de flexibilidá, non almisión de suxerencies, opiniones, o cuestionamientos distintos a los suyos, y falta d’escucha activa al profesoráu”.
En próximes feches, representantes de SUATEA y CCOO van facer entrega del escritu robláu poles y los docentes na Conseyería d’Educación.
