SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
La escuela coeducativa propónse salvar tolo positivo de la experiencia colectiva de les muyeres y de los homes y averase a cada persona na so individualidá y singularidá pa potenciar que dende la so llibertá vaya escoyendo quién quier ser fuera de los estereotipos sexistes y cómo va collaborar cola xusticia y la llibertá colectives.
María José Urruzola Zabalza, 2003
Xornaes de trabayu col profesoráu d’escueles pilotu del Proyectu NAHIKO
Pocos oxetivos hai na educación con mayor sofitu normativu que la coeducación. Obliguen a educar pa la igualdá tres lleis orgániques y les correspondientes lleis d’igualdá autonómiques y nun ye d’agora, yá hai esta obligación dende va décades. Da pa pensar, que con una llei vixente dende’l 2004 (Llei Orgánica 1/2004, del 28 d’avientu, de Medíes de Protección Integral contra la Violencia de Xéneru), y les siguientes, la coeducación yá diba tar “amestada” o “automatizada” en nuestru sistema educativu. Nun ye’l casu. Otra vez, en palabres de palabres de María José Urruzola Zabalza (2003): “tamos mui lloñe de la Coeducación superadora de la normalización del sexismu, ye dicir, de les rellaciones afitaes nel esquema de dominación-sumisión ente homes y muyeres, que se caltien pente la violencia. “Esto ye un fechu comprobable, anguaño, en cualquier claustru.
Sabemos que la llei nun ye too, qu’hai papel moyao abondo con forma de llei orgánica, que la realidá ye que la igualdá nun ye tan fácil de llevalo a les aules y que les autoridades educatives prefieren dexalo pa práu primero que ponese a ello. El serviciu d’inspección educativa lleva años ignorando l’asuntu a xulgar pol abandonu a la hora d’asegurar el cumplimientu d’una educación non sexista, d’igualdá ente muyeres y homes. La llei incúmplese con tola normalidá, de manera natural, a la lluz del día y ensin consecuencia nenguna.
Sabemos que la coeducación nun llega per ciencia infusa a los centros educativos, lo que sí llega ye’l sexismu –pue consultase’l magníficu estudiu d’Ana López Navajas, Ángel López García-Molins, et alii (2009) dientro del proyectu d’investigación TRACE Las mujeres en los contenidos de la Enseñanza Secundaria Obligatoria http://meso.uv.es/informe/) -. Entós ¿con qué medios piensen que vamos ser a que se cumplan les lleis, si la falta de formación pa la mayoría del profesoráu y de les autoridades educatives ye totalmente nula? Nun ye que nun haiga material, bibliografía o persones que nun sepan abondo pa impartir la formación afayaiza. Simplemente, nun ye un asuntu prioritariu. Conocemos toles estratexes patriarcales pa nun trabayar la igualdá: agora nun ye’l momentu, nun sabemos facelo, ya lo fadremos otru añu, etc. Tamién conocemos les cares d’ablucaos y sospresa cuando se viola a menores d’edá, o cuando apruz la violencia de xéneru nes primeres rellaciones sexuales de l’adolescencia. Entós la sociedá echa les manes a la cabeza y mira rápidamente pa los centros educativos pidiendo que s’eduque n’igualdá pa desaniciar el machismu, pero la indignación dura poco y naide se pon de verdá a ello.
Poro, dende la Organización de Muyeres de la Confederación Intersindical esiximos:
- Coeducación como prioridá del sistema educativu pa desanicar el sexismu de les nuestres aules y que la igualdá seya un deprendizaxe dende los primeros años de la infancia.
¡FUERA’L SEXISMU DE LES AULES! - Formación obligatoria pa tola comunidá educativa, dende la conseyería a la conseyería, o delegación, dende’l serviciu d’inspección hasta’l personal de llimpieza, dende la universidá hasta la educación infantil.
PA EDUCAR LA IGUALDÁ ¡FORMACIÓN FEMINISTA YÁ!.
Esta entrada está disponible en: Castellano (Castellanu)
