SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
Tola vida quexándome d’ella y naguando porque se desaniciare pa siempre y, agora que s’acerca’l momentu y conozo dalgunos efeutos que conlleva, toi pidiendo ¡que nun marche nunca!
La menopausia representa un pasu más de les etapes vitales de les muyeres, y marca’l final de los sos años reproductivos. A la mayoría de les muyeres lléga-yos la menopausia ente los 45 y los 55 años como un episodiu natural consescuencia de la vieyera biolóxica, y nun tien nada que ver col ánimu nin la mentalidá. Vien de la perda de la función folicular de los ovarios y la mengua de los niveles d’estróxenos na sangre.
La transición menopáusica pue ser un fenómenu gradual y suel entamar con cambeos nel ciclu menstural. El términu “perimenopausia” refierse al periodu que trescurre dende la primer vez que se ven estos signos hasta un añu depués del últimu periodu menstrual. La premenopausia pue durar varios años y afeutar al bienestar físicu, emocional, mental y social.
Los síntomes que s’esperimenten mientres y depués de la transición menopáusica varíen abondo d’una persona a otra. Mientres delles muyeres sufren pocos síntomes, o hasta nengún, otres puen carecer síntomes graves que lleguen a condicional les sos actividaes diaries y trestocar la so calidá de vida.
- Sofocos y sudores nocturnos.
- Cambios na regularidá y fluxu de ciclu menstrual.
- Sequedá vaxinal, dolor durante les rellaciones sexuales y incontinencia.
- Dificultá pa durmir/velea.
- Cambeos nel estáu d’ánimu, depresión y/o ansiedá.
La menopausia tamién pue alterar la composición corporal y el riesgu cardiovascular. Amás pue provocar el debilitamientu de les estructures de soporte de la pelvis, y aumenta’l riesgu de prolapsu de los muérganos pélvicos. La perda de densidá ósea que se da na menopausa tien que ver conque medren les tases d’osteoporosis y rotures.
Los síntomes de la menopausia puen ameyorar con algunos tratamiento, hormonales o non hormonales.
Venceyaos a los cambeos biolóxicos, la menopausia pue producir cambeos importantes dende’l puntu de vista social. La esperiencia de les muyeres cola menopausia nel ámbitu social pue vese condicionada poles normes de xéneru, factores familiares y socioculturales, por exemplu, la percepción qu’esista na controna cultural d’avieyamientu femenín y la transición menopáusica.
Les muyeres perimenopáusiques necesiten tener accesu a servicios sanitarios de calidá y a comunidaes y sistemes que seyan a sofitales. Desgraciadamente, na mayoría de los países la concienciación cola menopausia y l’accesu a la información y los servicios venceyaos a ella siguen presentando munches deficiencies. Davezu la menopausia ye un tema que nun se toca nes families, el grupu d’amigues, les compañeres de trabayu o los centros de salú.
La OMS considera que’l sofitu a la salú social, psicolóxica y física na transición menopáusica y depués de la menopausia debiere ser una parte integral de l’atención sanitaria.
Amiga, hermana, madre, compañera, vecina… nun tas sola. Nun vivas esti procesu como’l fin de too sí como l’entamu d’una dómina nueva; dura, sí, pero enllena d’oportunidaes p’algamar los tos suaños. Nun t’avergüences nin lo trates como tabú, perhí vamos pasar toes y tenemos que compartilo y sofitanos unes a otres.
Poro, esti 18 d’ochobre, la Organización de Muyeres de la Confederación Intersindical, quier mostrar el so so apoyu y sofitar a toles muyeres que vivieron, viven o van vivir esti procesu. Direición web d’interés: https://aeem.es asociación española pal estudiu de la menopausia.
Esta entrada está disponible en: Castellano (Castellanu)
