Ye urxente la especialidá – Ye urxente la oficialidá

Esta entrada está disponible en: Castellano (Castellanu)

  

La Comisión d’Educación del Congresu aprobó ayeri, día 6 d’ochobre de 2021, la PNL (Proposición Non de Llei) qu’encamienta al Gobiernu Estatal a crear la especialidá docente de Llingua Asturiana y Gallego-Asturianu.

La Proposición Non de Llei presentóla Xuníes Podemos na Comisión d’Educación del Congresu y aprobóse por mayoría. Nella encamiéntase al Gobienu Estatal a modificar los reales decretos d’especialidaes docentes pa que reconozan n’Educación Primaria y Educación Secundaria Obligatoria, el Bachilleratu, la Formación Profesional y les Enseñances de Réxime Especial, les especialidaes docentes de les llingües propies d’aquelles comunidaes que, anque nun tengan reconocíes diches llingües como oficiales, dispongan de proteición llegal y manifiesten la so voluntá de desatrollales.

Ye esta una vieya demanda de reconocimientu de les especialidaes de Llingua Asturiana y Gallego-Asturianu que llevamos cuantayá plantegándola dende SUATEA, al traviés de la nuestra confederación estatal STES-I (Sindicato de los Trabajadores de la Enseñanza-Intersindical) tanto en dellos conceyos col Ministeriu Educación y como nel Conseyu Escolar del Estáu, onde s’aprobó. Sicasí, el Ministeriu siempre delegó la so competencia n’Asturies, indicando que ye la Xunta Xeneral al traviés de la declaración de la Oficialidá la que pue reconocer les especialidaes, pues los reales decretos yá reconocen les especialidaes de toles llingües declaraes oficiales en cada territoriu.

Poro, ye urxente la declaración d’oficialidá como figura xurídica que garantiza automáticamente’l reconocimientu de la especialidá y de los derechos llingüísticos de tola ciudadanía. Ye por ello polo que la nuestra organización sindical va tar presentena manifestación pola oficialidá del sábadu, día 16 d’ochobre, n’Uviéu y anima a tola ciudadanía a participar nella.

Amás, dende SUATEA y STES-I vamos esixir a la nueva Ministra Educación la execución de lo propuesto na PNL, pues ye necesario acabar urxentemente cola discriminación llaboral que lleva décades precarizando al profesoráu de les nuestres llingües propies con contratos a media xornada, inestables, obligatoriamente d’interinidá al torgándose-yos la posibilidá d’accesu a la función pública como funcionariáu de carrera al nun terner reconocida la especialidá, y abusando sistemáticamente de la temporalidá nos sos contratos ensin reconoceyos (igual que los demás interinos/es) el so derechu a la fixeza nel so trabayu.

 Anque la oficialidá ye  imprescindible p’avanzar nel procesu de normalización de les llingües d’Asturies, nun lo ye pa sacar alantre la especialidá, polo que desixímos-y al ministeriu que dexe de poner escuses pa lo que ye puru sentíu común: qu’una materia que lleva más de trenta y cinco años impartiéndose nes aules tenga reconocida la so especialidá docente y tolo qu’ello implica.

N’Uviéu a 7 d’ochobre de 2021

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757