Home > Profesoráu > Xunta Personal > Xunta Personal Docente en reunión urxente cola Conseyera

Xunta Personal Docente en reunión urxente cola Conseyera

LA XUNTA DE PERSONAL DOCENTE NON UNIVERSITARIU INFORMA:

CELEBRADA REUNIÓN URXENTE COLA CONSEYERA D’EDUCACIÓN.

La Xunta de Personal Docente presentóse d’urxencia na Conseyería d’Educación pa solicitar rempuestes a la Conseyera énte’l malestar qu’hai nos centros poles problemes que ta xenerando la implantación del nuevu programa de xestión económica GICE.

Nesti primer alcuentru con Carmen Suárez, Conseyera d’Educación, al qu’asistieron toles organizaciones sindicales que formen parte de la Xunta de Personal Docente (ANPE, UXT, CCOO, SUATEA, CSIF y SINTTA), alcuérdase axuntase formalmente’l próximu xueves 21 de payares, a les 12:00 h, p’analizar en condiciones la situación y busca-y soluciones.

Fai más d’una selmana, la Xunta de Personal Docente Non Universitariu solicitó una xunta cola Conseyera na que se-y treslladaben, per aciu d’un escritu, una serie de pidimientos pa solucionar los problemes esistentes.

Dende la Xunta de Personal Docente de Centros non Universitarios d’Asturies proponemos:

  • Que s’atrase la implantación del nuevu programa de xestión a xineru de 2020. Esta midida dexaría cerrar de manera afecha l’actual exerciciu económicu y facilitaría a lo llargo del siguiente añu la necesaria adautación.
  • Ameyorar la formación, que fundamentalmente tien de ser práctica y en grupos más pequeñoss. Han de proponese acciones formatives nos distintos CPR.
  • Dotar a los centros de los equipos informáticos necesarios.

La Xunta de Personal Docente Non Universitariu encamienta a l’Alministración a asumir los erros cometíos y rectificar nos plazos y procedimientos d’aplicación del GICE nos centros educativos d’Asturies, en cumplimientu de los compromisos adquiríos col profesoráu no que cinca a la simplificación de les xeres alministratives.

Uviéu, 18 de payares de 2019.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344