Xunta sobro estabilización Conseyería – OO Sindicales

SUATEA participó güei nuna xunta cola asistencia de la Conseyera d’Educación, Lidia Espina y la nueva Directora Xeneral de Personal Docente, Eva Ledo.

Los temes trataos na xunta fueron la presentación de la Directora Xeneral de Personal Docente y la distribución por especialidaes de les places d’estabilización derivaes de la Llei 20/21 de 28 d’avientu de 2021

Informar por parte de la Conseyera del refuerzu de personal na Conseyería con 4 persones (2 xefatures de sección y 2 xefatures de servicios), llaméntase lo asocedío nes oposiciones al cuerpu de maestros d’esti añu.

Estabilización:

El desglose de places per cuerpu y especialidá pal concursu de méritos (derivaes de les disposiciones adicionales 6ª y 8ª) n’aplicación de la Llei 20/21 yá fueron unviaes al Ministeriu d’Educación y Formación Profesional y dase treslláu de la propuesta de les places derivaes de l’aplicación d’esta llei n’aplicación del artículu 2 para’l concursu oposición d’estabilización (ver documentu cola propuesta de l’alministración).

La selmana próxima la DXPD va asistir a una xunta de la Conferencia d’Educación pa trabayar y avanzar nel borrador del alcuerdu de la Conferencia d’Educación sol procedimientu aplicable a la convocatoria escepcional d’estabilización d’empléu temporal nel que se va intentar llegar a un alcuerdu con aquelles Alministraciones educatives que soscribieron el plan de cooperación interterritorial (toes sacante Cataluña, Galicia y Euskadi). En principiu les persones que se presenten al concursu de méritos tendrán de presentar una única instancia de participación per especialidá que tendrá de realizase naquella Alministración educativa qu’ufiertara la plaza que se solicite en primer llugar (entá nun se sabe si esti trámite podrá realizase de manera telemática o presencial), siendo probable que les feches del mesmu sían del 21 de payares a 21 d’avientu del presente añu.

Tocante a les places del concursu oposición d’estabilización infórmase qu’habrá una xunta de la mesa sectorial d’Educación a nivel estatal na primer selmana d’ochobre a la que va asistir la nuesa Conseyera col compromisu de que na segunda selmana d’ochobre pueda informase a les organizaciones sindicales del detalle del procesu de les convocatories de concursu oposición d’estabilización.

Otros temes trataos:

•             Cambéu de la fase de práctiques del personal funcionario y la propuesta d’amenorgar el periodu evaluable a 3 meses y 1 día, amás de contemplar la posibilidá de realizar la formación de forma telemática.

•             Amenorgamientu de la burocracia a la que se somete profesoráu •

                Ta trabayándose pa presentar un calendariu d’axudicación de profesoráu interino pa conocer toles convocatories del presente cursu escolar. Na próxima convocatoria que va salir mañana xunto cola documentación de la mesma van salir tamién los llistaos completos de toles especialidaes, amás de mayor información sobre la identificación de los códigos de places que respuenden a financiamientos provenientes de Fondu Social Européu o otres fontes.

Dende SUATEA, dimos la bienvenida a la nueva Directora Xeneral de Personal Docente, esperando que s’abra un nuevu ciclu y forma de trabayu de mayor tresparencia y collaboración coles organizaciones sindicales, repitimos el nuesu desalcuerdu col procesu d’estabilización y esperamos que s’esclarie tol tipu de pruebes y la temporalización de les mesmes, lo mesmo que de les especialidaes y númberu de places que van salir de caúna d’elles, amás d’amosar la nuesa esmolición pol personal interino d’especialistes en Sectores singulares de FP.