Online students lesson or company workers meeting. Coronavirus quarantine distance education concept. Stay at home vector illustration. Studying pupils or students. Laptop screenshot.

Xunta con Conseyería pa planificación del cursu 2021-22

Esta entrada está disponible en: Castellano (Castellanu)

Valoración de la xunta con Conseyería de cara a planificación curso 2021-22

Dende SUATEA, la nuesa esmolición ye ver cuántos elementos nuevos añedíos por cuenta la pandemia van quedase nel siguiente cursu.

Salimos d’un añu nel que les rellaciones llaborales y la carga de trabayu del profesoráu empioraron, y nun conocemos cuálu ye l’escenariu nel que piensa la Conseyería pa poder tornar atrás los daños causaos, nesti sentíu, pola pandemia. Hai de recordar la esperiencia del aumentu de les hores llectives inxertaes pol ministru Montoro cola sida la crisis económica y que, dempués de la supuesta recuperación, en vez de esapaecer tornáronse en condición permanente pal cuerpu de secundaria, hasta que se punxo en marcha la campaña de movilización poles 18 hores.

Entendemos que ye imposible saber de mano cuáles van ser les condiciones esistentes en septiembre, pero tarrecemos qu’un escesu de prevención pueda utilizase agora pa imponer de manera permanente midíes pensaes para ser aplicaes nun contestu esceicional. Pel momentu, vemos que la Conseyería nun pensó na posibilidá de recuperar una midida organizativa ordinaria, como l’amenorgamientu del horariu llectivu nos meses de setiembre y xunu pa los colexos d’Educación Infantil y Primaria.

Polo xeneral, paez que se piensa nel caltenimientu de midíes de proteición de responsabilidá individual (mázcaros, hixene de manes, etc.) y aportunar n’amontar la dotación de material informático, pero esaníciense les midíes que más beneficiaron la calidá educativa y el funcionamientu del conxuntu de los centros escolares. Asina, les ratios d’alumnáu per aula vuelven ser les d’enantes de la pandemia, magar qu’esista unanimidá na necesidá d’amenorgales; tampoco ta previstu nengún refuerzu de la plantiya qu’ayude a recuperar les necesidaes detectaes. Nesti ámbitu, la única bona
noticia paez ser el compromisu de volver recuperar la presencialidad del alumnáu nos centros en tolos niveles educativos.

Anúnciase la continuación de midíes de prevención, con un calter discutible. Por casu l’amenorgamientu del distanciamientu de 1,5 a 1,2 m, midida que se toma dende’l centru de les meses, una decisión que puede valir pa caltener la distancia de los menores pero que para alumnáu de mayor edá ye discutible.
Vuelve descargase sobre los equipos directivos de los centros numberoses responsabilidaes, dende la xestión de compres de material sanitario como son los mázcaros y xeles, los aparatos pa la midida de CO2 nes aules según l’adopción de nueves midíes organizativas que nun se sabe si van ser les fayadices pa les condiciones de setiembre.
Finalmente, dende SUATEA valoramos lo que pueda tener de positivo’l caltenimientu de midíes de prevención qu’ayuden a garantizar que los centros educativos puean realizar la so función coles máximes midíes de seguridá sanitaria pero, a la vez espresamos la nuesa esmolición énte la posibilidá de que ciertes decisiones adoptaes a lo llargo la pandemia nun vaigan ser echaes atrás cuando yá nun tean presentes les causes que les aniciaron.

Uviéu, 9 de xunu de 2021.
Secretariáu de SUATEA

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757