Xunta cola Conseyera d’Educación pa tratar los problemes causaos pol GICE

NUEVA XUNTA COLA CONSEYERA D’EDUCACIÓN PA TRATAR LOS PROBLEMES CAUSAOS POL GICE

La Xunta de Personal Docente non Universitariu d’Asturies aconceyó güei pela cola Conseyera d’Educación, Carmen Suárez, y la Secretaria Xeneral Técnica, Mª. Begoña Fernández, pa falar sobre los problemes causaos nos centros educativos pola implantación del programa de xestión económica GICE.

En reconociendo que se cometieron erros nel procesu d’implantación del nuevu programa, la Conseyera amosóse bien dispuesta na busca de soluciones. Refugaron, sicasí, la posibilidá de caltener activu’l programa emplegáu hasta esti cursu, col argumentu de que nun s’afai a los requisitos llegales vixentes y que nun dexa emitir factures dixitales. Tampoco se comprometió a dar una moratoria pa la implantación del GICE, como se solicitó dende la Xunta de Personal.

Na xunta alcordóse:

• Crear canales de formación sobre’l programa alternativos a los esistentes, en grupos de poca xente y per zones pequeñes.
• Actuar con flexibilidá no que cinca al zarru del exerciciu, faciendo posible a los centros educativos qu’atopen dificultaes pa facelo, el realizar pagos a lo llargo del mes de xineru.
• Ameyorar les víes pal resolvimientu de duldes, porque los teléfonos pa consultes tán dafechu saturaos.

La Conseyera, a lo último, comprometióse a unviar una circular a los centros educativos recoyendo los puntos anteriores.

La Xunta de Personal Docente considera que la reunión foi granible, yá que s’avanzó na busca de soluciones, pero llamenta que nun salgamaren alcuerdos más concretos, como sedría’l d’establecer una moratoria pa l’aplicación del programa.

En Prensa:
Europa Press
La Vanguardia
LNE