Home > Comunicaos > Xunta cola alministración sobre’l profesoráu interín. 29 de setiembre de 2014

Xunta cola alministración sobre’l profesoráu interín. 29 de setiembre de 2014

XUNTA COLA ALMINISTRACIÓN 29 DE SETIEMBRE DE 2014

 Per parte de l’alministración:

–           Informar del cambéu producíu nes feches de los contratos fechos al profesoráu interín nes primeres axudicaciones del cursu. D’equí p’arriba la duración va ser del 1 de setiembre al 31 d’agostu. La intención ye xuntar criterios cola mayor parte de les CCAA nel empiezu y acabu de los contratos de forma que s’eviten los perxuicios d’aquelles persones qu’al camudar de Comunidá caen de les llistes d’interinidá.

–           Pa les nueves incorporaciones, que nun teníen un contratu previu con esta alministración, l’efectu tien calter retroactivu – dende’l 1 de setiembre-, evitando que nun se cumpla un añu completu al rematar el contratu y se vean perxudicaos de cara a posibles prestaciones por desempléu.

–           Al respective de la puntuación nos puestos de Mal desempeñu los representantes de la Conseyería manifestaron la intención de computar los 11 díis que falten pa completar l’añu, si bien queda pendiente de confirmación.

–           Tocantes a los exámenes de setiembre, el procedimientu va ser esti:

o Los que siguen nel centru fadránse cargu igual que’l restu del profesoráu fixu

o Los que camuden de centru tendrán de facelos onde tuvieron destín el cursu anterior. Van tener cubiertes les incidencies mientres los tresllaos nes mesmes condiciones que’l funcionariu de carrera cuando camuda de puestu tres el concursu de tresllaos.

o Cuando’l  docente interín nun saca vacante esi cursu fáise cargu de los exámenes el departamentu.

Propuestes de SUATEA:

–           Nel casu de que l’interín/a nun saque vacante y tenga exámenes en setiembre pidimos que se faiga una prórroga nel contratu que dexe al docente atender la evaluación de manera acorde a les necesidaes del alumnáu y del centru.

–           Al respective de l’axudicación y depués de facer reconocer los problemes derivaos de la tardía incorporación a los centros del profesoráu de secundaria solicitamos que se retome la propuesta d’axudicación provisional y definitiva, o la opción a la meyora de puestu que yá apurriéremos per escrito a l’alministración va tiempu.

–           Pidimos que se faiga pública l’”Acta de la xunta de la comisión de siguimientu del alcuerdu d’interinidá” nel que se tomaron una serie d’alcuerdos qu’afecten directamente a les condiciones llaborales el profesoráu interín.

–           Al respective de la convocatoria d’oposiciones solicitamos:

o Que se tenga en cuenta l’enorme amenorgamientu de la plantiya estable n’Educación y s’aplique una tasa de reposición del 100%, convocando toles places que quedaron vacantes.

o Que se fagan xuntes preparatories coles organizaciones sindicales p’abordar el procesu d’oposiciones evitando los problemes y perxuicios que se vivieron na última convocatoria. Nestes xuntes podríemos, de manera previa a la convocatoria abordar cuestiones importantes como: anonimatu, valoración de los títulos de grau, normativa a aplicar (APONDERE- LOMCE) nes programaciones, etc.

–           Tamién aprovechamos pa solicitar l’apertura de bolses n’aquelles especialidaes nes que tres la última axudicación la llista d’aspirantes ta escosada o próxima a escosar.

Uviéu, 30 de setiembre de 2014

VER PDF:140929 Reunión cola adm

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743