Entamu > Condiciones Laborales > Por una formación pa la meyora de la enseñanza

Por una formación pa la meyora de la enseñanza

Trabayu Dignu

  • Formación del profesoráu qu’incluya los conocimientos teóricos y prácticos referentes al desempeñu de la función docente. Formación n’“acción tutorial” pa tol profesoráu. Na formación permanente potenciaráse l’aprendimientu d’estratexes de comunicación, dinámiques de grupu y igua de conflictos.
  • La formación permanente, un derechu y un deber del profesoráu, ye responsabilidá de les Alministraciones educatives. Polo tanto, han desvinculase la formación y les retribuciones.
  • La planificación de la formación qu’han d’ufiertar les alministraciones educatives fadráse cola participación de los representantes del profesoráu, les universidaes públiques y los movimientos de renovación pedagóxica -o otros colectivos asemeyaos.
  • La formación permanente fadráse n’horariu llectivu y, preferentemente, nos centros de trabayu. Non a la privatización de la formación. Non al desvíu de recursos públicos de formación pa entes privaos.
  • Non a la formación del profesoráu como negociu.
  • Impulsu y apoyu a la innovación, la esperimentación y la investigación educativa del profesoráu.
  • Reconocimientu y apoyu institucional a los grupos de docentes que planifiquen la so autoformación y la reflexón conxunta sobre problemes pedagóxicos.
  • Aumentu del númberu de llicencies por estudios, col cobru íntegru de les retribuciones y venceyando la so concesión a la repercusión na meyora de la práctica docente.
  • Ufierta formativa de llingua asturiana, gallego-asturiano y cultura asturiana dirixida a tol profesoráu.
  • Planes institucionales de formación que posibiliten l’accesu de tol profesoráu a les titulaciones de grau.
  • Recuperación y ampliación de la Rede de Centros de Formación del Profesoráu y Recursos qu’apurra a los docentes formación específica.
  • Formación inicial y continua del profesoráu en temes d’igualdá de xéneru y diversidá sexual, subsanando l’actual deficiencia y dotando a tol profesoráu de los conteníos, preseos y metodoloxíes necesaries pa detectar y saber actuar énte actitúes sexistes, contraries a la igualdá ente homes y muyeres y al respetu a la diversidá afectiva y identidá de xéneru, tanto nel currículum esplícitu como nel ocultu del sistema educativu.
  • Fomentu y ufierta de formación del profesoráu en sistemes operativos y aplicaciones llibres.
  • Nomamientu de persones responsables, con cualificación en temes d’igualdá nos Centros de Formación del Profesoráu, que planificarán y coordinarán la formación continua del profesoráu en coeducación.
  • Por una educación inclusiva, pola compensación de desigualdaes y l’atención a la diversidá
  • Reivindicación d’una escuela inclusiva, que refuercie’l so papel compensador de desigualdaes sociales, que respuenda a la diversidá de tol alumnáu, que respete y reconoza les sos diferencias y les sos singularidaes, qu’ufra les oportunidaes educatives y les ayudas necesaries -curriculares, personales y materiales- pal progresu académicu y personal del alumnáu.
  • Tolos centros educativos han ser de fechu centros d’integración y han tener les condiciones arquitectóniques y físiques apropiaes.
  • Desenrollu d’un Decretu específicu d’Atención a la Diversidá que garantice la dotación a tolos centros públicos del personal necesariu p’atender con calidá al alumnáu que presente necesidaes específiques d’apoyu educativu, trascendiendo la categoría de necesidaes educatives especiales.
  • Regulación de la organización y funcionamientu de la Unidá d’Atención Temprana siguiendo una perspectiva global, con vertientes educatives, sanitaries y sociales, centráu na familia y dando servicios nos entornos naturales de los neños y neñes.
  • Dotación de profesoráu de PT y AL para tol alumnáu que lo precise en tolos niveles educativos. Disponibilidá horaria pa exercer un llabor preventivu y orientador.
  • Reducción horaria pal profesoráu de PT o AL que tenga qu’asumir la coordinación de la Unidá d’Orientación nos centros d’Educación Infantil o Primaria.
  • Disminución de la ratio nes aules en función de la cifra d’alumnado con necesidá específica d’apoyu educativu.
  • Ellaboración d’un Plan de actuación coordináu ente distintos servicios, instituciones sociales, sanitaries y conceyos p’algamar una coordinación efectiva de recursos nel llabor preventivu y compensador de la escuela. Impulsar iniciatives como la criación d’escueles de familia.
  • El currículu del centru incorporará a la so ufierta los programes p’atender a la diversidá llingüística del alumnáu.
  • Desendolcaránse programes d’educación pa la convivencia –n’horariu llectivu- y apurriráse a los centros el profesoráu necesariu.
  • Dotación nes Unidaes d’Orientación de los centros d’Infantil y Primaria y nos Departamentos d’Orientación en Secundaria de técnicos superiores d’educación, fisioterapeutes, intérprete de llingua de signos o otros profesionales que fagan falta en función del alumnáu de NEAE.
  • Implantación del serviciu de comedor escolar en tolos centros educativos públicos, con personal de cocina y monitores de comedor a cargu de l’Alministración. Afayamientu del serviciu de tresporte escolar a unes condiciones de seguranza y calidá óptimes y amañoses a les característiques y necesidaes del alumnáu -ramples y anclaxes necesarios pa silles de ruedes…-.
  • Tresporte de baldre pa toles enseñances de la rede pública.
  • Horariu llectivu pa l’acción tutorial de polo menos trés hores, como elementu clave d’atención a la diversidá, y pa las xera de coordinación. La función tutorial ye inherente a la xera docente.
  • Dotación de personal d’apoyu nel aula per tol período llectivu nos Centros d’Educación Especial.

Disponible en: Castellanu, Gallego-asturianu