Entamu > Escuela Pública > Por una Escuela Pública Asturiana

Por una Escuela Pública Asturiana

Paragües Asturies

  • Ufierta educativa pública qu’atienda les necesidaes de tola población asturiana, ensin discriminación dala pol llugar de residencia o procedencia, en tolos niveles educativos, obligatorios y non obligatorios.
  • Les perres públiques pa la escuela pública asturiana. Refugamos la privatización del sistema educativu asturianu y la política de conciertos con empreses privaes, la “esternalización” de servicios (comedor, tresporte, cuidaos, instalaciones deportives, llimpieza, mantenimientu d’equipos informáticos…), asina como la introducción de la ideoloxía empresarial nos currículos y nes rellaciones llaborales.
  • Declaración d’Oficialidá de la Llingua Asturiana, y del Gallego-Asturiano nel so territoriu. Desixencia de que, mentanto nun s’algame esta reivindicación histórica, se tomen transitoriamente les midíes organizatives rellatives a personal, material y dotación presupuestaria que s’averen lo máximo a una situación d’oficialidá. Reconocimientu de la especialidá de Llingua Asturiana en tolos niveles educativos y criación de puestos de Llingua Asturiana y Gallego-Asturiano nes plantiyes docentes.
  • Sistema educativu asturianu propiu que tresmita les nuestres señes d’identidá (cultura material, llingües propies, música…) d’una forma natural y acordies col bagax científicu-técnicu y humanista necesariu p’asitiase na vanguardia del conocimientu y nel respetu a la interculturalidá del mundu actual.
  • Política institucional que favoreza la ellaboración de material curricular basáu na nuestra realidá cultural, histórica, social y llingüística.
  • Por un Conseyu Escolar d’Asturies de composición y funcionamientu democráticos, que nun seya un simple voceru de l’Alministración.
  • Por unos servicios complementarios públicos (comedor, tresporte, actividaes complementaries), xestionaos pola Alministración asturiana, qu’atiendan dignamente a tol alumnáu.
  • Pol derechu a la negociación colectiva colos representantes del profesoráu. Elecciones a delegaos y delegaes sindicales de Centru. Negociación d’un nuevu alcuerdu retributivu qu’equipare al profesoráu asturianu col restu del profesoráu del Estáu, per aciu d’una xuba llinial, ensin discriminaciones.
  • Por una Formación Profesional al serviciu de la sociedá asturiana y non de los intereses de dalgunos empresarios. Refugu a la privatización de los centros de FP y al usu de les sos instalaciones y material poles empreses. Ufierta de Formación Profesional pública: non a la privatización de la FP. Refugu a les subvenciones millonaries a sindicatos, empresariáu y otros “axentes sociales” (ONGs tapadera, academies de formación, fundaciones varies…).
  • Negociación d’un nuevu Alcuerdu sobre profesoráu interín que recueya la estabilidá del colectivu y equipare les sos condiciones llaborales coles del profesoráu funcionariu de carrera. Refugu de los contratos a media xornada.

Disponible en: Castellanu, Gallego-asturianu