Entamu > Centros Educativos > Pola xestión democrática de los centros

Pola xestión democrática de los centros

puzzle

  • Derogación de la LOMCE y modificación de la LOE pa posibilitar la xestión democrática de los centros educativos. Non al modelu de xestión empresarial y competitiva.
  • Non al proyectu d’Estatutu Docente presentáu pol Ministeriu d’Educación.
  • Potenciación de claustros y conseyos escolares y recuperación de toles competencies sobre xestión y gobiernu de los centros. Non a la conversión d’estes instancias en meros órganos consultivos.
  • Elección democrática de tolos cargos directivos, incluyíos los de los Centros Integraos de Formación Profesional.
  • Non a la peñera del profesoráu per parte del director/a del centru.
  • Potenciación del trabayu n’equipu del profesoráu y eliminación de la xerarquización actual nos cuerpos docentes.
  • Non a los contratos programa; dotación amañosa de recursos a tolos centros.
  • Recuperación y ampliación de les competencies de Claustros y Conseyos Escolares: non a la figura del director/a como xerente. Que les direcciones de los centros nun asuman les competencies usurpaes a los órganos colexaos.
    Creación y potenciación de los Conseyos Escolares Municipales y Territoriales. Elección democrática de los representantes nestos Conseyos Escolares.
  • Corresponsabilidá y paridá na xera de coordinación y xestión de la organización de los centros ensin sesgos sexistes.
  • Desendolcu d’una educación basada nos valores del pensamientu críticu, la llibertá de conciencia y d’espresión, la solidariedá, la igualdá de xéneru, laicidá y el respetu de la diversidá étnica, cultural, llingüística, sexual y d’identidá de xéneru.
  • Fomentu de la identidá cultural asturiana, per aciu del conocimientu de la llingua asturiana y gallego-asturiano, l’entornu y dende la interculturalidá.
  • Desenrollu de programes de coeducación, prevención del racismu y de la xenofobia, prevención de la homofobia, educación emocional y sexual, educación medioambiental, educación pa la paz y la democracia…, como temes tresversales en toles árees.
  • Inclusión nel currículu escolar y nos planes d’Acción Tutorial de programes que potencien el respetu a la diversidá sexual y identidá de xéneru. Prevención del acosu y discriminación por esta causa a cualisquier persona de la comunidá.

Disponible en: Castellanu, Gallego-asturianu