Entamu > Condiciones Laborales > Pola meyora de les retribuciones

Pola meyora de les retribuciones

Primero discriminaos depués recortaos

  • Negociación real y efectiva na Mesa Sectorial d’Educación de les condiciones llaborales y retributives del profesoráu.
  • Negociación d’un nuevu sistema retributivu que torgue la división salarial del profesoráu asturianu. Xuba llinial pa toos y toes que subsane la perda de masa salarial d’estos últimos años. El nuevu sistema tien d’incluyir les actuales retribuciones nel salariu base y otorgar el nivel 26 del complementu de destinu pa tol profesoráu.
  • Refugu a un sistema retributivu basáu nes evaluaciones arbitraries. Les retribuciones han basase nun repartu homoxéneu de la masa salarial ente’l profesoráu.
  • Derogación de la Llei d’Evaluación y los sos Incentivos, por ser contraria al principiu d’igualdá retributiva. Non al complementu de productividá impuestu dende ámbitos ayenos al profesoráu.
  • Recuperación íntegra de la Paga Estraordinaria de 2012, con intereses de demora.
  • Recuperación del poder alquisitivu perdíu y corrección del deterioru salarial que los docentes arrastren hai años.
  • Actualización salarial añal en rellación cola medría del costu de la vida.
  • Desapaición de los contratos a tiempu parcial y de les hores estraordinaries pa tresformalos en nuevos puestos de trabayu y xornaes a tiempu completu.
  • Non a la privatización de les pensiones. La masa salarial de los planes de pensiones ha dir al xornal de cada trabayador o trabayadora.
  • Recuperación de les ayudes de carácter social.
  • Cobru de los complementos específicos per parte de les persones que sustitúin cargos unipersonales de baxa y permisos.

Disponible en: Castellanu, Gallego-asturianu