Entamu > Enseñances > Pola meyora de les Enseñances de Réxime Especial

Pola meyora de les Enseñances de Réxime Especial

Conservatorio

  • Negociación y actualización de les órdenes d’organización y funcionamientu de los Conservatorios profesionales de Música y Danza, de les Escueles d’Artes y de la ESAD, afayándolos a la so categoría d’educación superior.
  • Nos estudios d’Arte Dramáticu, ha incluyise profesoráu de Llingua Asturiana o Gallego-Asturiano.
  • Afayamientu de los horarios del profesoráu pa propiciar la participación n’actividaes artístiques, asina como pa fomentar la so participación en proyectos d’investigación pedagóxica, artística y criativa.
  • Reconocimientu y cómputu de les hores de preparación de talleres y tutoríes del alumnáu como hores llectives.
  • Puesta en marcha y desenrrollu de la especialidá de Dirección d’escena y dramaturxa.
  • Dotación de tol profesoráu necesariu, en toles especialidaes, pa unes enseñances artístiques de calidá.
  • Criación d’una rede de conservatorios elementales, dependientes de la Conseyería d’Educación, en toles comarques. Criación del Conservatoriu de Grau Elemental n’Uviéu.
  • Criación de Ciclos Formativos de Grau Mediu y Superior n’especialidaes técniques pal Arte Dramáticu -caracterización, lluminotecnia, atrezzo y utillería, escenografía, vestuariu, etc.- ciclos que deberíen ponese n’institutos d’Educación Secundaria.
  • Regulación e ensertamientu del Bachilleratu d’Artes nes enseñances de les Escueles d’Arte y Conservatorios. Afitamientu de planes de formación y actualización profesional del profesoráu de les materies del Bachilleratu d’Artes nes Escueles Superiores d’Arte y Conservatorios.
  • Afayamientu y dotación d’edificios, infraestructures y recursos pa estes enseñances. Construcción darréu de la Escuela Superior d’Arte d’Avilés y un edificiu específicu pal Conservatoriu Superior de Música.
  • Estabilidá nel empléu hasta l’accesu definitivu a la función pública pa tol profesoráu.
  • Ufierta d’empléu públicu pa cubrir les places de plantiya en tolos centros d’enseñances artístiques.
  • Dotación de profesoráu pa cubrir vacantes o sustituciones per aciu de llistes d’aspirantes a interinidá procedentes de procedimientu selectivu o bien per aciu de bolses de trabayu abiertes al efectu.
  • Desenrollu d’un plan de formación específica del profesoráu pal ámbitu de les enseñances artístiques.
  • Accesu a cuerpu de nivel superior pal profesoráu con destinu definitivu n’Asturies.

Disponible en: Castellanu, Gallego-asturianu