Entamu > Enseñances > Pola meyora de la Formación Profesional

Pola meyora de la Formación Profesional

Javier Fernández, seriedad?

  • Derogación de la Llei de les Cualificaciones y de la Formación Profesional y del Títulu II, Capítulu VII de la Llei Economía Sostenible. Estes lleis contemplen la privatización de la FP y permiten la incorporación de los centros privaos y empreses al sistema educativo cola posibilidá d’apurrir títulos de valir académicu y llaboral. Estes lleis tamién suponen la privatización de los centros de FP y l’usu de les sos instalaciones y material per parte de les empreses.
  • Tolos recursos públicos han dir empobinaos a la FP de los centros públicos. Non a los conciertos. Potenciación de la FP reglada, al serviciu del desenrrollu personal del alumnáu.
  • Non a una formación escasa o insuficiente, dirixida a formar persones que fagan un trabayu precariu.
  • Control públicu de les actividaes formatives de FP. Control públicu esclusivu sobre los títulos y certificaos profesionales.
  • Modificación de les normes que regulen la composición de los Conseyos de la Formación Profesional pa qu’entren tolos sindicatos.
  • Impartición de la formación ocupacional y continua en centros públicos.
  • Xestión democrática de los Centros Integraos de FP, empecipiando pela potestá de la elección de los cargos directivos per parte de la comunidá educativa del centru.
  • Cursos de formación ocupacional y de formación continua metíos na programación añal del centru; l’horariu correspondiente a estos cursos ha integrase na plantiya del centru y deben criase los puestos de trabayu necesarios, ensin recurrir a les hores estra. Non a la Formación Profesional como negociu.
  • Ampliación de les plantiyes de profesoráu de FP que facilite la formación y adaptación a los distintos ciclos.
  • Ratio máxima de 15 alumnos/es por aula. Desdoblamientu de los módulos prácticos.
  • Regulación de los Centros Integraos de FP que garanticen el carácter públicu de los mesmos.
  • Tutoríes de Formación en Centros de Trabayu: dotación d’hores llectives abondes, y pagu de dietes y kilometraxe.
  • Diseñu y puesta en práctica d’una Formación y Orientación Llaboral empobinada hacia una cultura sindical solidaria y participativa nel mundu del trabayu.
  • Asignación d’horariu pa llabor de mantenimientu de talleres y llaboratorios.
  • Derogación del RD 127/2014 pel que se regula la FP Básica.
  • Retirada del proyectu de Decretu que regula los Centros Integraos de Formación Profesional del Principáu d’Asturies que permite que les direcciones de los centros contraten a parte del profesorado. Tamién permite que la Conseyería d’Educación ponga a deu a les persones encargaes de les direcciones de los centros.
  • Usu del sistema de llistes de profesoráu interín y bolses de trabayu pa la contratación del 100% del profesoráu que da la formación reglada, ocupacional y continua nestos centros.
  • Asignación d’horario abondu pa l’atención de tutoríes en ciclos formativos a distancia.
  • Garantizar la formación continua y de calidá del profesoráu, especialmente nel momentu de la implantación de nuevos ciclos formativos.
  • Fomentu per parte de la Conseyería d’Educación d’acciones empobinaes a ellaborar materiales de calidá que sirvan d’apoyu nel llabor docente del profesoráu de ciclos formativos.
  • Diseñu y puesta en práctica de midíes que potencien la elección non sexista per parte del alumnáu de les distintes families profesionales.
  • Refugu a la FP Dual nos términos nos que ta plantegada, yá que supón mano d’obra casi de baldre pa la empresa a cambiu d’una formación más que duldosa.

Disponible en: Castellanu, Gallego-asturianu