Entamu > Enseñances > Pola meyora de la Escuela nel mediu rural

Pola meyora de la Escuela nel mediu rural

Escuela Rural

  • Tratamientu lexislativu específicu pa la Escuela Rural como exa estratéxica de vertebración de la sociedá asturiana poles sos característiques xeográfiques, incidiendo enforma nos requisitos mínimos de los centros, la so estructura organizativa y normativa de funcionamientu. Reglamentos orgánicos de centros afayaos a esta especificidá.
  • Obligatoriedá de que’l mapa escolar rural contemple toles etapes y ufiertes educatives -obligatories y post-obligatorias-, asina como los diferentes servicios -equipos Psicopedagóxicos y d’Orientación, tresporte y comedor, actividaes estraescolares… -
  • Reconocimientu de la diversidá de modelos d’escolarización nel mediu rural (escueles unitaries, centros incompletos, CRAs, etc.), a condición de garantizar el cumplimientu de requisitos mínimos en dotaciones y infraestructures y una plantiya estable y curiosa.
  • Cumplimientu del alcuerdu de plantiyes d’Infantil y Primaria pa garantizar la figura del tutor/a xeneralista por unidá y la dotación abonda d’especialistes, asina como de profesoráu d’apoyu y d’atención a la diversidá. En Secundaria, criación y funcionamientu de los diferentes departamentos, incluyíu’l d’Orientación, col personal abondu que permita l’atención a la diversidá de tol alumnáu, desenrrollando les funciones de tutoría y orientación que correspuenden.
  • Ratios reducíes y agrupamientos cimbles que favorezan el mantenimientu d’unidaes nel mediu rural.
  • Formación específica, inicial y permanente, pal profesoráu del mediu rural. Al mesmu tiempu, formación en Llingua Asturiana y/o Gallego-Asturiano. Criación y dinamización de grupos específicos de trabayu, innovación educativa y investigación.
    Regulación y meyora de les condiciones llaborales del profesoráu itinerante, con compensaciones económiques y horaries derivaes de la propia itinerancia. Cobertura d’un seguru a tou riesgu en casu d’accidente y dotación presupuestaria abonda pa encarar indemnizaciones y créitos ensin intereses pa l’alquisición de vehículos, mientres nun hebia un parque móvil pal profesoráu itinerante.
  • Mantenimientu en condiciones dignes d’edificios y instalaciones de les escueles rurales.
  • Estensión de la regulación a otros colectivos obligaos a itinerar por razones de serviciu (equipos psicopedagóxicos, asesores de formación, inspectores, etc.).
  • Implantación de la ESO na zona rural que nun suponga la devaluación de les condiciones d’escolarización respecto a zones urbanes. Ufierta específica d’Educación de persones adultes nel mediu rural nes condiciones d’escolarización y recursos amañosos.
  • Introducción de programes específicos y afayaos a la complexidá de xestión de los centros incompletos y/o d’ámbitu rural.
  • Afayamientu de les rutes de tresporte escolar a les necesidaes del alumnáu.

Disponible en: Castellanu, Gallego-asturianu