Entamu > Enseñances > Pola meyora de la Educación Secundaria

Pola meyora de la Educación Secundaria

Educación Secundaria

  • Configuración y potenciación d’una rede pública de centros que garantice’l derechu a la educación del alumnáu, independientemente de les circunstancies xeográfiques y sociales, y ensin mengua de la ufierta educativa nin de les condiciones llaborales del profesoráu.
  • Garantía en tolos llugares o zones d’una ufierta educativa lo más amplia posible, que garantice la mayor igualdá en tolos centros. Amplia ufierta de les Enseñances de Réxime Nocherniegu. Amplia ufierta de les distintes modalidaes de Bachilleratu y especialmente del Bachilleratu d’Artes. Ufierta obligatoria pa tolos centros de toles asignatures troncales y de modalidá.
    Reducción de les ratios hasta asitiales nun máximu de 18 en tola ESO y 20 en Bachilleratu; criación de grupos cimbles y desdobles pa garantizar l’atención a la diversidá. Garantizar les hores de llaboratoriu, idiomes…
  • La Tecnoloxía y les materies qu’impliquen talleres nun perpasarán los 15 alumnos/es por aula. Non a les ratios mínimes pa grupos de desdobles, llaboratorios… Aumentu de la ufierta d’asignatures optatives y eliminación del númberu mínimu pa impartiles.
  • Dotación nos Departamentos d’Orientación de los fisioterapeutes, intérpretes de llingua de signos o otros profesionales que precisen en función del alumnáu de NEAE.
  • Mantenimientu de les plantiyes:
    • Non al desplazamientu de profesoráu por falta d’horariu.
    • Supresión de la impartición d’”asignatures afines”.
    • Criación de los departamentos didácticos correspondientes a caúna de les materies contemplaes nos correspondientes decretos d’especialidaes.
  • Reducción del horariu llectivu: 15 hores llectives pa tol profesoráu. Non a les hores estraordinaries.
  • Derogación del Real Decretu 14/2012, de 20 d’abril, de midíes urxentes de racionalización del gastu públicu nel ámbitu educativu que supunxo l’empioramientu de les condiciones llaborales del profesoráu asturianu.
  • Non al enseñu de la relixón na Enseñanza Secundaria y Bachilleratu.
  • Reconocimientu de les llingües d’Asturies y criación de los departamentos correspondientes. Plan d’acoyida integrador pal alumnáu inmigrante que desconoza la llingua castellana, asturiana o gallego-asturiano.
  • Meyora del enseñu d’idiomes cola constitución de grupos reducíos, fomentu de la presencia d’auxiliares de conversación y de los intercambios escolares.
  • Formación específica del profesoráu pa l’atención a la diversidá y la igua de conflictos.
  • Non a la especialización curricular de centros. Non a la reserva de places pa la especialización curricular.
  • Impulsu de les midíes necesaries –programes, organización, formación del profesoráu– pa fomentar la coeducación y sensibilidá sobre’l valor positivu de la igualdá de derechos y oportunidaes ente muyeres y homes, y l’aprendimientu de modelos sociales non sexistes, asina como’l refugu a la violencia machista.
  • Refugu a la implantación de la FP Básica que supón unviar al alumnáu a una vía muerta educativa ensin posibilidá de recular.
  • Impulsu de programes que potencien el respetu a la diversidá sexual y identidá de xéneru, previniendo l’acosu y discriminación por esta razón a cualesquier persona de la comunidá.
  • Non a les reválides d’ESO y Bachilleratu. Que la titulación del alumnáu nun dependa, nestes etapes educatives, d’un solu exame. Reconocimientu de les calificaciones y el trabayu diariu del profesoráu.

Disponible en: Castellanu, Gallego-asturianu