Entamu > Enseñances > Pola meyora de la Educación Infantil

Pola meyora de la Educación Infantil

Educación Infantil

  • Integración del primer ciclu d’Educación Infantil 0 a 3 años nel sistema educativu públicu dependiendo la so organización, xestión y funcionamientu directamente de la Conseyería d’Educación, Cultura y Deporte.
  • Criación de más Escueles Infantiles de 0 a 3 años p’atender les necesidaes demandaes poles families. Designación d’una directora o director pa cada Escuela y instauración de la “pareya pedagóxica” como personal de referencia pa cada unidá de la mesma.
  • Afayamientu de los centros d’esta etapa a les característiques y necesidaes del alumnáu -patios, aseos, aules… – y eliminación de toles estorbises arquitectóniques.
  • Ratios máximes nel segundu ciclu d’educación Infantil: tres años: 12; cuatro años: 14; cinco años: 14; aules mistes de tres y cuatro años: 10; mista de cuatro y cinco años: 12. Mista de tres, cuatro y cinco: 8. Mengua de les ratios en función del alumnáu con NEAE, integrando como máximo dos alumnos/es por grupu y garantizando pa ello apoyu permanente d’especialistes.
  • Mayor númberu d’apoyos dientro l’aula, que favoreza una meyora nes condiciones llaborales del profesoráu y una mayor atención al alumnáu.
  • Formación específica y continua pal profesoráu dientro del horariu llaboral, desenrrollándola acordies a les nueves necesidaes educatives y contestualizada nes necesidaes del centru.
  • Atención al alumnáu con NEE por personal especialista en Pedagoxía Terapéutica (PT), Audición y Llinguax (AL), fisioterapeuta y técnicos superiores d’educación; incluyendo tamién llabor preventivu pa tol alumnáu.
  • Plan d’acoyida integrador pal alumnáu inmigrante. Mantenimientu y refuerzu de les aules d’inmersión llingüística. Plan específicu pal alumnáu que desconoza’l castellán, asturianu o gallego-asturiano.
  • Períodu d’adaptación n’Educación Infantil de 3 años, allongáu pel mes de setiembre.
  • Non al enseñu de la relixón na etapa d’Educación Infantil.
  • Personal educativu complementariu: técnicos superiores d’educación y personal d’alministración y servicios en tolos centros públicos. Presencia del personal de llimpieza en tol horariu llectivu.
  • Profesoráu cola especialidá de Llingua Asturiana o Gallego-Asturiano nos Centros d’Educación Infantil y introducción de les mesmes nel currículu d’Educación Infantil con horariu equiparáu al restu d’árees llingüístiques.
  • Dotación amañosa a les Escueles d’Educación Infantil, respetando l’Alcuerdu de Plantiyes, y reconocimientu de la reducción horaria a los cargos directivos.
  • Impulsu de les midíes necesaries –programes, organización, formación del profesoráu- pa fomentar la coeducación y sensibilidá sobre’l valor positivu de la igualdá de derechos y oportunidaes ente muyeres y homes, y l’aprendimientu de modelos sociales non sexistes dende la etapa más temprana de socialización.

Disponible en: Castellanu, Gallego-asturianu