Entamu > Centros Educativos > Pola meyora de la convivencia nos centros educativos

Pola meyora de la convivencia nos centros educativos

En defensa de la enseñanza pública

  • Reconocimientu de la existencia d’una violencia específica nel ámbitu escolar que daña la convivencia nos centros educativos. Desenrrollu de programes educativos pa prevenir y eliminar la violencia en cualesquier de les sos formes.
  • Refugu y ellaboración de protocolos énte cualesquier conteníu y esaltación de violencia física, psicolóxica, verbal, xestual, sexual, motivaes por sexismu, homofobia, racismu, xenofobia o cualisquier otra causa que dañe la convivencia nos contestos escolares o seya una discriminación para cualesquier miembru de la comunidá educativa.
  • Fomentu de la convivencia, per aciu de la democratización de los centros, pa meyorar les rellaciones ente los diversos estamentos que componen la comunidá educativa. Impulsar la educación en valores y los conteníos de la convivencia en positivo: l’ayuda, la collaboración, la cooperación, la solidariedá, el trabayu de la empatía, la escucha activa, les habilidaes sociales, el diálogu y la igua de los conflictos nos contestos escolares.
  • Desixencia a les Alministraciones Públiques de la prevención y abordaxe de los problemes de convivencia nel so raigañu social, comprometiéndose na llucha efectiva pola reducción de les desigualdaes sociales al traviés de polítiques compensadores.
  • Inxerción y integración dafechu de la prevención de los conflictos y de la violencia nes dinámiques escolares; ellaboración de “planes preventivos integrales” y de “planes específicos” pa problemes concretos, cola participación real de tolos sectores de la Comunidá Educativa… Formación específica n’igua de conflictos y mediación dende y nos departamentos d’orientación.
  • Medría de los recursos pa encarar los nuevos retos de la convivencia: reducción de les ratios y del númberu de grupos por profesor/a; aumentu de plantiyes de los centros públicos y que s’incluya a otros profesionales distintos a los docentes (trabayadores sociales, mediadores, collaboradores, sanitarios/es, técnicos superiores d’educación…).
  • Desenrollu plenu de sistemes d’atención a la salú psicosocial pa tol profesoráu, con adaptación de los reconocimientos a les especificidaes de les situaciones de convivencia y a los diferentes perfiles de centros y de puestos de trabayu.
  • Estudiu del impactu de les nueves tecnoloxíes na convivencia escolar, asina como planes d’actuación correspondientes.
  • Estensión de los valores participativos y la corresponsabilidá na xestión de la convivencia a tola Comunidá Educativa, fomentando’l trabayu con otres instancies y figures como los/les educadores y los servicios sociales, conceyos, organizaciones sociales y ciudadanía en xeneral.
  • Compromisu total colos trabayadores del enseñu públicu, impulsando la valoración social del nuestru trabayu, ampliando y meyorando l’asistencia xurídica y l’apoyu institucional.

Disponible en: Castellanu, Gallego-asturianu