Entamu > Inclusión > Pola igualdá ente muyeres y homes

Pola igualdá ente muyeres y homes

Podemos facelo

  • Inclusión nel currículu escolar y nos planes d’Acción Tutorial de la Educación pa la Igualdá, la Educación Afectivo-Sexual y la Prevención y Resolución Pacífica de Conflictos.
  • Fomentu de midíes que favorezan l’accesu de les muyeres a los órganos de gobiernu y equipos directivos de los centros.
    Formación inicial y permanente del profesoráu sobre Igualdá de Xéneru y Coeducación.
  • Integración nos currículos correspondientes de toes aquelles muyeres que contribuyeron a tolos avances que se dieron na ciencia, la cultura y el desenrollu social.
  • Adopción de midíes que torguen el llinguax sexista y l’usu d’estereotipos sexistes o discriminatorios nos materiales escolares y nos centros.
  • Impulsu de programes de prevención de la violencia contra les muyeres. Inclusión de midíes nos proyectos educativos de los centros.
  • Afayamientu del puestu de trabayu pa les muyeres embarazaes o en período de llactancia, si les condiciones del mesmu puen influyir negativamente na salú de la muyer, del fetu o llactante.
  • Ellaboración en tolos centros d’un Plan d’Igualdá asina como de la criación, dientro de los mesmos, de la figura d’un/a responsable del mesmu, con reducción horaria.
  • Afitamientu de les asesoríes de formación del profesoráu en materia de Coeducación. Dotación a los centros de materiales y recursos didácticos específicos en Coeducación y Prevención de la violencia contra les muyeres.
  • Ampliación del permisu maternal por nacimientu o adopción a un períodu de 26 selmanes, acordies colos encamientos de la Organización Mundial de la Salú. Permisu paternal igual al maternal, obligatoriu, intresferible y remuneráu al 100%.
    Permisos de maternidá o paternidá acumulables pa les families monoparentales o p’aquelles nes qu’una de les persones muerra. Posibilidá de xuntar l’acumulación de llactancia a una escedencia o a un permisu por asuntos propios.
  • Los períodos vacacionales y non llectivos del calendariu escolar nun computarán como permisu de maternidá/paternidá.
  • Meter nel calendario escolar como feches a conmemorar el 25 payares y el 8 de marzu.
  • Formación inicial y permanente del profesoráu sobre Igualdá de Xéneru y Coeducación, en tolos estudios universitarios. Nel máster del profesoráu, impartiráse como asignatura troncal.

Disponible en: Castellanu, Gallego-asturianu