Entamu > Condiciones Laborales > Pola estabilidá del Profesoráu Interín

Pola estabilidá del Profesoráu Interín

interinos

  • Derogación del modelu actual d’accesu (Real Decreto 276/2007) y negociación d’un nuevu sistema que contemple l’accesu estremáu pal profesoráu interín.
  • Valoración prioritaria na fase de concursu de la esperiencia docente nel enseñu públicu, considerándolu na so totalidá. Oposición ensin pruebes eliminatories, onde la valoración de les estratexes pedagóxiques tenga mayor consideración que les pruebes memorístiques.
  • Convalidación de la fase de práctiques con un cursu d’esperiencia docente. Máximes garantíes de tresparencia y oxetividá en tol procesu selectivu, con un sistema que garantice l’anonimatu. Selección de tolos miembros de los tribunales por sortéu.
  • Derechu efectivu a revisión y reclamación de toles pruebes énte los tribunales. Criterios de calificación públicos.
  • Negociación d’un nuevu Alcuerdu sobre profesoráu interín que recueya la estabilidá pa tol colectivu hasta’l so accesu definitivu a la condición de funcionariu/a de carrera.
  • Ellaboración de llistes desvinculaes de les convocatories d’oposiciones nes que’l méritu preferencial seya’l tiempu de servicios prestaos.
  • Introducción de la “meyora de puestu” cuando nun salgan toles places na primer convocatoria, garantizando asina l’orde de prelación nes llistes a la d’elexir.
  • Reconocimientu de les funciones feches pol profesoráu interín (xefatures, tutoríes…).
  • Non a la peñera del profesoráu interín per parte del director/a del centru.
  • Equiparación de les condiciones llaborales col personal funcionariu de carrera, sigún el principiu de non discriminación de los trabayadores con contratu de duración determinada.
  • Pola non discriminación ente’l funcionariáu interín y el de carrera en materia de permisos y llicencies por maternidá, por paternidá y por reducción de xornada de fíos y fíes y por cuidáu de familiares. Cómputu total del tiempu de llicencia a tolos efectos (servicios prestaos, retribuciones, vacaciones y derechos alministrativos).
  • Cobertura de toles vacantes dende l’aniciu de cursu cola axudicación pública con garantíes de tresparencia publicando y identificando les característiques concretes de cada plaza.
  • Petición de vacantes con un sistema seguru y fiable, que nun induza a errores que podian echar del sistema al profesoráu aspirante a la plaza. Posibilidá de facer les peticiones tanto telemáticamente como en papel. Axudicación provisional y plazu de reclamaciones anantes de l’axudicación definitiva.
  • Dotación pa cubrir toles sustituciones, independientemente de la duración, y los apoyos en tolos niveles y programes educativos.
  • Non a la xeneralización de los contratos a tiempu parcial. Refugu total a les medies xornaes itinerantes.
  • Accesu n’igualdá de condiciones a la formación institucional independientemente de la situación llaboral del demandante.
  • Que nun se valore en nengún baremu la esperiencia docente por impartir Relixón.
  • Accesu a la xubilación nes mesmes condiciones que’l funcionariu de carrera.

Disponible en: Castellanu, Gallego-asturianu