Entamu > Escuela Pública > Pola Escuela Pública

Pola Escuela Pública

Escuela Publica

  • Dotación presupuestaria amañosa pal sistema educativu públicu: aumentu de la so financiación hasta un 7% del PIB. El gastu educativu actual representa’l 4,3 % y la media na UE ye del 5,3 % del PIB.
  • Negociación d’una rede pública de centros pa satisfacer toles necesidaes nes etapes y enseñances, obligatories y non obligatories.
  • Prioridá absoluta de la escolarización en centros públicos frente al pretendíu derechu d’“elección de centru”.
  • Eliminación de conciertos educativos con empreses privaes y ampliación de la rede pública pa cubrir la escolarización de tol alumnáu.
  • Eliminación darréu de los conciertos a los centros que segreguen al alumnáu en función del sexu o de cualesquier otra circunstancia.
  • Non a la cesión de suelu público a empreses privaes pa la construcción de centros escolares.
  • Refugu de la Llei d’Evaluación y los sos incentivos. Tresformación de los mesmos nuna xuba llinial igual pa tol profesoráu que recupere y meyore’l poder alquisitivu perdíu.
  • Por una escuela democrática, crítica, que favoreza’l trabayu n’equipu. Refugamos la competitividá ente’l profesoráu y cualesquier tipu de desregulación llaboral o económica.
  • Ellaboración, nel marcu de la Mesa Sectorial, d’un plan de Centros y equipamientos escolares, col envís de poner una dotación digna para tolos centros escolares d’infraestructures y dotaciones materiales.
  • Desiximos la dotación necesaria de personal docente y non docente nos Centros educativos p’afayar les plantiyes a les sos necesidaes educatives y asistenciales, garantizando l’apoyu a la integración del alumnáu con necesidaes educatives especiales, la compensación educativa, asina como l’atención a la diversidá.
  • Afitamientu del Cuerpu Únicu d’Enseñantes.
  • La evaluación ha ser una xera interna, empobinada a la detección y superación de les estorbises y problemes plantegaos, esto ye, a la meyora y perfeccionamientu del sistema educativu públicu.
  • Non a les reválides que desvirtúen la evaluación continua, y non a los rankings de centros. Non a les evaluaciones esternes del sistema educativu, subordinaes a oxetivos de mercantilización, privatización y precarización llaboral.
  • Fortalecimientu d’un enseñu públicu y de baldre, que refuercie les diferentes cañes del conocimientu, l’espíritu críticu y la laicidá: la relixón fuera de la escuela. Acabar cola enseñanza confesional de cualesquier doctrina relixosa nel currículu escolar.
  • Desapaición de tolos símbolos y actos relixosos en tolos centros d’enseñanza.
  • Usu de software llibre na Alministración y en tolos centros educativos. Dotación del personal necesariu y con cualificación tanto pa la formación del profesoráu nes TICs como pa la xestión de los sistemes informáticos nos centros educativos.
  • Por una escuela coeducativa y igualitaria.

Disponible en: Castellanu, Gallego-asturianu