Entamu > Condiciones Laborales > Pola cultura preventiva y la seguranza y salú nel trabayu

Pola cultura preventiva y la seguranza y salú nel trabayu

xubilacion

  • Derogación de la normativa actual relativa a la retención d’haberes en casu d’incapacidá llaboral transitoria. 100 % de les retribuciones en tolos casos d’ILT. Non a la penalización salarial por enfermar.
  • Constitución y funcionamientu normalizáu del Comité de Seguranza y Salú Llaboral nel ámbitu de la Conseyería d’Educación, órganu democráticu de participación y xestión al traviés de los delegaos y delegaes de Prevención.
  • Incorporación a los centros de la figura del coordinador/a de Prevención de Riesgos Llaborales, qu’ha poder reservar una parte del so horariu llaboral pal cumplimientu d’esta xera.
  • Revisión, con carácter añal, de la salú de los y les trabayadores. Evaluación añal de Riesgos y Planes de Prevención nos centros educativos. Inclusión d’asesoramientu técnicu en tolos Planes d’Autoprotección y d’Emerxencia.
  • Cumplimientu estrictu de la Llei de Prevención de Riesgos Llaborales. La prevención ha d’integrase nel funcionamientu, la xestión, les actividaes y los diferentes niveles de l’Alministración educativa.
  • Desenrollu integral de Planes de Prevención, con participación de los y les trabayadores y de los sos representantes nes diferentes fases y desenrrollos: implantación, aplicación, evaluación de riesgos, planificación, organización preventiva y accesu a la documentación.
  • Criación na alministración educativa d’un serviciu de prevención propiu y cancelación de los contratos privaos vixentes anguaño.
  • Midíes pa l’adaptación de los puestos de trabayu pa los y les trabayadores del enseñu que sufrieron daños na so salú por grave riesgu profesional -esposición a axentes biolóxicos, nódulos de les cuerdes vocales, síndrome del quemáu, enfermedaes músculo-esquelétiques, estrés, mobbing, etc.- o que lo necesiten poles sos característiques personales, discapacidá física, psíquica o sensorial. Establecimientu de programes específicos pa situaciones de riesgu como itinerancia, embarazu o llactancia.
  • Ufierta, per parte de les alministraciones, de módulos de formación sobre Salú Llaboral dirixíos a los y les coordinadores de riesgos llaborales de cada centru y al conxuntu del profesoráu, qu’incluyan la perspectiva de xéneru nesti ámbitu.
  • Ampliación del catálogu de les enfermedaes profesionales docentes. Cambios lexislativos -la Llei de la Seguridá Social y la llista d’enfermedaes ye de 1978- y reconocimientu del conceptu de “dañu pa la salú”.
  • Puesta en marcha darréu de los protocolos de solicitú y xestión. Exámenes de salú y estudios epidemiolóxicos que rellacionen enfermedaes profesionales y condiciones de trabayu.
  • Consideración específica de les evaluaciones de riesgos, protocolos y procedimientos d’actuación sobre les condiciones psicosociales del trabayu nel enseñu. Intervención sobre los factores que les xeneren -altes demandes, baxu control, falta d’apoyu social…- y nes consecuencies que provoquen -estrés, acosu, síndrome del quemáu, violencia llaboral…
  • Estudiu y evaluación per parte de la Conseyería d’Educación de los riesgos emerxentes y de constatación a llargu plazu: campos lletromagnéticos, ruiu, ambiente contaminante, productos químicos, refugaya…
  • Asistencia psicológica nos problemes que podian plantegase nel exerciciu de l’actividá profesional.
  • Protocolu d’actuación en casu d’urxencies méliques, y dotación de personal sanitariu n’aquellos centros que lo precisen poles característiques del alumnáu.

Disponible en: Castellanu, Gallego-asturianu