Entamu > Coherencia y Compromisu > Pol sindicalismu asambleariu y alternativu

Pol sindicalismu asambleariu y alternativu

  • La participación del profesoráu ye imprescindible pal fortalecimientu de la Escuela Pública y la meyora de les condiciones de trabayu. Por eso, en SUATEA defendemos y practicamos el sindicalismu asambleariu. Les asamblees son la espresión del nuestru modelu sindical, alternativu al d’otres organizaciones burocratizaes.
  • En SUATEA reivindicamos l’exerciciu efectivo del derechu a la negociación colectiva per parte de quien representen al profesoráu en tolos temes qu’afecten a les sos condiciones de trabayu y a les sos retribuciones.
  • En SUATEA, identificaos col modelu sindical asambleariu y participativu, facilitamos tola información de que se dispón. Asina, el profesoráu conoz los temes que se tán negociando y puede formase un xuiciu propiu sobre ellos.
  • Anantes d’aceptar o refugar les propuestes de les alministraciones, en SUATEA tenemos el compromisu de convocar cuantes asamblees y consultes fagan falta pa que los y les trabayadores del enseñu decidan sobre toles cuestiones que-yos afecten nos distintos ámbitos de negociación.
  • Proponemos modificar la Llei d’Órganos de Representación, pa que’l votu del profesoráu tenga idéntica representatividad que l’afitada n’otros sectores de les alministraciones públiques.
  • Desiximos la elección de delegaos y delegaes en cada centru educativu.
  • Pidimos la modificación de la Llei d’Órganos de Representación p’afitar unes competencies reales de les Meses Sectoriales y les Xuntes de Personal.
  • Defendemos un repartu equitativu y xustu del padremuñu sindical acumuláu ente tolos sindicatos, yá qu’esti padremuñu procede de cuotes obligatories de tolos y toles trabayadores.
  • Non a los Decretos de servicios mínimos. Defendemos l’autorregulación del exerciciu del derechu a la fuelga.
  • Defendemos la paridá nes llistes electorales y na representación efectiva del profesoráu.

Disponible en: Castellanu, Gallego-asturianu