Vamos siguir movilizándomos pola estabilidá

Esta entrada está disponible en: Castellano (Castellanu)

LA CONFEDERACIÓN INTERSINDICAL VA SIGUIR COLES MOVILIZACIONES HASTA CONSIGUIR LA ESTABILIDÁ DEL PERSONAL TEMPORAL ya INTERÍN EN FRAUDE DE LLEI magar l’anunciu parlamentariu de la ministra de Función Pública, el Real Decretu-llei publicada güei la so convalidación en BOE condena al despidu a miles de funcionarios interinos de les alministraciones públiques y ye l’anguaño vixente.
Dempués de la convalidación parlamentaria del Real Decretu-llei 14/2021 el pasáu miércoles 21 de xunetu pol Congresu de los Diputaos, ábrese un periodu d’espera hasta que’l gobiernu cumpla col so compromisu alcordáu con distintos grupos parlamentarios de tramitar un proyectu de llei a partir de setiembre, que sustituya al referíu RD-llei. Sicasí, l’actual situación xurídica puede poner en peligru yá puestos de trabayu, si nun s’estrayen de les convocatories que puedan dir realizando les distintes alministraciones, les places ocupaes por personal n’abusu de temporalidá.
Sía que non, la prioridá tien de siguir siendo l’afitamientu llaboral nos sos puestos de trabayu del personal que mientres años contribuyó a caltener los servicios públicos, mientres se prohibíen les Ufiertes Públiques d’Empléu o estes enruinaben enforma y díben enriestrándose contratos temporales, magar d’incumplise la normativa vixente al respeutu. Pa ello, la Confederación Intersindical y SUATEA, xunto con otres organizaciones sindicales, van siguir convocando movilizaciones nos próximos meses, ensin refugar nenguna midida de presión.
Tien d’estremase l’accesu a la función pública de la sanción qu’esixe Europa a les alministraciones públiques incumplidores al cubrir places estructurales con persones so fórmules de contratación o nomamientos temporales.
L’accesu a la función pública ensin fase d’oposición y namá por concursu puede ser una midida afayadiza d’accesu pola so axilidá frente a los sistemes d’oposición o concursu oposición que s’eternicen nel tiempu. Pero en nengún casu cumple cola xurisprudencia europea al ser de resultancia incierta pal personal en situación d’abusu y optar tanto’l personal en fraude de llei y la ciudadanía polo xeneral.
Los cambeos que -según lo que la ministra Mª Jesús Montero anunció na sesión parlamentaria de la selmana pasada- van introducir nel proyectu de llei, tienen de ser un puntu de partida pa buscar una solución al problema y afita claramente l’abusu en trés años, como’l máximu nel que se debe caltener a una persona en situación de temporalidá.

Les pruebes non eliminatories y l’accesu acutáu al traviés de llei que desenvuelva l’artículu 61.6 del TREBEP, nun solucionen por sí soles la cuestión. Muncho menos, cuando’l periodu al que se refirió la ministra de Función Pública p’aportar a la función pública al traviés del 61.6, foi’l de diez años.
Nun puede refugase nenguna midida que defendieron xuristes y respondieron por diversos tribunales, como pue ser la creación de nueves figures dientro del marcu del emplegáu públicu como, por casu, la de fixu a esaniciar colos mesmos derechos del funcionariado.
Esperamos de los grupos parlamentarios que tienen na sensibilidá social y nel feminismu, dalguna de les sos principales señes d’identidá, que faigan valir estos principios na previsible negociación que tien de producise p’allumar esta llei, porque decenes de miles de puestos de trabayu tán en xuegu y la mayoría d’ellos – dos de cada trés-correspuenden a muyeres.
A lo último, nun entendemos l’alderique xurídicu, al que dellos actores -interesadamente-quieren treslladar la cuestión. Nun ye necesario tener amplies conocencies llegales pa entender que’l derechu comuñal -nel so casu- prevalez sobro’l de los países miembros, que lo que se defende yá ta en normativa de cursu llegal y de que dellos xueces pronunciáronse con muncha claridá al traviés de diverses sentencies. Nun creemos qu’esos actores tean poniéndose percima de tales evidencies, a cencielles tán primiendo nun sentíu bien claru. Y esi sentíu nun ye’l que beneficia los/les trabayadores.

Secretariáu de la Confederación Intersindical 28 de xunetu de 2.020

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757