Home > Comunicaos > Ufierta emplegu público maestros/es 2019

Ufierta emplegu público maestros/es 2019

Conceyu de trabayu Conseyería-Organizaciones sindicales sobre Ufierta Emplegu Públicu (UPE)

Güei, 9 de payares, aconceyómos la Conseyería Educación pa damos información de la Ufierta d’Emplegu Públicu pal 2019 nel cuerpu de maestros. El total de places que s’ufiertarán sedrán 781. D’elles, 528 correspuenden a les convocaes nel añu 2017 qu’a lo último nun s’executaron y 253 correspuéndese a les xubilaciones que se producirán hasta últimos d’esti añu (528+253= 781). Queden pendientes 53 que nun se cubrieron nes oposiciones de Secundaria y que l’alministración tien que decidir que facer con elles. El 7% del total van reservase pa persones con diversidá funcional (discapacidá). El desglose per especialidaes fadráse enantes d’acabar l’añu y sedrá proporcional a les necesidaes d’especialistes que se vienen xenerando a primeros de cursu.

Cada vez que se mos convoca a SUATEA pa falar d’UPE son asuntos priotitadios pa nós: l’acesu de les persones a un puestu de trabayu nuevu dignu y estable; y la consolidación y estabilización de los puestos docentes yá esistentes (precarios munchos ya inestables toos pola so condición d’interinidá). Nós y la xurisprudencia europea entendemos la estabiliación y consolidación de los puestos de trabayu, non solo n’abstracto sinón como venceyaos a les persones que los ocupen y a los derechos llaborales qu’estes vinieron xenerando al ocupalos a lo llargo’l so tiempu de servicios. Poro, cuando se mos fala d’ufierta pública d’emplegu, pa nós ye imprescindible falar tamién d’una forma xusta d’accesu a esi emplegu que respete derechos xeneraos y tratar d’alcuerdos que garanticen la continuidá de les persones nel so trabayu independientemente de que nun aprueben les oposiciones. Ye por ello polo que nesti conceyu:

  • Tocante a les places que s’ufierten per especialidá:
    • Demandemos que s’ufierten pa toles especialidaes esistentes y que dende la Conseyería s’inste al nuevu Gobiernu a crear la especialidá de llingua Asturiana y Gallego-Asturianu p’asina poder ufiertar places estructurales d’estes especialidaes.
    • Demandemos que la ufierta de cada especialidá fuere proporcional a les necesides d’especialistes de primeros de cursu. Especial atención merez la Especialidá de Primaria col envís de cumplir los alcuerdos de palntiyes: la tutoría de cada unidá de Primaria tien d’ocupase con una pesona d’esta especialidá. A falta de reglamentu que regule l’atención a la diversidá ye mui importante atender les crecientes necesidaes que se xeneren nes especialidaes de PT y AL.
  • Pidimos a la Conseyería d’Educación que, en tolos foros d’ámbitu estatal nos que tea presente (esecialmente na Conferencia Sectorial d’Educación), inste al nuevu Gobiernu a regular un accesu transitoriu que reconoza tol tiempu de serviciu previu prestáu y, sobre too; l’esaniciu de les pruebes eliminatories. Pa ello cuenten col apoyu de tolos sindicatos presentes nel conceyu menos ANPE. Recordémos-yos tamién qu’el PSOE y esti Conseyeru coindíen con nós nesta demanda cuando gobernaba’l PP.
  • Esiximos un nuevu alcuerdu d’interinidá qu’acabe pa siempres cola rebaremación y la rotación nel emplegu estabilizando al profesoráu. ¡Los que tán queden!

N’Uviéu a 9 payares de 2018

El Secretariáu de SUATEA

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743