Home > Tag Archives: cursu 2015-16

Tag Archives: cursu 2015-16

Bolses de Trabayu ANTERIORES (Actualización 13/03/2017 )

[Actualización 13/03/2017 ] Consultar resolución y llistáu de persones excluyíes (pdf) 0590113. Llista DEFINITIVA de Organización y proyectos de sistemas energéticos 0591219. Llista DEFINITIVA de Procedimientos de diagnóstico clínico y ortoprotésico 0592011. Llista DEFINITIVA de Inglés (EOI) [Actualización 22/12/2016] Resolución de publicación de bolses de trabayu [pdf] Llista DEFINITIVA Estética [pdf] Llista DEFINITIVA Francés [pdf] Llista DEFINITIVA Coro [pdf] Llista DEFINITIVA Flauta de pico [pdf] Llista DEFINITIVA Saxofón [pdf] Llista DEFINITIVA Violín [pdf] Llista DEFINITIVA Violoncello [pdf] [Actualización 17/XI/2016] Resolución de publicación [pdf] – Contién escluyíos Llistes DEFINITIVES de Gaita e Iluminación [pdf] (Bolsas del 26/II/16] [Actualización 14/XI/2016] Resolución de publicación [pdf] Consultar llista DEFINITIVA de Cocina y pastelería [pdf] Consultar llista DEFINITIVA de Mantenimientu de vehículos [pdf] Consultar llista ... Read More »

Escluyíos de la oposición + Alcuerdu d’interinidá = PARU

Escluyíos de la oposición y Alcuerdu d’interinidá: la combinación que dexa a docentes na cai Empezaron les oposiciones y échense cuentes de les tases de participación de les persones que taben llamaes al procesu. Nun se van contabilizar ende aquellos que fueron declaraos escluyíos por erros puramente alministrativos que nun-yos dexaron iguar. Dalgún apaeció como almitíu na llista provisional, otros recurrieron en tiempu y forma pero ensin ésitu, en tolos casos la resultancia ye la mesma: n’Asturies, nun presentase a la oposición supón quedar fora de les llistes d’interinidá y nel casu de tar trabayando nestos momentos, quedase en paru hasta que l’Alministración tenga a bien volver convocar oposiciones de la mesma especialidá (dos años nel meyor de los casos). ... Read More »

Calificaciones fin de curso del Conseyeru d’Educación

Tamos nun momento de balances, tamién nel ámbitu educativu. Nun ye cuestión determinada poles elecciones, anque les últimes declaraciones del Conseyeru d’Educación sí que paecen d’encargu, ye cuestión de valorar nesti momentu d’exámenes y reválides el resultáu del cursu no tocante a la política educativa. Estrenábamos el branu pasáu un nuevu responsable qu’intervieno na Xunta Xeneral asoleyando un programa de gobiernu enllenu de promeses y bones intenciones que, en pasando’l tiempu, convirtióse en brindis al sol cuando non en fechos contrarios dafechu a lo anunciao. Les crítiques a la LOMCE quedaron en  declaraciones “guapes” que resulten teatrales al venir acompañaes d’una aplicación obediente de la Llei que nos estrema de les demás CCAA comprometíes cola non aplicación •              El diálogu ... Read More »

Reunión de la Xunta de Personal col Conseyeru

Ayeri llunes, 23 de mayu, representantes de toles organizaciones de la Xunta de Personal Docente empobinámonos pa la Conseyería de Educación pa tresmitir l’enfadu pola falta d’información sobre asuntos tan importantes como les oposiciones y la reválida de 6º de Primaria. Acabando la mañana recibiónos el Sr. Conseyeru y la información resultante del alcuentru ye ésta: SOBRE OPOSICIONES L’entamu de la oposición ye’l día 20, pero nun hai una decisión zarrada de cómo se van organizar les pruebes. Baráxense dos opciones: Suspender les actividaes llectives el día 20 nos centros que son sé d’oposición y facer la prueba práctica pela mañana y el teóricu pela tarde. Nos centros que nun son sé de tribunal queda a criteriu de la dirección ... Read More »

Plenu de la Xunta de Personal Docente – 23 de mayu de 2016

El Plenu de la Xunta de Personal Docente aconceyáu el llunes, 23 de mayu, aprobó varies resoluciones sobre los temas que figuren a continuación: Profesoráu Itinerante. Actuaciones de final e iniciu de cursu. Escolarización d’Educación Infantil. Alxudicación de resultes nel Concursu de Tresllaos. Tresporte escolar. Condiciones llaborales del profesoráu nes pruebes de diagnósticu y reválides. Toes les resoluciones fueron aprobades por UNANIMIDÁ Descarga les resoluciones aprobaes El Plenu se desarrollo cola presencia de 27 delegaos y delegaes de toles organizaciones sindicales: SUATEA (9 de 10), FETE-UGT (6 de 10), ANPE (2 de 9), FE-CCOO (6 de 7), CSIF (2 de 3) y CSI (2 de 2) Read More »

Certificación negativa Rexistru Central delincuentes sexuales. Personal docente

La Llei 26/2015, de 28 de xunetu, de cambéu del sistema de protección a la infancia y a l’adolescencia dio una nueva redacción al artículu 13, de la Llei Orgánica 1/1996, de 15 de xineru, de Protección Xurídica del Menor, de cambéu parcial del Códigu Civil y de la Llei d’Enxuiciamientu Civil na que se axunta, ente otros, un apartáu 5 qu’establez que: Va ser requisitu pal accesu y exerciciu a les profesiones, oficios y actividaes qu’impliquen contactu davezu con menores, el non tar condergáu por sentencia firme por nengún delitu escontra la llibertá ya indemnidá sexual, qu’inclúi l’agresión y abusu sexual, acosu sexual y corrupción de menores, asina como por trata de seres humanos. A tal efectu, el que queria acceder ... Read More »

El Conseyeru diz que’l 15 de xunu.

Mientres los Conseyeros d’Educación del PSOE anuncien que nun van facer la reválida, el Conseyeru asturianu anecia con celebrala’l 15 de xunu. El vienres 13 de mayu enantes de la Conferencia Sectorial d’Educación los Conseyeros d’Educación de las Comunidaes gobernaes pol PSOE decidieron amosar que taben mal agusto cola actitú del Ministru Méndez de Vigo respecto a les reválides LOMCE y esixeron la so retirada pal cursu que vien. No tocante a les reválides de 6º de Primaria, que les autonomíes del PP tán celebrando nesti mes contra la opinión de la comunidad educativa, los Conseyeros del PSOE recalcaron que diben facer una evaluación individualizada del alumnáu basada na evaluación continua. Pa ello, según indicó la Conseyera d’Aragón que fixo ... Read More »

Llicencies por estudios

[16/05/2016] Llicencies por estudiu 2016-2017. Llistáu provisional de persones escoyíes y escluyíes. Consultar llistaos PROVISIONALES (pdf) [27/04/2016] Nomamientu de la Comisión Seleccionadora de llicencies por estudiu. Ver resolución [pdf]   `[15/04/2016] Convocatoria de llicencies por estudiu pal cursu 2016-2017 Ver resolución [pdf]     Read More »

Maltratu al profesoráu itinerante y la escuela rural

Tamos yá nel últimu trimestre del cursu y el profesoráu itinerante d’Asturies entá nun cobró lo que se-y debe dende setiembre. La Conseyería negóse de mano a cumplir l’acuerdu d’itinerancies  soscritu con delles orgnaizaciones sindicales y revocó a la baxa les solicitúes d’indemnización presentaes pol profesoráu colos criterios vixentes nel alcuerdu y tal como se venía faciendo dende hai quince años. Pidió-yos que rectificaren les sos piticiones estableciendo criterios de pagu nuevos, contrarios al alcuerdu y que rebaxaben enforma les cantiaes a cobrar. El profesoráu negóse a ello, sigui reclamando les cantidaes iniciales y movilizóse esixendo lo que se-y debe con asamblees, concentraciones delantre la Conseyería Educación y una caravana coches alredor d’ella. Frutu de les movilizacines,  la Conseyería cambió ... Read More »

Día de la visibilidá lésbica

El 26 d’abril celebramos el Día de la Visibilidá Lésbica, una fecha p’alcordase de la importancia de que les muyeres lesbianes seyan visibles nel espaciu públicu y referentes en tolos ámbitos y non solo na estaya del activismu polos derechos LGTBI. Nesta sociedá patriarcal, qu’invisibiliza a toles  muyeres en tolos ámbitos sociales, onde namás s’impón el modelu hetero, les muyeres lesbianes son doblemente discriminaes, pol so sexu y pola so orientación sexual. Enantes yera’l propiu Estáu’l que castigaba y persiguía la homosexualidá, polo que la llucha contra la lesbofobia tien que pasar inevitablemente porque les instituciones-y dean a los movimientos LGTBI y al feminismu la reconocencia que merecen, porque ensin ellos nun tendríamos nin los derechos fundamentales. Ser lesbiana sigue ... Read More »

ACTUALIZACIÓN- Concursu Tresllaos 2015-16

[22-04-2016] RESOLUCIÓN de publicación del Concursu //  AXUDICACIÓN DEFINITIVA DEL CONCURSU Renuncies y/o desistimientos Vacantes DEFINITIVES — CUERPU 0597   —CUERPU 0590  Consultar n’Educastur [04-03-16] AXUDICACIÓN PROVISIONAL:  Ver resolución [pdf] Ver axudicación provisional [pdf] ATENCIÓN – Reclamaciones y/o desistimientos dende’l 7 al 14 de marzu ambos incluyíos Vacantes INICIALES: Ver resolución [pdf] Ver vacantes provisionales cuerpu 0590 [pdf] Ver vacantes provisionales cuerpu 0597 [pdf] Baremu DEFINITIVU: Ver resolución [pdf] Ver baremu definitivu [pdf] [08-02-16] Baremu Provisional /Concursu de Tresllaos convocáu por Res. de 8 d’ochobre de 2015 (BOPA del 15). Ver resolución [pdf] Baremu provisional [pdf] – Reclamaciones hasta’l 16 de febreru  Convocáu  Concursu de tresllaos autonómicu (BOPA núm. 239 de 15-x-2015) (Plazos: 15 díes hábiles dende’l 19 d’ochobre al 5 de ... Read More »

Concentración énte la Xunta Xeneral

SUATEA CONVOCA CONCENTRACIÓN  ÉNTE LA XUNTA XENERAL PA ESIXIR UN NUEVU ALCUERDU D’INTERINOS, EL CESE DE LOS RETAYOS Y LA TRESPARENCIA NES OPOSICIONES EL MARTES  19 VA AXUNTASE LA COMISIÓN D’EDUCACIÓN ONDE SE VAN TRATAR LOS CONFLICTOS EDUCATIVOS Dende va meses viniéronse convocando movilizaciones en forma d’asamblees nos centros, concentraciones y manifestaciones na cai o entevistes colos grupos parlamentarios que llevaron a l’aprobación pola Xunta Xeneral d’una proposición non de llei qu’encamienta al Gobiernu asturianu a abrir  la negociación d’un nuevu alcuerdu d’interinos qu’acabe cola discriminación d’esti colectivu. L’Alcuerdu actual pol que se regulen les condiciones de trabayu y el sistema d’ellaboración, xestión y funcionamientu de les llistes d’interinidá venceya directamente la nota llograda nes oposiciones con eses llistes, que ... Read More »

Avisu Importante al Profesoráu Interín

NOTA INFORMATIVA La firma de los nomamientos y contratos que s’axudiquen correspondientes a la convocatoria del 15 de marzu de 2016, queda fixada pal vienres día 1 d’abril, nel horariu habitual. N’aplicación de lo afitao na Llei 26/2015, de 28 de xunetu, de cambéu del sistema de protección a la infancia y a la adolescencia, ye imprescindible presentar, con calter previu a la firma del nomamientu o contratu, de la certificación negativa del Rexistru Central de Delincuentes Sexuales. Pa ello, establécense dos procedimientos: – Solicitú énte l’Alministración de Xusticia, por cualquiera de los medios señalaos nes instrucciones axuntaes, y entrega personal de la certificación negativa nel momentu de la toma de posesión. – Autorización espresa per escrito, en modelu oficial ... Read More »

Itinerantes: Caravana en demanda del nuesu dineru

El Conseyeru d’Educación paez desdecise de lo que dixo va un mes sobre’l pagu al profesoráu itinerante de too el so kilometraxe, como venía asocediendo dende fai mas de catorce años, y como protesta y reivindicación del caltenimientu de los pagos a esti profesoráu SUATEA convoca CARAVANA DE PROFESORÁU ITINERANTE XUEVES 17 DE MARZU A LES 18 HORES SALIDA DENDE LA PLAZA D’ESPAÑA DESCARGA’L CARTELU PAL TU CENTRU   Read More »

La Conseyería fai caxa

L’arca del dineru publico, maltratada y afuracada colos sobrecostes d’El Muselón, la Regasificadora, el Casu Marea, el Casu Villa… hai que la recebar arrañando perres d’onde se puea. El Gobiernu asturianu, al traviés de la Conseyería d’Educación, va faciendo caxa coles pingarates que paña de les dietes del profesoráu itinerante que lleva ensin cobrar dende qu’entamó’l cursu, de los pieslles y fusiones de centros pal cursu que vien y de la mengua sangrante nes partíes económiques tresferíes a los centros educativos pal so gastu corriente. El pasáu llunes día 29 febreru de 2016, SUATEA xunto col restu de sindicatos representaos na Xunta de Personal docente non Universitario d’Asturies (XPD), foi convocáu a un conceyu informativu per parte la Conseyería Educación ... Read More »

Recoyida de firmes – Profesoráu Interín

SUATEA vien manifestando, dende l’aprobación del actual alcuerdu sobre ellaboración y xestión de llistes d’interinidá, el so refugu a la manera arbitrada pola Alministración, cola complicidá de dos organizaciones sindicales, pa xestionar al colectivu de profesoráu interín y, especialmente, la manera nel que s’accede y SE YE ESPULSÁU de les llistes d’interinidá. Ademas de promover concentraciones contra esti Alcuerdu ya informar al colectivu d’otres posibilidaes y plantegar alternatives a l’Alministración, participamos na ellaboración de documentos que sirvieron de base pa la presentación d’una Proposición Non de Llei nel Parlamentu asturianu que cuntó cola aprobación de la mayoría de la cámara. Nesti sentíu, el profesoráu del IES “EL SUEVE” promueve tamién una propuesta qu’inclúi les demandes plantegaes na Proposición Non de ... Read More »

8 de marzu. Les lluches feministes, motor de cambiu.

Celebramos otru 8 de marzu, Día Internacional de les Muyeres. Una fecha con munchu significáu, el que-y damos les muyeres que tolos díes llluchamos por tener el sitiu que nos correspuende na sociedá. Les lluches feministes foron abondes y darréu d’elles algamáronse meyores nos derechos de las muyeres, pero los avances nun son proporcionales a los sacrificios que costaron; pa munches muyeres falar, opinar, decidir y espresase llibremente… costó-yos perder hasta la vida. Les primeres vindicaciones de les muyeres yeren la igualdá colos homes en derechos civiles y llaborales, accesu a la educación y al votu. Que les muyeres principiaren a decatase de que taben escluyíes de los beneficios algamaos coles lluches sociales, foi’l revulsivu pa entamar a tomar conciencia ... Read More »

Plenu de la Xunta de Personal – 29 de febreru de 2016

El Plenu de la Xunta de Personal Docente aconceyáu el pasado llunes, 29 de febreru, aprobó varies resoluciones pendientes del plenu del llunes 14 d’avientu y delles otres sobre los temas que figuren a continuación: 8 de Marzu Asturiano n’Educación Infantil Cierre y Fusión de centros Obres de mantenimiento nos centros Plantiyes Docentes Regulación de la Modificación de la Xornada Escolar Suba Salarial Ufierta formativa del CIFP del Deporte Descarga les resoluciones aprobaes Resoluciones aprobaes PENDIENTES DEL PLENU ANTERIOR: Asistencia sanitaria en centros Departamentos de Economía y Alemán Horarios del Profesoráu Descarga de les resoluciones del Plenu anterior El Plenu se desarrollo cola presencia de 28 delegaos y delegaes de toles organizaciones sindicales: SUATEA (8 de 10), FETE-UGT (7 de ... Read More »

El parlamentu asturianu aprueba dos Proposiciones qu’avalen les tesis de SUATEA

SUATEA solicitó, con calter urxente, un conceyu col Conseyeru d’Educación pa encamentalu a la negociación d’un nuevu alcuerdu del profesoráu interín y a la suspensión del calendariu d’implantación de la LOMCE. Les dos Proposiciones non de Llei aprobaes nel Parlamentu asturianu, el 19 y 26 de febreru respectivamente, enconten les tesis que nesti sindicatu venimos reivindicando dende hai yá enforma tiempu. Na primera d’elles, sofitada por tola oposición parlamentaria, encamiéntase al Conseyu de Gobiernu del Principáu a negociar y ellaborar, col mayor baramentu, un nuevu Alcuerdu d’interinidá nel que prevaleza l’antigüedá frente a otros criterios y onde s’incluyan clauses específiques de protección al profesoráu mayor de 55 años. Un alcuerdu que tien de ser aplicáu nes llistes que salgan de ... Read More »

Profesoráu Interín – Concentración/Asamblea pal sábadu 5 de marzu

El pasáu xueves 25 de febreru, el colectivu de profesoráu interín d’Asturies concentráu énte la Xunta Xeneral del Principáu celebró una segunda asamblea, en defensa de la estabilidá del colectivu y un nuevu alcuerdu d’interinidá. Nella valoróse la PNL aprobada col sofitu de tolos grupos parlamentarios menos el PSOE y decidióse siguir faciendo movilizaciones, convocando otra asamblea nel mesmu llugar el sábadu 5 de marzu a les 12h. ¡Pola estabilidá y un nuevu Alcuerdu d’Interinidá! ¡Pola recuperación de plantiyes, contra l’efectu negativu na atención al alumnáu y l’aumentu de contratación de profesoráu! Ven el sábadu a defender los nuestros derechos. Descarga’l cartel pal to centru Read More »

Concentración de Profesoráu Interín (23 Febreru -18 hores)

SUATEA convoca al profesoráu interín d’Asturies a una concentración énte la Xunta Xeneral del Principáu, el próximu martes, 23 de febreru a les 18 hores, en defensa de la estabilidá del colectivu, en sofitu a un cambéu del alcuerdu d’Interinos, pola recuperación de plantiyes que palie l’efectu negativu na atención al alumnáu y aumente la contratación de profesoráu. La participación de tol colectivu ye imprescindible pa faer ver la nuesa problemática a la opinión pública y a los nuesos representantes nel Parlamentu asturianu. ALLÉGATE!, ye’l to futuru llaboral, son les tos condiciones de trabayu, somos un terciu del profesoráu al que nun se debe discriminar. Cartelu de convocatoria – Descárgalu pal to centru La prensa dixital de güei (miércoles 17) ... Read More »

Alquisición d’especialidaes – cuerpu de maestros

Resolución de 8 de febreru de 2016 de la Conseyería d’Educación y Cultura pola que se convoca procedimientu d’alquisición d’especialidaes pal personal funcionario del cuerpu de maestros acordies con lo previsto nel Real Decreto 1594/2011, de 4 de noviembre. 2016-02 Resolución habilitaciones según Real Decreto 1594-2011.pdf Read More »

Llistes interinidá Castiella-Llion 16/17

El profesoráu interín que quiera formar parte de les llistes d’interinidá del Cuerpu de Maestros de Castiella-Llion pal cursu 16/17 tendrá que presentar la documentación de méritos cuando sea convocada a mediaos d’esti mes de febreru. La convocatoria d’oposiciones de Maestros sedrá posterior a esta convocatoria de demanda d’integración en llistes d’interinidá. Pa más información http://stecyl.net/borador-proceso-de-baremacion-interinidades-maestros/ Read More »

SUATEA pide a la Conseyería que nun venda fumu cola especialidá

El sindicatu mayoritariu na enseñanza docente non universitaria n’Asturies, SUATEA, quier salir al pasu de les declaraciones que’l Conseyeru d’Educación, Genaro Alonso, vieno faciendo públiques nos medios de comunicación alredor de la vieya demanda de la creación de la Especialidá Docente de Llingua Asturiana. Nesti sen, SUATEA quier recordar a la comunidá educativa: –Que la creación de la especialidá docente en Primaria y Secundaria ta sofitada dende Asturies pola demanda de la Xunta Xeneral del Principáu d’Asturies, polos sindicatos mayoritarios de la educación pública, poles asociaciones de padres y madres con más implantación, pola Academia de la Llingua Asturiana, pola Xunta de Personal Docente non universitariu, pol Conseyu Escolar del Principáu y a nivel estatal pol Conseyu Escolar del Estáu, ... Read More »

Calendariu 2016: “Tiempu de Muyeres – Muyeres nel Tiempu”

CALENDARIU 2016 “Tiempu de muyeres, muyeres nel tiempu”   De va 10 años acá, la Confederación de STEs y SUATEA bien ellaborando un calendariu que s’esparde per tolos centros educativos del Estáu. El calendario faenlu de forma coordinada les árees de Muyer de los sindicatos de la Confederación de STEs col oxetivu d’ufrir un material didáctico al profesoráu pa visibilizar les aportaciones de muyeres en toles árees del conocimientu y a lo llargo de la historia. Pa ello, el calendariu dedica cada día del calendariu a una muyer y va acompañáu d’actividades pa trabayar nel aula en cada materia y en tutoría. A lo llargo d’esta década, tenemos dedicao’l calendariu a muyeres creadores d’arte, periodistes y creadores d’opinión, creadores de pensamientu, ... Read More »

El PSOE pide paralizar la LOMCE nel Congresu. ¿Y n’Asturies?

D’unos díes p’acá tamos asistiendo a una riestra d’iniciatives nes Cortes rellacionaes cola implantación de la LOMCE. Per otru llau, n’Asturies cientos de docentes aconceyaos n’asamblees tán faciendo público que tán malagusto pola forma na que se ta poniendo en marcha esta Llei na nuestra comunidá. Por ello SUATEA quier dirixise otra vez al Conseyeru d’Educación pa qu’atienda los pidimientos más que razonables del profesoráu. El sofitu vien agora del propiu Grupu Parlamentariu Socialista que’l día 14 tien rexistrao nel Congresu de los diputaos delles Proposiciones de Llei referentes a la suspensión del calendariu d’implantación de la LOMCE. Depués de refugar “un calendariu d’implantación que se demostró inasumible pa les CCAA y pa los propios centros, poniendo n’evidencia, otra vuelta, ... Read More »

Manifiestu de l’asamblea de profesoráu interín

Aconceyaos n’asamblea nel IES “Aramo” d’Uviéu el llunes, 18 de xineru de 2016, el profesoráu interín de los centros públicos asturianos quier facer públicu esti MANIFIESTU: N’aplicación del nefastu Alcuerdu de profesoráu interín suscritu por FETE-UGT y ANPE en 2014, la convocatoria d’oposiciones prevista pa esti añu va trayer la reordenación y rebaremación de les llistes d’interinidá actualmente en vigor, lo que pue implicar qu’una parte grande de los docentes interinos que lleva abondos años exerciendo, pierda’l trabayu. En munches CCAA, el profesoráu interín tien firmaos pautos d’estabilidá, de manera tala que les convocatories d’oposiciones nun-yos afecten, al tar estremaes de la recomposición de lllistes. Poro, paeznos ineludible arreyar la convocatoria de oposiciones y la negociación d’otru Alcuerdu nuevu de ... Read More »

#LomceNoEduca. Derogar la LOMCE y paralizar la so implantación

Diverses organizaciones del movimientu social educativu de tol Estáu, punxeron en marcha una campaña en Twitter pa esixir la derogación de la LOMCE. Esta campaña empecipióse p’aportunar na necesidá de baltar esta llei educativa gobierne quien gobierne. Les resultancies tán clares y los compromisos previos tamién. SUATEA y el restu de sindicatos pertenecientes a la confederación de STEs-i sumáronse a la campaña y collaboraron nel so espardimientu y espansión per redes sociales. Pa nós, dempués de les resultancies de les Elecciones Xenerales, ye necesario repitir la nuesa esixencia de derogar la LOMCE y paralizar la so implantación, asina como los retayos y especialmente del Real Decretu-Llei 14/2012 y les sos aplicaciones territoriales. Derogar la LOMCE ye un compromisu esplícitu adquiríu ... Read More »

SUATEA esixe amenorgar l’horariu del profesoráu como en Cantabria

SUATEA ESIXE AL GOBIERNU ASTURIANU MIDÍES CONCRETES COMO L’AMENORGAMIENTU HORARIU P’AMEYORAR L’ATENCIÓN EDUCATIVA ASINA LO TÁN FACIENDO GOBIERNOS COMO’L CÁNTABRU O‘L BALEAR   El Conseyeru d’Educación de Cantabria acaba d’anunciar l’amenorgamientu del horariu lectivu pal profesoráu. Concretamente plantégase un amenorgamientu p’anguaño de 19 hores lectives y de 18 pal añu próximu nel casu del profesoráu de secundaria y enseñances de FP y réxime especial. SUATEA y la Confederación de STEs a la que pertenez tamos desenvolviendo una campaña en tol estáu pa llograr recuperar les condiciones llaborales del profesoráu anteriores a los retayos. Nesti sentíu, el nuesu pidimientu ye’l de que l’horariu lectivu de tol profesoráu sía amenorgáu en tres hores lectives. La Conseyería d’Educación n’Asturies entá nun respondió a ... Read More »

SUATEA esixe un presupuestu que mire poles necesidaes educatives

SUATEA ESIXE QUE’L GOBIERNU FAIGA UN PRESUPUESTU QUE MIRE POLES DEMANDES Y NECESIDAES DEL SISTEMA EDUCATIVU El gobiernu asturianu retiró enantes de debatilu na Xunta Xeneral el proyectu de presupuestos correspondientes al añu que vien, 2016. Esto quier dicir que’l gobiernu renuncia a la posibilidá de qu’Asturies disponga d’esti instrumentu p’acabar colos retayos y cola llamentable situación que güei pasa l’enseñu públicu y el profesoráu. Según estudios que tien presentaos SUATEA, Asturies ye de les Comunidaes Autónomes que más profesoráu perdió nos últimos años y que más recortes fixeron nes partíes presupuestaries destinaes a la educación pública. Tamién somos la comunidá autónoma onde l’incrementu d’horariu llectivu y non llectivu del profesoráu ye mayor. La precariedá ta llantada dientro del nuestru ... Read More »