Home > Tag Archives: comunicaos

Tag Archives: comunicaos

26 d’abril: Día de la Visibilidá Lésbica

visilesb

 El 26 d’abril conmemoramos el Día la Visibilidá Lésbica, una fecha pa recordar la importancia de que les muyeres lesbianes síamos visibles nel espaciu públicu, que seyamos referentes en tolos ámbitos y non namás nel del activismu polos derechos LGTBI. Fai falta recordar que les muyeres lesbianes somos discriminaes el doble, pol nuesu sexu y por la nuesa orientación sexual. Somos invisibilizaes pol sistema patriarcal en tolos ámbitos sociales, porque namás s’impón el modelu heterosexual. Si había dómines nes qu’el Estáu mesmu yera’l que penaba y escorría la homosexualidá, la llucha contra la lesbofobia tien de pasar inevitablemente por que les instituciones-yos concedan la reconocencia que merecen a los movimientos LGTBI y al feminismu, que ensin la llucha d’ellos nun ... Read More »

Valoración fuelga de profesoráu interino

Cartel_HuelgaProfInterino_Abril_2018 menor

  VALORACIÓN FUELGA PROFESORÁU INTERINO SUATEA convocó una xornada de fuelga del profesoráu interino pa güei, 24 d’abril. Anque’l siguimientu foi desigual, consideramos que la fuelga consiguió l’oxetivu qu’persiguíemos: amosar la preocupación y esmolición del colectivu énte’l riesgu de perder l’empléu, qu’en dellos casos va ser de forma inminente. Según datos llograos por esta Organización Sindical a última hora de la mañana, la fuelga foi secundada por cerca’l 40% del profesoráu interino y tuvo una incidencia mayor nos cuerpos de Secundaria y Formación profesional, con más siguimientu nes especialidaes que tienen convocatoria d’oposiciones pa esti branu y, polo tanto, mayores posibilidaes de perder l’empléu. En Primaria, el siguimientu foi menor porque les oposiciones van celebrase en 2019 y el personal ... Read More »

Midíes que dean estabilidá a los centros

consolidainterin

PROPUESTA DE MIDÍES QUE DEAN ESTABILIDÁ A LOS CENTROS DOCENTES DE MALA COBERTORIA Ayeri (17/04/2018), el Conseyeru d’Educación, Genaro Alonso, declaró na Comisión d’Educación del Parlamentu asturianu que la Conseyería ta estudiando establecer midíes que garanticen la estabilidá de les plantiyes de los centros, especialmente n’aquellos de mala cubrición por tar en zones alloñaes de los grandes núcleos de población. Pa ello, propón dar más puntos al profesoráu interino que pase siquier cuatro años nes zones rurales, pos, reconoz, ye menester amenorgar la elevada rotación y facer más curiosos estos puestos de mala cubrición. Dende SUATEA, celebramos que’l conseyeru reconoza qu’hai qu’amenorgar la elevada rotación, de siguío esti sindicatu denunció que l’alcuerdu d’interinidá d’Asturies favorez la rotación y la inestabilidá. ... Read More »

Camudada la fecha de la fuelga

info

Comuníquennos dende l’alministración (DIRECCIÓN XENERAL DE TRABAYU) que, por un defectu colos plazos riquíos, la fuelga convocada pal profesoráu interino el próximu día 19 nun puee llevase a cabu, POLO QUE NOS VEMOS NA OBLIGACIÓN DE TRESLLADAR DICHA CONVOCATORIA AL DÍA 24 D’ABRIL. La nuesa intención ye persistir na reivindicación del colectivu y dar tolos pasos pa realizar una nueva convocatoria PAL PRÓXIMU DÍA 24 con toles garantíes. Mentanto considerái DESCONVOCADA LA FUELGA DEL DÍA 19. Énte la evidencia del erru, SUATEA llamenta fondamente los trestornos que pudiera causar esti cambéu de fecha. Uviéu 12 d’abril   Read More »

Presupuestos 2018: una mázcara que caltien los retayos educativos

pge2018

El porcentaxe del PIB destináu a Educación baxa hasta’l mínimu históricu del 3,8 % y caltiénense los retayos educativos El ministru Montoro presentó nel Congresu los Presupuestos Xenerales del Estáu presumiendo de que contemplen el mayor gastu social dende la crisis. Como l’añu pasáu, el Gobiernu central preve una medría significativa de recaldación d’impuestos, pero les llínees presupuestaries vienen determinaes pol amenorgamientu del déficit públicu y el cumplimientu de los oxetivos económicos para 2020 impuestos pola UE. El ministeriu de Facienda amazcara col anunciu d’aumentu de 50 millones para beques, de un 3 % para Educación y una medría del 1,75 % pal sueldu del personal funcionario, el caltenimientu de los retayos educativos y el descensu del porcentaxe del PIB ... Read More »

La Llei d’Usu ta muerta ¡Viva la Oficialidá!

corazón fondu verde_200x150

La Llei d’Usu ta muerta ¡Viva la Oficialidá! Asina tenemos d’acoyer y celebrar los asturianos y asturianes la viniente oficialidá del asturianu y el gallego-asturianu cuando se reforme’l nuestru Estatutu d’Autonomía. La Llei d’Usu y Promoción del Asturianu ta vieya, ta dando les últimes bocanaes depués de ser caltenida polos sucesivos gobiernos de PSOE, PP Y FORO n’estáu crioxenización a lo llargo de los sos venti años d’improductiva vida. Esti 23 de marzu cumple los años y nun atopamos nada que celebrar: nengún reglamentu la desarrolla, nun s’aplica y el so incumplimientu sistemáticu caractericen el so estáu catatónicu. L’usu del asturianu nos medios de comunicación públicos nun llega nin a simbólicu. Les alministraciones públiques estatales nun atienen les piticiones feches ... Read More »

Ante la sentencia del Tribunal Constitucional

tc rb

La Confederación de STEs -Intersindical, na que s’integra SUATEA quier manifestar por aciu el presente COMUNICÁU‘l so refugu al anunciáu conteníu de la sentencia del Tribunal Constitucional sobro diversos apartaos de la LOMCE Read More »

Un pasu al frente

no ala

L’alministración educativa propón  introducir conteníos militares nel currículu dientro d’una denominada “Conocencia de la Seguridá y la Defensa Nacional nos centros educativos (n’Educación Primaria). Un pasu al frente na imposición ensin alcuerdu y ensin buscalo d’enseñances, cuandoquier, sensibles.   Comunicáu de SUATEA-STEs Read More »

Información baremu del concursu tresllaos

CT1718gIF

Na mañana de güei, 6 de marzu, celebróse una xunta na Conseyería qu’afecta al concursu de tresllaos y que tien que ver cola aplicación del Alcuerdu de puestos calificaos d’especial dificultá”. La xunta foi convocada a pidimientu de SUATEA en detectando una incorrecta aplicación d’esti Alcuerdu nel baremu del Concursu de Tresllaos. En concretu, afectaría al aptáu. 1.1.3 nel que se computa como méritu la ocupación efectiva d’un puestu d’especial dificultá. SUATEA pidió aclaraciones sobre esti asuntu de forma repetida y per delles víes dende la publicación del baremu provisional (22 de xineru de 2018). Énte la falta de respuesta y col envís d’evitar inconvenientes a terceros, el día 22 de febreru de 2018 pidióse por escritu y con calter ... Read More »

Día Internacional de la muyer y la neña na ciencia.

DonaNenaCiencia,4

La Organización de Muyeres de la Confederación Intersindical quier conmemorar el día Internacional de la Muyer y la neña na Ciencia. Les muyeres, tuvieron siempres, en toles ciencies y a tolos niveles. Pero nun les vemos, la hestoria encargóse d’escondeles. Vivieron, ya tovía viven, a la solombra de los sos colegues, apostraes poles élites intelectuales de cada dómina. Ye’l momentu de qu’ocupen el so llugar nesa hestoria. La non participación de les muyeres en tolos aspeutos del saber científicu deriva nun impactu negativu na ciencia que se desenvuelve porque ¿cómo va ser la meyor una ciencia qu’esclúi les aportaciones, el talentu, la visión y les capacidaes de les muyeres? Sobro too nel campu de la investigación. Que se basa na ... Read More »

Un Decretu d’accesu ensin garantíes pal profesoráu interino

opo

EL MECD VA PUBLICAR EL REAL DECRETU D’ACCESU A LA FUNCIÓN PÚBLICA DOCENTE ENSIN UN SISTEMA QUE GARANTICE L’AFITAMIENTU LLABORAL DEL PROFESORÁU INTERÍN L’Alcuerdu de 29 de marzu de 2017, que preve l’amenorgamientu drásticu de la tasa d’interinidá del 30% al 8%, y la falta de voluntá negociadora del Ministeriu d’Educación pueden provocar un despidu colectivu inadmitible. Definitivamente,  el MECD fixo oyíos sordos al repitíu pidimientu plantegáu pola Confederación de STEs-Intersindical, nel sentíu de reconocer el fraude de llei cometíu poles alministraciones educatives col usu abusivu de les interinidaes, colo que, una vegada cerrada la negociación, la publicación del nuevu R.D. Transitoriu ye inminente. Con ello, el Ministeriu nun  quixo reconocer el trabayu y l’esperiencia docente de decenes de miles ... Read More »

Incumplen los Alcuerdos de Plantiyes soscritos colos sindicatos.

romper

Incumplen los Alcuerdos de Plantiyes soscritos colos sindicatos. Pesllose güei la Mesa  Sectorial de Plantiyes d’Educación d’Asturies y SUATEA  votó en contra la propuesta definitiva de la Conseyería  por nun responder a toles necesidaes reales del nuestru sistema educativu: Nun atienden de manera afayadiza a les necesidaes d’atención a la diversidá que demanden los centros. Nos criterios d’asignación de profesoráu PT y Al síguense criterios numbéricos nun recoyíos en nenguna normativa (10 PT, 20 Al) descuidando amás el llabor preventivu de les sos funciones que se ve condicionáu pola bayura alumnáu qu’atienden y el númberu de centros a los que itineren. Nun cubren toles unidaes de Primaria con tutoríes qu’esclusivamente impartan les aries de la especialidá de Primaria. Nun respuenden ... Read More »

Contra la mutilación xenital femenina

EndFGM_Logo-1

“El feminismu qu’aboga puramente por y pa les privilexaes nun ye feminismu” Raquel Rosario Sánchez Un añu más conmemoramos el Día Internacional de Tolerancia Cero cola Mutilación Xenital Femenina, y un añu más millones de neñes sufrieron una de les peores violencies que s’exerce contra les muyeres. Neñes que van dende la lactancia hasta l’adolescencia , a les que se -yos capa’l clítoris, los llabios menor y mayor, estréchase-yos l’abertura vaxinal, rállase o cauterízase-yos la zona xenital, etc. La OMS calcula qu’unos 200 millones de neñes y muyeres vives fueron víctimes d’esta violencia. Cada añu, trés millones más s’atopen en situación de riesgu de sufrila. La xeografía del horror arrámase per África, Oriente Mediu y Asia, pero tamién per aquellos ... Read More »

El “MIR” d’accesu a la docencia: Una estratexa llaboral precarizadora

oposiciones

Esta  fin de selmana’l Ministru- Voceru sosprendiónos con una novedosa ocurrencia presentada énte la Convención Nacional d’Educación del PP.  Trátase de la idea de llantar un MIR como modelu d’accesu a la función pública docente. A falta de más información que nos dexe entrar no fondero de la propuesta, poles esplicaciones daes pol Ministru nesi actu, trataríase en términos xenerales d’un llargu y trabayosu procesu qu’implicaría que les persones qu’aspiren a exercer la docencia tendríen que realizar los estudios universitarios correspondientes (grau y máster educativu); de siguío, tendríen qu’aportar al nuevu modelu de capacitación pedagóxica de dos años (MIR), que tendría de ser evaluáu positivamente; y, finalmente, tendríen de presentase a les tradicionales oposiciones. Dende SUATEA, recibimos con sorpresa esta ... Read More »

Mesa Sectorial sobro ufierta d’empléu docente.

ope_250x150

Paralelamente a la convocatoria d’oposiciones, ye menester la negociación d’un nuevu Alcuerdu d’imterinidá. Mesa Sectorial d’Educación Na mañana de güei, 29 de xineru, celebróse la xunta de la Mesa Sectorial d’Educación na que se trató la Ufierta Pública d’Empléu Docente de 2018. Les Ufiertes d’EmpléuPúblicu de los próximos trés años van tar venceyaes al Alcuerdu estatal de 29 de marzu de 2017, robláu por UXT, CCOO y CSIF, que pretenden amenorgar la tasa d’interinidá en tol sector públicu hasta’l 8%. N’Educación, y más concretamente n’Asturies, la tasa d’interinidá supera’l 30%, lo que supondría amplies ufiertes d’empléu nos próximos años. Dende SUATEA, entendemos que l’amenorgamientu drásticu de la tasa d’interinidá per debaxo del 8% supón una amenaza pa la so continuidá ... Read More »

Presentación calendariu “Muyeres nel deporte”

20180116_181727

Presentación del calendariu de SUATEA “Tiempu de muyeres, muyeres nel tiempu”, “Muyeres nel deporte” 2018. Dende va 14 años, la Confederación de STEs y SUATEA facemos y publicamos un calendariu que titulamos “Tiempu de muyeres, muyeres nel tiempu” que se distribuye per tolos centros educativos del Estáu. El calendariu ta ellaboráu de forma coordinada poles árees de Muyer de los sindicatos de la Confederación STEs y tien como oxetivu ufiertar un apoyu al profesoráu para visibilizar les aportaciones de les muyeres nos distintos ámbitos de la vida a lo llargo la historia. Pa ello, el calendariu dedica la efeméride de cada día a una muyer y va acompañáu d’actividaes abondantes pa trabayar dientro l’aula nes distintes materies y niveles educativos. ... Read More »

Auxiliar educador: procesu selectivu

oposauxi

Illegalidaes ya inxusticies nel procesu de selección d’auxiliares educadores. El pasáu  25 de payares de 2017 celebróse la primer prueba pa la provisión de places d’auxiliar educador de l’alministración del Principáu d’Asturies venceyaes al nivel académicu d’Educación Secundaria Obligatoria. Tres la realización d’esta prueba, el descontentu foi xeneralizáu por mor de que les entrugues de la prueba nun s’afayaben a les funciones propies de la categoría, incluyendo ente elles cuestiones ensin sen pal exerciciu de la figura d’auxiliar educador. Esti descontentu nun quedó ehí, non solo s’atopa’l problema nel plantegamientu y conteníu la prueba, sinón tamién nel cambéu la nota corte na primer parte del procesu pa ser quien a pasar a la segunda fase que se cellebrará’l viniente 3 ... Read More »

OPE: SUATEA aporfía na necesidá d’un nuevu alcuerdu d’interinidá

ope_250x150

PARALELAMENTE A LA UFIERTA D’EMPLEGU, YE NECESARIA LA NEGOCIACIÓN D’UN NUEVU ALCUERDU D’INTERINIDÁ Na mañana de güei, 18 d’avientu, celebróse la primer xunta de la Mesa Sectorial de negociación na que se trata la Ufierta Pública d’Empléu docente de 2017, según una propuesta d’alcuerdu de la mesa sectorial de negociación de personal docente sobro calendariu y fixación de determinaos criterios básicos aplicables a los procedimientos selectivos del periodu 2018-2022. L’Alministración presentó una OPE pa 2017 de 878 places, procedentes de la tasa de estabilización y de lla tasa de reposición de 2017, según la convocatoria de 2018: Al respective de la convocatoria de 2018, presentáronmos el llistáu d’especialidaes de Secundaria y de Formación Profesional ensin indicar el númberu de places ... Read More »

Encierru en defensa del profesoráu interino nel MECD

encierro-en-el-MECD

ENCIERRU EN DEFENSA DEL PROFESORÁU INTERINO NEL MINISTERIU EDUCACIÓN. La xunta celebrada güei na see del Ministeriu d’Educación, Cultura y Deporte remató ensin nengún alcuerdu. El Ministeriu pretende cerrar unillateralmente la negociación desoyendo’l pidimientu de Sindicatos, Comunidaes Autónomes y la mayoría del Congresu los Diputaos. El Ministeriu, una vegada más, nun fizo casu al pidimientu mayoritariu de los sindicatos representaos na Mesa y decidió dar por concluyida la negociación ensin aceptar la esixencia de que les pruebes a desenvolver nel procesu d’Oposiciones que se va convocar pa 2018 y siguientes, nun sían eliminatories. Hai que recordar qu’ésta yera una postura de mínimos, en negándose dafechu’l MECD a axustar un accesu estremáu pal personal interino que lleva trabayando años na enseñanza, ... Read More »

Negociación sobro’l procesu d’estabilización d’empléu:

ope_250x150

STEs-i DENUNCIA QUE’L MECD PRETENDE ZARRAR LA NEGOCIACIÓN CON CAMBEOS INSATISFACTORIOS NEL BORRADOR DE R.D. TRANSITORIU D’ACCESU, LO QUE PUEDE SUPONER UN ERE MASIVU PAL PROFESORÁU INTERINO Na mañana de güei, 23 de payares de 2017, celebróse la cuarta Mesa sectorial convocada pol Ministeriu d’Educación pa siguir la negociación del procesu d’estabilización pola aplicación del Alcuerdu pa la Meyora del Empléu Públicu de 29 de marzu y los Presupuestos Xenerales del Estáu de 2017. Amás, el Ministeriu apurrió a les OOSS el borrador de nuevos temarios d’oposiciones. El Ministeriu insiste en que l’Alcuerdu pa la Meyora del Empléu Públicu de 29 de marzu, robláu por UXT, CCOO, CSI-F y el Ministeriu de Facienda coles mires d’amenorgar la tasa d’interinidá al ... Read More »

25 Payares: Contra la violencia institucional: Actividaes propuestes

miniatura cartelu 25N

CONTRA LA VIOLENCIA INSTITUCIONAL, XUSTICIA PA TOES 25 DE PAYARES DE 2017   A lo llargo de 2017 van 46 muyeres asesinaes poles sos pareyes o expareyes, y como dicen les noticies sobre estos asesinatos, en munchos casos nun se hubiera denuncies previes. Vamos analizar esta afirmación, cuando s’insiste en que nun se punxeron denuncies previes, ¿quier dicise que la muyer nun sufriera violencia hasta esi momentu?, ¿qué ye, que esti fechu va llavanos la conciencia y facenos sentinos menos culpables de la indefensión que sufren les muyeres víctimes de violencia de xéneru? Énte l’aumentu de los asesinatos de muyeres, créanse comisiones pa determinar les causes d’estos asesinatos, ¿de verdá precisamos analizar y nomar comisiones pa determinar por qué los ... Read More »

Profesoráu Interino: Avérase la truena

ope_250x150

El pasáu 7 de payares celebróse la última Mesa sectorial d’Educación nel Ministeriu d’Educación y Cultura onde, por aplicación del “Alcuerdo para la Mejora del Empleo” robláu’l 29 de marzu por delles Organizaciones Sindicales y el Ministeriu de Facienda, s’axusten los procesos d’estabilización del personal docente. La base del Alcuerdu supón amenorgar la tasa d’interinidá al 8%. N’Educación, la media de la tasa d’interinidá asítiase en redol al 25% (n’Asturies, un 32%). Amenorgar la tasa d’interinidá al 8% implica que les places ocupaes pol profesoráu interino van ufiertase a concurso-oposición y que quien nun llogre superar estos procesos va ser despidíu, principalmente porque se trata d’estabilizar plantiyes, non de consolidar a les persones qu’ocupen les places. Por ello, ye fundamental ... Read More »

Informe mesa MECD procesu estabilización

opo

MESA SECTORIAL DEL MECD SOBRO PROCESU D’ESTABILIZACIÓN El xueves, 26 d’ochobre, celebróse la segunda Mesa sectorial del MECD p’axustar el procesu d’estabilización por aplicación l’Alcuerdu pa la meyora l’empléu públicu de 29 de marzu y los Presupuestos Xenerales del estáu de 2017. EL Ministeriu: El MECD convoca esta Mesa sectorial p’axustar l’aplicación del Alcuerdu pa la meyora del empléu públicu de la Mesa xeneral de Función Pública, de 29 de marzu, y de los PXE 2017, que recueyen l’amenorgamientu de la tasa d’interinidá al 8%. Mientres estos procesos podríen convocase hasta 100.000 places. Les ufiertes d’empléu aprobaránse en trés años (2017-2019) y van executase en cinco (2018-2022). El Ministeriu considera que l’actual sistema d’accesu, reguláu pol RD 276/2007, cumple colos ... Read More »

Hai que revertir los recortes

plataforma estatal escuela publica_250x150

La Plataforma Estatal pola Escuela Pública denuncia la falta de voluntá política del Ministeriu d’Educación pa revertir los retayos n’Educación y avanzar nel Pactu educativu La Plataforma Estatal pola Escuela Pública denuncia la falta de voluntá política del Ministeriu d’Educación pa recular nos retayos n’Educación y pa avanzar nel Pactu educativu. La Plataforma estatal pola Escuela Pública esixe al Ministeriu d’Educación, d’una vez por toes, la reversión de los retayos que tán afectando gravemente al sistema educativu del nuesu país. Nos últimos años la enseñanza pública sufrió un deterioru importante qu’esti Gobiernu nun paez querer atayar. El Ministru Méndez de Vigo refuga la so responsabilidá, amparándose nun futuru Pactu educativu mientres nun da respuestes a los verdaderos problemes del día ... Read More »

Non al Profesoráu xubilao trabayando nos centros

JUBILBUS

SUATEA REFUGA LA CIRCULAR SOBRO L’EXERCICIU DEL VOLUNTARIÁU DEL PROFESORÁU XUBILAO NOS CENTROS DOCENTES. La Conseyería d’Educación presentó esta tarde a les OOSS que formamos la Xunta de Personal Docente una propuesta de circular sobro l’exerciciu del voluntariáu nos centros docentes per parte’l profesoráu xubiláu. Ensin quita-y el méritu a la valiosísima trayectoria y al valor que suponen les conocencies acumulaes pol profesoráu xubiláu, paez cuasi que cafiante que la Conseyería d’Educación plantegue agora un tema que nun mos paez nin muncho menos prioritariu y que xenera grandes duldes al respective del sen que puede llevar col peligru de qu’acabe convirtiéndose nuna puerta a la mano d’obra gratuita. Llevamos años de retayos nos que se reclamó la negociación de la ... Read More »

El personal educativu nun sema odiu, namás cumple cole lleis

problemes

Les palabres del dirixente del Partíu Popular de Cataluña, Javier García Albiol, nes qu’afirma que “Na mayoría de les escueles públiques de Cataluña edúcase para odiar a España” déxenmos plasmaos. L’aumentu de tensión que ta xenerando’l conflictu ente’l Gobiernu de la Generalitat de Cataluña y el Gobiernu Central amenaza con da-y pasu a una fase na que cualquier afirmación, anque paeza tosca y falsa, pue llegar a ser posible. Dende SUATEA queremos manifestar la nuesa indignación énte esti tipu d’afirmaciones. Nun conocemos la esistencia de nenguna escuela na que s’enseñe a odiar. La so función ye educar y cónstanos qu’asina se fai col esfuerzu de miles de docentes a pesar la masificación de les aules y la precariedá de medios ... Read More »

SUATEA contra l’ERE n’Educación.

despidu_250x150

PROPUESTES DE SUATEA ANTE LA OPE 2017 Y EL PROCESU  D’ESTABILIZACIÓN DEL PERSONAL DOCENTE: NUEVU ALCUERDU D’INTERINIDÁ, NÚMBERU MÍNIMU DE PLACES POR ESPECIALIDÁ, COORDINACIÓN COL RESTU DE CCAA. A. A nivel autonómicu En xuntes coles organizaciones sindicales, la Conseyería d’Educación d’Asturies propón una Ufierta d’Emplegu de 759 places correspondientes a la tasa adicional pa la estabilización d’emplegu temporal más  347 places a la tasa de reposición de 2017. Nesta distribución por cuerpos docentes (Cuerpu de Maestros: 355, Secundaria: 239, Formación Profesional: 72, Escuela Oficial d’Idiomes: 2, Música y Artes Escéniques: 18, Artes Plástiques y Diseñu: 15, Maestros de Taller, artes plástiques y diseñu: 3.) inclúyense tamién la distribución en 81 especialidaes, con distintu númberu de places en caúna: 26 especialidaes ... Read More »

15 d’ochobre Día Internacional de les Muyeres Rurales

15Oct_Dia_Mujer_Rural_450

En 2007, l’Asamblea Xeneral de la ONU estableció’l 15 d’ochobre como Día Internacional de les Muyeres Rurales en reconocencia “a la función y contribución  decisives de la muyer rural, incluyida la muyer indíxena, na promoción del desendolcu agrícola y rural, na meyora de la seguridá alimentaria y na erradicación de la probeza rural”. Nestos tiempos, les persones que trabayen na agricultura, la pesca y el pastoríu  tán nuna situación llende en relación cola inseguridá alimentaria, ya que  les temperatures aumenten, los patrones climáticos son cada vez más difíciles de predicir y los desastres climáticos son cada vez más frecuentes. Les muyeres rurales son fundamentales nes economíes de tol mundu, unes como pequeñes llabradores, que garanticen l’alimentación fayadizo para les families, ... Read More »

Esiximos convocatoria urxente mesa sectorial educación MEC

opo

Read More »

11 d’ochobre: Día Internacional de les Neñes

dia-internacional-de-les-nenes_200x144

El día 11 d’ochobre celébrase’l Día Internacional de les Neñes, instauráu pola Asamblea Xeneral de les Naciones Xuníes dende 2011 (Resolvimientu 66/170) coles mires de convidar a los países de la comunidá internacional a visualizar la situación na que viven les neñes y los retos a los que s’enfrenten, y tamién promover los sos derechos. Esta fecha tien l’envís d’exhibir los problemes escepcionales a los que s’enfrenten tanto neñes como adolescentes, en temes como la discriminación y la violencia de xéneru, intentando tamién dar prioridá al aponderamientu de les menores y al cumplimientu de los sos derechos humanos. La creación d’un día para les neñes nel calendariu universal foi promovida dende 2009 pola ONG Plan Internacional, cola campaña internacional “Por ... Read More »