Home > Tag Archives: acción sindical

Tag Archives: acción sindical

La Xunta de Personal Docente convoca movilizaciones

La Conseyería d’Educación y Cultura amuésase inoperante al respective de les esixencies sindicales relatives a la reversión de los retayos qu’afecten a les condiciones llaborales del profesoráu y a la so xornada llaboral. El RD 14/2012 de midíes urxentes de racionalización del gastu público introdució nel ámbitu educativu los mayores retayos de les últimes décades. Ente les midíes enllantaes atópase medría de les hores lectives en Secundaria, Formación Profesional y Enseñances Artístiques ya Idiomes. Y a esto añedir que l’Alministración asturiana impunxo a esti profesoráu la mayor carga d’hores complementaries de tol Estáu. La medría de la carga horaria ye unu de los factores que más inflúi nel deterioru de la calidá educativa, pues xenera un perxuiciu a les plantiyes, ... Read More »

Discursu de SUATEA nel 1 mayu en Xixón

  Álbum semeyes Discursu de SUATEA nel 1 mayu en Xixón Compañeres y compañeros, Cada añu que mos vemos equí  ye un añu más que demostramos la fuerza de la llucha, que demostramos qu’esiste una conciencia colectiva capaz d’acabar col abusu, la esplotación y el fraude que suponen les polítiques económiques, llaborales y represives que nos imponen. El primeru de mayu sigue siendo una fecha referente pa los y les trabayadores, ye la fecha na que nos reafitamos no que somos, la sociedá que produz, la sociedá que xenera riqueza y lo más importante, la que constúi la mayoría pa la qu’hai qu’esixir xusticia. Nun podemos siguir pagando la corrupción, nun podemos siguir calteniendo a toles alimañes qu’esisten pa crear ... Read More »

Sobre l’Alcuerdu de Meyora del Empléu Públicu

El Plenu de la Confederación Intersindical na que se integra’l SUATEA, nel conceyu del 1 d’abril de  2017, alcordó ratificar un resolvimientu sobre l’Alcuerdu de Meyora del Empléu Públicu ente’l Ministeriu de Facienda y Alministración Pública y les organizaciones sindicales CCOO, CSI-F y UXT nel marcu de la Mesa Xeneral de les Alministraciones Públiques. L’Alcuerdu robláu, el 29 de marzu de 2017, contempla, básicamente lo siguiente: Establez, pal añu 2017, una tasa de reposición del 100% nos sectores consideraos como prioritarios: Sanidá, Educación, Alministración de Xusticia, Servicios Sociales, etc. ente que, pal restu de sectores, la tasa de reposición afitar nel 50%. Per otra parte, ensin que compute a efectos de tasa de reposición, autorízase a les Alministraciones Públiques, en materia ... Read More »

N’Asturies más razones que nunca pa dir a la Fuelga

N’Asturies más razones que nunca pa dir a la Fuelga: El próximu 9 de marzu hai convocada Fuelga Xeneral na enseñanza en tolos niveles educativos. Los retayos brutales que sufrió’l sector devaluaron y degradaron les condiciones llaborales del profesoráu y les d’escolarización del alumnáu. La implantación de la LOMCE agravó esta situación y asina lo tamos esperimentando nos últimos años. Les amenaces del Ministeriu d’Educación (endurecer l’accesu a la función docente, el despidu de miles d’interinos y l’implantación del pagu por oxetivos, como indica Marcial Marín, númberu dos del Ministeriu) acúrriense sobre la subcomisión d’Educación qu’aborda’l llamáu Pactu Educativu ensin faer referencia dalguna a los retayos, dando’l llombu al profesoráu, y dexando’l so futuru dependiendo d’un esmolecedor Estatutu Docente. N’Asturies, ... Read More »

SUATEA pide una moratoria na renovación de conciertos

Mañana xueves día 16 de febreru, el Conseyu Escolar del Principáu d’Asturies emitirá un dictame sobre la porpuesta de resolución enviada pola Conseyería de Cultura y Deporte na que s’establez el procedimentu pol que se rexirá la soscripción por primera vez al réxime de conciertos educativos  de los  centros docentes privaos, asina como la so prórroga nel casu de yá tar concertaos. SUATEA presentará una enmienda a la totalidá del informe pidiendo la retirada de la propuesta de resolución sobre conciertos educativos y l’establecimientu d’una moratoria hasta que s’algame un mínimu d’estabilidá llegal y reglamentaria, igual que se fexo na Comunidá autónoma de Navarra. Xustifica la nuestra posición, el fechu de qu’angaño, nel Parlamentu, una Socomisión d’Educación na que participen ... Read More »

Plataforma Estatal pola consolidación y establilidá del P. Interino

CONSTITÚYESE LA PLATAFORMA ESTATAL POLA CONSOLIDACIÓN Y LA ESTABILIDÁ DEL PROFESORÁU INTERÍN (PECEPI) Ante la problemática d’inestabilidá nel empléu del Profesoráu Interín de la Enseñanza Pública non universitaria y la incertidume que xenera nel colectivu interín l’actual coxuntura política, la Confederación de STEs-interindical, a la que pertenez SUATEA, empecipió conversaciones con distintes asociaciones, organizaciones y colectivos de profesoráu interín de tol Estáu. Tres dellos alcuentros y cambeos d’impresiones, alcordóse constituyir la “Plataforma Estatal por la Consolidación del Empleo del Profesorado Interino” (PECEPI), que va tar integrada pola Confederación de STEs-Intersindical, la FEDI (Federación Estatal de Docentes Interinos), el colectivu NAD (Nuevu accesu Docente), AIDA (Asociación d’Interinos Docentes d’Andalucía), PAEP (Plataforma Andaluza de la Educación Pública), PADEI (Plataforma Andaluza en defensa ... Read More »

La presión social y política fai que’l MECD modifique les reválides

Ayeri, na Conferencia Sectorial d’Educación, el ministru Íñigo Méndez de Vigo y les alministraciones educatives autonómiques alcordaben atenuar les evaluaciones finales de 6º de primaria y 4º d’ESO y reconvertir la reválida de 2º de Bachilleratu nuna prueba d’accesu a la universidá asemeyada en dellos aspeutos a la que s’aplicó hasta agora. Amás, güei nel Conseyu Escolar del Estáu, el ministeriu anunció la derogación del  RD 310/16, pol que se regulen les evaluaciones finales d’ESO y Bachilleratu, y retiró’l borrador d’Orde que lu desarrollaba. Dende SUATEA sicasí, constatamos que magar d’estes afirmaciones, el ministeriu sigue calteniendo la evaluación de 3º de Primaria con calter xeneral pa tol alumnáu. Les reválides de 6º de primaria y de 4º d’ESO pasaríen a ... Read More »

Hai un añu de la marcha contra les violencies machistes

El llunes 7 payares de 2016 cúmplese un añu de la Marcha contra les violencies machistes. Esta marcha constitúi un finxu na hestoria del movimientu feminista. Esi día, miles de muyeres de tolos territorios del Estáu confluyeron nun berru común contra les violencies machistes y esi berru fíxose estensivu a tol mundu recibiendo sofitos de los 5 continentes. El movimientu feminista xunióse pa denunciar que les violencies machistes suponen la manifestación más violenta de la desigualdá de xéneru y suponen la más grave violación de los derechos humanos de les muyeres que carez la nuesa sociedá. Nos diez primeros meses de 2016, les víctimes mortales por agresiones machistes fueron 80. Esti fechu constata que, magar la multitudinaria movilización, nin los ... Read More »

11 d’ochobre: Día internacional de les neñes

11 D’OCHOBRE: DIA INTERNACIONAL DE LES NEÑES El 11 d’ochobre ye’l Día Internacional de les neñes. La creación d’un día pa elles nel calendariu universal foi promovida, dende 2009, pola ONG Plan Internacional, al traviés de la so campaña internacional “Por ser neña”. El 19 d’avientu de 2011, el Día Internacional de les neñes foi propuestu, por Canadá, como resolvimientu na Asamblea Xeneral de Naciones Xuníes por: “La necesidá d’invertir y sensibilizar a la sociedá sobre’l necesariu empoderamiento de les neñes coles mires de romper el ciclu de discriminación y violencia de les que son víctimes, y promover y protexer los sos derechos humanos”. En munchos países, namá pol fechu de ser neñes, nun tienen derechu a la educación; son ... Read More »

SUATEA pide a los partíos un compromisu cola Pública

Vicente Álvarez Areces en Canal10 Xixón:“… Asturias no modificó y mantuvo las ratios y cuando en un Sistema Educativo…¿no se habla de eficiencia en la gestión pública? Si tú no tienes demanda de niños en un nivel voluntario, porque no es escolarización obligatoria, el 0-3 y 3-6 es voluntario y si no hay niños que demanden ¿qué quieres terner aulas para seguir gastando?” Nel debate a tres ente Xuníos Podemos, PP-Foro y PSOE, emitíu pel Canal10 Xixón, la eficiencia de l’alministración ye l’argumentu emplegáu pol candidatu del PSOE  al Senáu, Vicente Álvarez Areces, nes próximes elecciones xenerales del Estáu español, pa responder a la denuncia fecha por Lluis Miguel Orviz (Xuníos Podemos) de recortes d’unidaes  d’EI realizada pol Gobiernu Asturianu. ... Read More »

Día internacional de muyeres pola paz y el desarme

El Día Internacional de les Muyeres pola Paz y el Desarme instauróse’l 24 de mayu de 1982 por grupos pacifistes de muyeres europees, faciendo alcordanza de les campañes feches poles britániques que se punxeron contra la OTAN y la instalación de bases militares. Güei, esta conmemoración val pa que’l mundo s’alcuerde de la violencia que sufren les muyeres nos conflictos y postconflictos armaos. Les situaciones de conflictu bélicu afecten directamente a los derechos de les muyeres y les neñes: dende los matrimonios forciaos hasta los sistemáticos delitos sexuales y por razones de xéneru, asina como les torgues pa la educación, l’accesu a l’atención de salú y la participación na vida pública. Los estudios fechos determinaron que la participación ya la ... Read More »

Día Internacional contra la Homofobia, la Tresfobia y la Bifobia

El 17 de mayu de 1990 l’Asamblea Xeneral de la Organización Mundial de la Salú alcordó esaniciar la homosexualidá de la llista d’enfermedaes mentales. 26 años dempués conmemoramos en tol mundu’l día contra la LGTBIQfobia, contra la discriminación que les persones lesbianes, gais, tressexuales y tresxéneru, bisexuales, intersexuales y Queer. Un añu más, el grupu LGTBI preparó una unidá didáctica, Miraes de llibertá, p’ayudar a vivir la diversidá afectivo-sexual y de xéneru en llibertá, amás de contribuyir a recuperar la hestoria colectiva recién de les persones LGTB. Presentamos una serie d’actividaes que puen desenvolvese tanto en Primaria como en Secundaria. Consideramos qu’esta unidá pue ser trabayada tanto en redol a la fecha del 17 de mayu como a final de ... Read More »

Concentración énte la Xunta Xeneral

SUATEA CONVOCA CONCENTRACIÓN  ÉNTE LA XUNTA XENERAL PA ESIXIR UN NUEVU ALCUERDU D’INTERINOS, EL CESE DE LOS RETAYOS Y LA TRESPARENCIA NES OPOSICIONES EL MARTES  19 VA AXUNTASE LA COMISIÓN D’EDUCACIÓN ONDE SE VAN TRATAR LOS CONFLICTOS EDUCATIVOS Dende va meses viniéronse convocando movilizaciones en forma d’asamblees nos centros, concentraciones y manifestaciones na cai o entevistes colos grupos parlamentarios que llevaron a l’aprobación pola Xunta Xeneral d’una proposición non de llei qu’encamienta al Gobiernu asturianu a abrir  la negociación d’un nuevu alcuerdu d’interinos qu’acabe cola discriminación d’esti colectivu. L’Alcuerdu actual pol que se regulen les condiciones de trabayu y el sistema d’ellaboración, xestión y funcionamientu de les llistes d’interinidá venceya directamente la nota llograda nes oposiciones con eses llistes, que ... Read More »

Profesoráu Interín: Concentración/Asamblea 18 de marzu

El pasáu sábadu, el colectivu de profesoráu interino d’Asturies concentrau ente la Xunta Xeneral del Principáu celebró una tercera asamblea en defensa de la estabilidá del colectivu y un nuevu alcuerdu d’interinidá. Nella valorose la PNL aprobada col apoyo de tolos grupos parlamentarios menos el PSOE y la falta d’apoyu d’otros sindicatos. Decidiose siguir faciendo movilizaciones y convocar una nueva asamblea’l día 18 de marzu a les 17:30h. nel IES Alfonso II siguida d’una concentración a les 18:45 delantre la Xunta Xeneral. ¡Pola estabilidá y un nuevu Alcuerdu d’Interinidá! ¡Pola recuperación de plantiyes, contra l’efectu negativu na atención al alumnáu y l’aumentu de contratación de profesoráu! Ven el vienres 18 a defender los nuesos derechos. Descarga el cartelu pal tu ... Read More »

Educación y llingües nuna escuela globalizada

El sindicatu SUATEA asistió hai unos díes a les xornaes “Educación y llingües nuna escuela globalizada” organizaes pol sindicatu STEILAS del País Vascu sur y nes que tuvieron presentes amás del nuestru sindicatu en representación d’Asturies y la llingua asturiana, otros territorios con llingua propia como País Valencianu, Galicia y Cataluña. P’acabar estes xornaes lleóse, en tolos idiomes representaos, un comunicáu en defensa de les nuestres llingües. Equí tenéis  el comunicáu y el videu de la so  llectura. Comunicáu final de les xornaes “Educación y llingües nuna escuela globalizada” Los sindicatos STEILAS, SUATEA, STEG, STEPV, USTEC-STEs y Confederación STEs que participemos nes xornaes “Educación y llingües nuna escuela globalizada” entamaes por STEILAS en Iruña el 19 y 20 de febreru, ... Read More »

Manifiestu de l’asamblea del profesoráu itinerante

Aconceyaos n’asamblea nel institutu Doctor Fleming d’Uviéu, el vienres 15 de xineru de 2016, el profesoráu itinerante de los centros públicos asturianos quier facer públicu’l siguiente MANIFIESTU: Nel presente cursu, la Conseyería d’Educación Cultura y Deportes ensin consultar a les organizaciones sindicales, nin al profesoráu, ta aplicando cambeos nes condiciones de trabayu del profesoráu itinerante. Los impresos de solicitú d’indemnización per kilometraxe tienen de cubrise cada dos meses en cuenta de mensualmente como veníamos faciéndolo hasta agora, lo que trai de resultes que se cobren con un retrasu equivalente (un mes más tarde que’l pasáu cursu). El personal itinerante realizamos los cálculos de kilómetros percorríos aplicando l’artículu 5.1 del Alcuerdu Sobre Condiciones de Trabayu del Profesoráu Itinerante al Serviciu del ... Read More »

La evaluación docente: Una campaña orquestada contra’l profesoráu

Una campaña orquestada contra’l profesoráu Asistimos dende va unes selmanes a una campaña nos medios de comunicación que’l so fin principal paez ser responsabilizar al profesoráu polos defectos del sistema educativu de la totalidá del estáu. La publicación inminente del Llibru Blancu encargáu pol ministru Méndez de Vigo a José Antonio Marina, va nesa llinia. Les propuestes p’ameyorar la educación tienen que ver con vieyes recetes neolliberales con efectos nefastos nos países onde s’apliquen. La panacea pa resolver esos problemes ye la evaluación del profesoráu. Si hubo miles de despidos na enseñanza pública en tol Estáu, si la precariedá de les   plantiyes docentes ye moneda corriente nos centros educativos, si aumentó’l númberu d’alumnáu per aula, si les families traviesen situaciones ... Read More »

SUATEA, pola recuperación de la calidá nel sistema educativu asturianu

SUATEA pide la recuperación de la calidá nel sistema educativu Nestos momentos, dende l’Alministración, tán plantegando midíes pa la recuperación de los derechos que los emplegaos públicos perdieron pola mor de los retayos. De toles maneres, nel sector docente, afectáu como’l que más, nun mos vamos beneficiar de nenguna d’estes midíes, porque dizque nun van ser d’aplicación nel sector educativu. Queremos recorda-y a l’Alministración que’l profesoráu asturianu sufrió unos retayos que traxeron un empeoramientu de les condiciones llaborales: baxada y depués conxelación del salariu, penalización económica en casu de baxa médica, aumentu d’horarios, aules masificaes, menos personal, eliminación de midíes d’atención a la diversidá, non sustitución hasta pasaos 15 díes del profesoráu de baxa médica sobrecargando al restu, etc. Anque ... Read More »

SUATEA énte’l Conseyeru: El profesoráu asturianu, el peor tratáu de tol Estáu

SUATEA DENUNCIA ÉNTE’L CONSEYERU: El profesoráu asturianu, el peor tratáu de tol Estáu Igual que tol personal funcionariu de l’Alministración asturiana, el profesoráu asturianu tien que tener meyoraes les condiciones llaborales y dar por acabáu’l tiempu d’aplicación de retayos n’educación. Nel conceyu d’esta mañana col Conseyeru d’Educación, SUATEA presentó les sos propuestes y plantegó la necesidá d’afitar un calendariu de negociaciones qu’aborden los problemes más urxentes del enseñu públicu asturianu. Hai aspectos que SUATEA esixe que s’apliquen darréu y que cuidamos básicos pa poder avanzar: Ratios de alumnáu en centros educativos: Nesti cursu tán imponiendose hasta 28 alumnos y alumnes n’unidaes de Primaria por parte de l’alministración. Ye una situación que mos paez inalmisible y que nun ye bona pa ... Read More »

SUATEA solicita un calendariu de negociación al conseyeru

PRIORIDAES DE SUATEA NEL ENTAMU DE CURSU Darréu volvemos a dici-y al Sr. Conseyeru la necesidá imperiosa d’establecer un calendariu de negociación cola fin de tratar a lo menos estos asuntos::  Meyorar les condiciones llaborales. Recuperando la xornada anterior al afitamientu de les 20 hores, les condiciones salariales pa compensar la perda de poder adquisitivu d’estos últimos años y l’ampliación y estabilidá de la plantiya. Según un estudio de SUATEA los datos meten mieu:  Xubilaciones nos próximos 4 años: 2.809  Places cubiertes anguaño por profesoráu interin: 2.858  En 4 años vamos atopanos con 5.667 places que nun tendríen un funcionariu de carrera como titular. Esto supón el 52% de interinidá na plantiya.  Va facer falta ... Read More »

Concentración de la Xunta de Personal

Los sindicatos de la Xunta de Personal Docente convocamos esta concentración énte la necesidá de responder a les actuaciones de la Conseyería d’Educación que sigue agravando les condiciones llaborales del profesoráu asturianu. Resulta intolerable qu’una alministración en funciones tea de contino regulando midíes alministratives, per aciu de la publicación nel BOPA, y publicando circulares sobre cuestiones con implicaciones llaborales decisives ensin nengún tipu de negociación colos representantes del profesoráu. Los sindicatos docentes vemos alarmante lo que ta pasando: que los asuntos qu’urxen y que son indispensables pal funcionamientu de los nuestros centros educativos tean paralizaos. Siguimos a la espera del calandario d’actuaciones de fin de cursu, onde se ponen les feches de peticiones de los distintos colectivos de funcionarios, siguen ... Read More »

La Conseyería discrimina al alumnáu de la enseñanza pública

El programa de préstamu de llibros de testu sigue xenerando inquietú y refugu nos centros educativos asturianos, sobre too nos de secundaria. SUATEA empobinóse la otra semana a l’Alministración Educativa pa entrugar pola situación na que quedaba l’alumnáu de los centros privaos concertaos respecto a los llibros de testu pal próximu cursu. La respuesta llegónos pela prensa: como temíemos, pa esi alumnáu sigue en marcha la normativa anterior que concede personalmente a cada alumnu o alumna beneficiariu nesti casu de beca los 105 euros pa que seya la so familia la que decida a qué los destina. Dase’l casu de qu’en dellos centros concertaos los llibros mérquense directamente nel propiu centru. Mentanto, nos centros públicos ta obligándose a los equipos ... Read More »

Restituyan a 18 les hores lectives del profesoráu de los centros públicos de secundaria

Conseyería d’Educación Asturiana: Restituyan a 18 les hores lectives del profesoráu de los centros públicos d’Educación Secundaria, Enseñances de Réxime Especial y de Persones Adultes SUATEA considera que la xornada de 20 hores llectives; impuesta pola Conseyería d’Educación al profesoráu de los centros públicos d’Educación Secundaria, Enseñances de Réxime Especial y de Persones Adultes; ta suponiendo un grave perxuiciu pal sistema públicu educativu en tolos sentíos. En xunetu de 2012, la Conseyería d’Educación modificó la xornada d’esti profesoráu pa elevar, de 18 a 20, el númberu d’hores llectives, siguiendo’l mandáu del Gobiernu central. Al contrario que n’otres Comunidaes, que pa contrarrestar esti efectu, baxaron en 2 les hores complementaries, n’Asturies mantuviéronse les mesmes, xubiendo de 25 a 27 les hores ... Read More »

Da-yos la to fuercia

Quiciabes nun les conoces, pero necesítente. Son muyeres que s’enfrenten tolos díis a una traxedia impensable, fortuita y mui cobarde. Cruzóse nes sos vides una mina terrestre o una bomba de racimu, abandonada y perdida entre otres casi 10 millones nel ermu sah.araui dende los tiempos de la guerra (1975 a 1991), y aprendieron a siguir lluchando, abnegaes, arreblagando peles estorbises de ser refuxaes y víctimes. Víctimes, sí, como tol so pueblu. Víctimes de la muria marroquina nel Sah.ara Occidental, esa que colos sos 2.720 km de llargor divide’l territoriu sah.araui de Norte a Sur y d’Este a Oeste dende la muria, con seis tramos estraos de mines terrestres actives y otros restos esplosivos de guerra. Ye la segunda muralla ... Read More »

Suatea sofita la concentracion de la CSI

Dende SUATEA queremos espresar el nuesu sofitu a les compañeres y compañeros de la CSI acusaos de delitos d’usurpación y daños pola ocupación de los locales abandonaos  de la FADE na Casa Sindical d’Avilés. Por sentencia xudicial la CSI tendría de tener unos locales propios en dichu edificiu y una vegada más non yá desóyense les decisiones de la Xusticia sinón que se tomen represalies contra sindicalistes. Dende SUATEA animamos a participar na concentración que va tener llugar güei a les 19:00 na Plaza del Vaticanu d’Avilés (edificiu Sindical) Uviéu 03 de julio de 2014 El Secretariau de SUATEA Read More »

Xornada de llucha estatal: 21 xunu, contra los retayos, polo público

21 XUNU, CONTRA LOS RETAYOS, POLO PÚBLICO. PAN, TECHU, TRABAYU, RENTA BÁSICA, CONTRA’L PAGU DE LA DELDA ILEXÍTIMA 11:00 Marcha contra los retayos y en defensa de lo público ente la estación de tren de Llugones y l’estación de tren d’Uviéu 13:00 Manifestación dende la estación de tren hasta la Xunta Xeneral, con llectura a la fin de Comunicáu d’Asturies en Marcha Read More »

SUATEA refuga’l desallugu efectivu de La Madreña

Dende SUATEA queremos amosar el nuesu refugu a la execución de la orde de desallugu de La Madreña, con nocturnidá, como nun podía ser d’otra manera dao’l calter de quien nos gobierna. Sobre les 6.30 de la mañana personóse la Policía na CSOA La Madreña pa convertir en realidá Read More »

Madrid 22-M, Marches de la Dignidá

Distintos colectivos y organizaciones sociales, ente elles SUATEA, col nome de “Madrid 22-M, Marches de la Dignidá”, vamos facer el 22 de marzu una gran movilización contra’l paru, la precariedá, la delda y los retayos que ta aplicando l’Executivu del PP y que dicta la troika. Esta gran protesta unitaria tien amás la intención d’acampar na capital pa siguir coles protestes. L’oxetivu ye consiguir una movilización de “más d’un millón de persones” ente los integrantes de les marches y los que los reciban en Madrid. Ta previsto qu’el 22M confluyan en Madrid les marches procedentes de los distintos territorios. Puedes participar faciendo la marcha, apurriendo sofitos, na loxística, nos actos previos a la marcha o los que van facese mientres ... Read More »

Xornaes sobre economía social solidaria

Read More »