Home > LGTB > SUATEA y STEs nes Xornaes d’Educación LGTB

SUATEA y STEs nes Xornaes d’Educación LGTB

imaxe2Esta fin de selmana (27, 28 y 29 de payares) celebráronse en Madrid las V Xornaes d’Educación organizaes pola Federación Estatal de Lesbianes, Gais, Transexuales y Bisexuales (FELGTB) col lema #SolucionesEducativesYa. L’alcuentru plantegábase como oxetivu abrir un espacio d’ intercambiu d’idees y estratexes p’afrontar aspectos rellacionaos cola Diversidá Sexual y de Xéneru (DSG), asina como l’aplicación de dalgunes d’estes propuestes nes aules.
Neses Xornaes, SUATEA y la Confederación de STEs, n’acordies cola so postura d’abrir espacios y axuntar esfuercios y conocimientos pa desaniciar de les aules la discriminación pola orientación sexual o identidá de xéneru, asina como la formación del profesoráu y recursos pa tornala, reivindicaron una educación comprometida colos derechos de les persones lesbianes, gais, transexuales, transxéneru, bisexuales, interxéneru e intersexuales.
A lo llargo del Alcuentru presentáronse dellos formatos (ponencies, meses redondes y talleres prácticos), abordando mui bien d’aspectos: Propuestes pa introducir la Diversidá Sexual y de Xéneru (DSG); la presentación de la Guía “Abrazar la diversidá”, que inclúi propuestes pa una educación llibre d’acosu homofóbicu y tresfóbicu;(http://www.inmujer.gob.es/actualidad/NovedadesNuevas/docs/2015/Abrazar_la_diversidad.pdf);
Ciberacosu LGTB; talleres dedicaos a deconstruyir l’amor románticu; la DSG na educación non formal, etc. Amás, fíxose una mesa redonda na qu’un grupu d’educadores de tolos niveles del sistema educativu y de delles materies presentaron les sos esperiencies de trabayu col alumnáu. Caúna de les actividaees acabó col correspondiente coloquiu nel que participó la mayor parte de l’asistencia que presentó les sos dudes, mieos, aspiraciones y, por descontao, les felicitaciones a los que vienen normalizando les cuestiones de la DSG nes aules col so trabayu.
Ente les cuestiones más significatives que se debatieron podríen señalase la importancia de nun recular cola llegada y la implantación de la LOMCE; la necesidá d’avanzar dende’l planu de les esperiencies individuales y voluntaristes a un planu más institucional, incorporando la necesidá de tratar la DSG nos Proyectos Educativos de los centros escolares pa estabilizar y dar continuidá a estes esperiencies. Tamién ye interesante señalar que nes intervenciones tocáronse aspectos qu’apañaben tola diversidá del colectivu con intervenciones específiques que falaben de transexualidá, lesbianismu y cuestiones xenériques referíes a la homofobia en toles sos variables.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743