SUATEA y STEs-i consiguen camudar l’artículu 19 del borrador de PXE pal 2017.

Esta entrada está disponible en: Castellano (Castellanu)

SUATEA y STEs-i movilicen al profesoráu interino y consiguen camudar la redacción del artículu 19.2 del borrador de los Presupuesto Xenerales del Estáu (PXE) pal 2017.

Caltiense, sicasí, la redacción del art. 19.1 que recueye l’Alcuerdu pal Empléu que caltien l’amenaza de miles de puestos de trabayu del colectivu nos próximos trés años.

La Confederación Intersindical y STEs-i (na que s’integra SUATEA) dirixóse a distintos grupos políticos pa sollertar del peligru que supón pa la estabilidá llaboral de miles d’emplegaes y emplegaos públicos de toles alministraciones l’Alcuerdu pal Empléu, robláu por CCOO, FeSP-UXT y CSI-F, afiguráu agora nel articuláu de los PXE de 2017. Les conversaciones de STEs-i, especialmente con Nueva Canarias, de quien depende l’aprobación final de los PXE, fueron fundamentales pa la rectificación del artículu 19.2 volviendo a la redacción que tenía nos PXE de 2016 (art.20.2), yá que foi esta formación política la que condicionó al PP pal cambéu del testu y que’l so redactáu foi finalmente apautáu ente PP, PSOE y Ciudadanos. Ello da vía llibre a que los contratos d’interinidá nun queden llindaos a los trés años de la redacción anicial.

STEs-i, xuntu cola (Confederación Intersindical) CI, y la Plataforma pola Estabilidá y l’Afitamientu del Profesoráu Interín empecemos a movilizar a los colectivos afectaos con distintes convocatories mientres los últimos meses en distintos territorios, y énte’l MECD el pasáu 27 mayu, lo que contribuyó a la retirada l’art. 19.2. Sicasí, esto nun ye abondo: el cambéu consiguíu na redacción del mentáu separtáu de los PXE. L’artículu 19.1, que se caltiénn nel redactáu de los PXE, recueye l’Alcuerdu pal Empléu y da-y calter llegal, calteniendo l’amenaza pa los próximos trés años de dexar ensin empléu a miles de docentes y demás trabayadores públicos contrataos temporalmente.

Dende STEs-i y la CI denunciamos que, pa la firma d’esi Alcuerdu, en nengún momentu se consultó a les bases afectaes, practicando un sindicalismu antidemocráticu al que nos opunximos en tou momentu, antes y agora. Amás, al nun aplicase les mesmes y ruines midíes d’estabilización llaboral en tolos sectores públicos por igual, introduz una grave discriminación ente les alministraciones públiques al escluyir a una bona parte d’ellos. Non menos grave, igualmente, ye la imposibilidá d’amontar el gastu públicu na aplicación d’estos procesos, arrenunciando a recuperar los puestos de trabayu perdíos a lo llargo la crisis y asegurando’l caltenimientu de los retayos en personal.

Los procesos d’estabilización llaboral que l’Alcuerdu pal Empléu y los PXE de 2017 pretenden amenorgar la tasa d’interinidá, pero escarecen de garantíes coles que’l profesoráu interín llogre consolidar realmente na so totalidá’l so empléu. Les alministraciones tuvieron aneciando nel  incumplimientu la lexislación abusando de la interinidá a comeniencia. Incurrieron costantemente en fraude de llei, contraviniendo la lexislación europea, pa contratar personal con salarios más baxos y menos derechos llaborales. Precisamente agora, cuando’l personal temporal ya interino empieza a recuperar derechos salariales, l’Alministración, cola complicidá de los sindicatos firmantes del Alcuerdu, fai l’acabón cola pretensión de sostituyir trabayadores con años d’esperiencia y probada aptitú por xente de nuevu ingresu, yá que d’entrada nun van percibir los complentos retributivos reconocíos al personal interino.

Les Alministraciones incurrieron claramente en fraude de Llei y fueron les responsables de la situación creada, pero agora demuestren ser incapaces d’entamar los cambeos lexislativos necesarios pa reparar el dañu causáu. El profesoráu interín superó yá procesos selectivos rexíos polos principios constitucionales d’igualdá, méritu, capacidá y publicidá, y nun llogró plaza porque les alministraciones nun ufiertaben toles vacantes estructurales esistentes. Xusto sería habilitar agora los cambeos normativos pa facilita-yos les places que nun s’ufiertaron nes socesives convocatories d’OPE. Poro, denunciamos tamién la falta de voluntá política pa solucionar con xusticia un problema qu’afecta a mamplén de trabayadores públicos. El deber de les organizaciones sindicales ye la defensa de los derechos llaborales.

Dende STEs-i y la Confederación Intersindical esiximos a les organizaciones sindicales firmantes del Alcuerdu pal Empléu que renuncien al mesmu y andechen na llucha pol caltenimientu del empléu del profesoráu interino y de tol personal temporal por aciu polítiques reales d’afitamientu d’empléu con procedimientos específicos qu’integren a tol colectivu como funcionariáu de plenu derechu.

Col caltenimientu del Alcuerdu pal (Des)Empléu) y el so cumplimientu a partir de los PXE pa 2017,  STEs-i y la CI van caltener la movilización nos centros de trabayu y nes cais pa conducir les negociaciones previstes hacia’l mayor beneficiu pa los/les trabayadores públicos, especialmente, los colectivos temporales ya interinos.

Secretariáu de SUATEA y STEs-intersindical
1 de xunu de 2017

Print Friendly, PDF & Email

Esta entrada está disponible en: Castellano (Castellanu)