Home > Centros educativos > SUATEA y la comunidá escolar refugamos les instrucciones pal cursu 20/21

SUATEA y la comunidá escolar refugamos les instrucciones pal cursu 20/21

Ta acabante publicar güei nel BOPA la “Resolución de 30 de julio 2020, de la Consejera de Educación” na que se regula l’entamu presencial de les clases nel cursu escolar 2020-2021 y s’aprueben les instrucciones d’organización pal aniciu del nuevu cursu condicionáu pol andanciu de la  CoViD-19. Les instrucciones van aplicase hasta que s’acabe la crisis sanitaria.

La resolución contién munches de les instrucciones yá  presentaes na Mesa Sectorial d’Educación y que fueron refugaes por SUATEA:

  • Por nun disponer d’una memoria económica
  • Por inconcreción ya  imprecisión.
  • Por nun garantizar la calidá, la equidá educativa, nin la salú de la comunidá escolar.
  • Y por nun recoyer nenguna de les propuestes de SUATEA.

Tamién dispón otres midíes nin siquier negociaes en Mesa, como crear grupos internivel pa llograr ratios de menos de 21 alumnos/es, o formar grupos en función de la optativa escoyida que contradicen principios pedagóxicos básicos.

Amás del refugu de SUATEA, ayeri nel Conseyu Escolar d’Asturies, fueron refugaes estes instrucciones pola mayoría de les organizaciones representaes nelli.

Por too ello, SUATEA va plantegar al restu organizaciones sindicales, representantes de la comunidá escolar y organizaciones sociales, movilizaciones enantes del entamu del cursu 2020/21 pa llograr:

  • La financiación necesaria p’afrontar la situación d’escepcionalidá provocada pola enfermedá nel ámbitu educativu.
  • Contratación de más personal p’atender a la diversidá de situaciones educatives del alumnáu, así como a toles necesidaes educatives de los centros.
  • Merma de les ratios en tolos niveles escolares.
  • Materiales sanitarios, TIC y didácticos afayadizos.

El secretariáu de SUATEA

N’Uviéu a 31 de xunetu de  2020

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344