Home > Centros educativos > SUATEA sofita les movilizaciones del CP El Bosquín

SUATEA sofita les movilizaciones del CP El Bosquín

Les families del CP El Bosquín muestren el so descontentu delantre la Conseyería d’Educación énte la falta de soluciones p’atender les necesidaes d’espaciu del comedor de la escuela. La alministración empéñase en dar alternatives que, nin satisfacen a la comunidá educativa nin solucionen dafechu los problemes de un colexu que aumenta cada cursu d’alumnáu y necesita de más infraestructures pa adaptase a la nueva realidá.

La apuesta por una enseñanza pública nun parez ser l’oxetivu de esta alministración que pieslla los güeyos y nun permite la ampliación anque seya la escuela la que corra colos gastos.

SUATEA quier manifestar el so sofitu a estes movilizaciones y a toa comunidá educativa que lluche por meyorar les condiciones de la escuela pública.

Uviéu, 3 de xunetu de 2014IMG-20140702-WA0001

Esta entrada tamién se puede consultar en: Castellanu