Home > Comunicaos > SUATEA sofita la llucha contra los retayos d’unidaes y de profesoráu

SUATEA sofita la llucha contra los retayos d’unidaes y de profesoráu

SUATEA SOFITA LA LLUCHA DE LES COMUNIDAES EDUCATIVES CONTRA LOS RETAYOS D’UNIDAES Y DE PROFESORÁU

Siguen les movilizaciones nos próximos díes nos centros educativos asturianos refugando los retayos de personal y unidaes.
Güei, xueves va ser la vez del CP “Severo Ochoa” de Xixón, que se va movilizar a la fin de la xornada escolar esixendo una mayor dotación de profesoráu pal próximu cursu.
Coles mesmes ayeri celebróse una xunta de la Xunta de Personal Docente con responsables de la Conseyería na que se presentaron los últimos resolvimientos aprobaos por esti órganu de representación del profesoráu asturianu.
En dicha xunta l’alministración informó de les plantiyes que la Conseyería d’Educación yá unvió al Ministeriu, plantiya que nun foi axustada coles organizaciones sindicales, y de la so intención de siguir convocando oposiciones nos términos plantegaos, esto ye, ensin aceptar la propuesta del aplazamientu de los exames pa próximes convocatories, como sí van faer otres CCAA.
SUATEA llamentó en dicha xunta que l’Alministración nun reconsiderara dambes midíes que suponen una grave perda d’empléu públicu la primera y un agraviu pal profesoráu interín la segunda.
Por ello, SUATEA sigui sofitando cuantes movilizaciones se fagan en defensa de la escuela pública como la yá mentada y les propuestes que resulten de la xunta del Movimientu Social pola Escuela Pública que va tener llugar nel CP Laviada de Xixón el próximu llunes.
SUATEA estima les iniciatives parlamentaries que tán teniendo llugar na Xunta Xeneral del Principáu en defensa de la negociación coles organizaciones docentes y de les plantiyes y unidaes que l’alministración asturiana quier retayar.

Secretariáu de SUATEA
5-3-2014

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743