Home > Aición sindical > SUATEA reúnese con IU p’algamar un compromisu pol enseñu públicu

SUATEA reúnese con IU p’algamar un compromisu pol enseñu públicu

Representantes de SUATEA y d’’IU aconceyaron pa falar de la escuela pública.

La reunión celebróse el llunes 4 de mayu y ta enserta nel contestu de los contactos que’’l nuestru sindicatu ta faciendo coles fuercies polítiques que se presenten a les elecciones a la Xunta Xeneral del 24 de mayu, pa tresllada-yos la realidá de la escuela pública asturiana y les reivindicaciones del colectivu docente, que pasen pela recuperación de les condiciones llaborales anteriores a los recortes, la desixencia de paralizar l’’aplicación de la LOMCE n’’Asturies y la oficialidá de la llingua asturiana.

Na reunión, onde taben en representación de SUATEA los compañeros Emma Rodríguez y Faustino Zapico, y d’’Izquierda Unida el so coordinador xeneral, Manuel González Orviz, xunta Francisco Rey y María José Miranda Fernández, tratáronse temes como la problemática del colectivu interín, la inclusión de les escueles 0-3 na rede pública, los conciertos educativos, la falta de recursos pal alumnáu con necesidaes educatives especiales, la homologación salarial o la necesidá de la oficialidá de la llingua asturiana.

La coincidencia foi bien curiosa nos más de los casos, analizando les consecuencies llacerioses de la LOMCE nel sistema educativu, asina como d’’unos recortes que tán provocando una baxada de la calidá del enseñu. Dende SUATEA insistimos en que la dotación presupuestaria amañosa pa recuperar instalaciones n’’estáu ruinosu, la reducción de les ratios, la meyora de l’’atención a la diversidá y la estabilidá de les plantiyes son claves pa recuperar una situación que, si enantes yá yera meyorable, agora necesita una intervención urxente.

N’’Uviéu, a 5 de mayu del 2015

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344