Home > Comunicaos > SUATEA refuga les intenciones sobre la convocatoria d’oposiciones en Secundaria

SUATEA refuga les intenciones sobre la convocatoria d’oposiciones en Secundaria

SUATEA refuga les intenciones de la Conseyera d’Educación sobre la convocatoria d’oposiciones na enseñanza pública.
La conseyera d’Educación, en declaraciones a una emisora de radiu, manifestó la so
intención  de  convocar  ufierta  d’empléu  públicu  docente  n’Asturies,  n’abierta
contradicción  colo  que  dicía  fai  menos  d’un  añu,  cuando  prefería  esperar  al
desenvolvimientu curricular  de  la  nueva llei  d’educación  pa  saber  cuáles  seríen  les
necesidaes reales de los centros.Desconocemos  les  razones  d’esti cambiu de  postura  y l’enfotu de  la  Conseyera  en
faer  una  risible  ufierta  d’empléu  públicu  cuando  delles  comunidaes  del  nuestru
entornu yá manifestaron claramente qu’esti cursu nun va haber oposiciones nel so
territoriu.  Tamién  s’afirmara  la  necesidá  d’una partida  presupuestaria curiosa  y
específica  pa  sacar  alantre  la  convocatoria,  tres  la  prórroga  del  Presupuestu  na
nuesa Comunidá ¿De qué partida va quitase esi dineru?
L’efectu  llamada ta sirvíu. Máxime  cuando  na nuesa comunidá nun esiste  nenguna
peñera que protexa l’empléu de quien ta faciendo’l so trabayu n’Asturies.
Una  convocatoria ruina (recordemos  que  la  Conseyera  tuvo  la  desfachatez  de
reconocer na citada entrevista la so intención de convocar 14 places) va suponer la
rotación  nel  empléu  pa  miles  de  docentes  que  güei  tán  trabayando  o  nes  llistes
d’interinos y interines.
SUATEA  vieno  esixendo  la  convocatoria  del  100%  de  les  vacantes  ensin  cubrir  na
nuesa  comunidá,  unes  1500  nos  últimos  años,  lo  que  ta  suponiendo  de  fechu  la
destrucción d’empléu públicu y amenorgar de l’atención al alumnáu asturiano….
Abúltanos  raru l’interés  la  Conseyera  en  poner enriba la  mesa  una  ufierta  pública
d’empléu  risible,  que  consideramos  una  burlla  macabra  de  nefastes  consecuencies
pa  la  Escuela  Pública  asturiana  y  que  cunta  col  refugu  de  la  inmensa  mayoría  del
profesoráu y los sos representantes.
Uviéu, 13 de xineru de 2014

Ver en PDF

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743