Home > Comunicaos > SUATEA refuga l’adxudicación a ciegues

SUATEA refuga l’adxudicación a ciegues

SUATEA REFUGA LA INTENCIÓN DE L’ALMINISTRACIÓN SOBRE LES ADXUDICACIONES  A CIEGUES DE PUESTOS AL PROFESORÁU INTERÍN Y PRESENTA PROPUESTES ALTERNATIVES

La Conseyería d’Educación propunxo a la Xunta de Personal Docente la posibilidá de cambiar el sistema d’adxudicaciones esti cursu. Esto vendría a sumase a los doliosos cambios fechos pola alministración no que toca a la formación de les llistes de profesoráu interín y a la convocatoria d’ufierta pública d’empléu refugada por toles organizaciones sindicales.

La propuesta de que’l profesoráu interín nun conoza les vacantes que puede solicitar supondría una mengua de los sos derechos y un enguedeyu innecesariu nel sistema d’adxudicación de places.

Los supuestos beneficios alegaos pola alministración -que plantega qu’asina podríen aumentar el númberu de places hasta’l momentu de l’adxudicación- nun son talos, yá que  la falta de tresparencia na adxudicación, la posibilida d’eliminación de places y l’enguedeyu deriváu de la pertenencia a delles llistes de cuerpos docentes estremaos fadríen que’l balance fuera negativu.

Por ello SUATEA acaba d’entregar una propuesta razonando esti refugu y proponiendo que’l profesoráu conoza de primeres les places que pudiera pidir y amás desplicó la propuesta fecha nes Meses Sectoriales y na reunión de la Xunta de Personal sobre la posibilidá de meyora de puestu, que supón acabar cola inxusticia que provoca que nun puean acceder a vacantes por nun apaecer na convocatoria correspondiente y qu’estes vacantes les ocupen persones con menor puntuación na convocatoria siguiente.

Tamién manifestemos la nuestra inquietú énte la situación del profesoráu que se presenta a oposiciones y qu’agora ta en bolses de trabayu que podría quedar en paru después de los procesos selectivos, la situación de la falta de compulses nos documentos oficiales p’acceder a les llistes d’interinos y les situaciones discriminatories que se xeneren derivaes de la obligatoriedá de presentase a oposiciones.

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344