Home > Profesoráu > Profesoráu interín > SUATEA propón enmienda a los Presupuestos p’afitar al personal interino

SUATEA propón enmienda a los Presupuestos p’afitar al personal interino

SUATEA PROPÓN UNA ENMIENDA A LOS PRESUPUESTOS PA ESTABLECER L’AFITAMIENTU DEL PERSONAL INTERINO

SUATEA propunxo una enmienda al Proyectu de Llei de Presupuestos Xenerales del Principáu d’Asturies 2021 a dellos grupos parlamentarios que, de resultar aprobada, supondría la estabilización del personal empleao público en situación irregular por abusu de contratación temporal.

Esta midida daría solución, con calter escepcional, al abusu producíu na contratación temporal – n’aplicación de la Directiva 1999/70/CE- de toes aquelles persones que sumen siquier  trés años  ocupando la mesma o distintes places de la mesma categoría profesional, bien nun solu contratu, bien en socesivos, siempres qu’estes places tengan o tuvieren naturaleza estable, ordinaria o permanente.

Amás, la enmienda nun  supondría una medría na inversión presupuestaria empobinada al personal de les alministraciones públiques -caltendría nel so puestu a quien yá tán-, y entendemos que depende puramente de la voluntá política del Gobiernu que podría, d’esta manera, afitar una midida proporcionada y disuasoria pa sancionar los abusos producíos na contratación temporal d’esti personal y acabar cola precarización llaboral, porque la doctrina sentada pol Tribunal de Xusticia de la Unión Europea nos sos recientes resolvimientos xudiciales, -Sentencies de 25 d’ochobre de 2018 y de 19 de marzu de 2020, según el so Autu de 30 de setiembre de 2020-, asina lo alvierte y  establez.

Precisamente, el TJUE refugó que los procesos selectivos y los de estabilización sían una midida sancionadora acorde cola Directiva 1999/70, ente otres razones, porque la so aplicación nun tien efectos negativos pal empleador qu’abusó de los sos emplegaos temporales. Nesti sen, SUATEA propón la paralización de les ufiertes públiques d’empléu qu’inda nun fueron convocaes, en tanto a que nelles s’incluyan places sirvíes por trabayadores temporales de llarga duración.  

En SUATEA vamos siguir trabayando pa que’l colectivu interín nun sía consideráu pola Alministración como personal d’usar y tirar.

N’Uviéu, a 22 d’avientu de 2020

El Secretariáu del SUATEA

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4348