Home > Aición sindical > SUATEA nel Parlamentu en demanda de meyores pa la enseñanza pública

SUATEA nel Parlamentu en demanda de meyores pa la enseñanza pública

ESCONTRA UN NUEVU AÑU CON PRÓRROGA PRESUPUESTARIA.

SUATEA preséntase nel Parlamentu asturianu énte la Comisión d’Economía y Facienda en demanda de mayores recursos pa la enseñanza pública y meyora de les condiciones llaborales del profesoráu.

L’alderique al rodiu los Presupuestos pal añu 2018 ta encalláu y too fai pensar que mos diriximos escontra una nueva prórroga presupuestaria. Magar dende’l gobiernu se fala de presupuestos espansivos, sensibilidá social y otres palabres que’l so conteníu nun se correspuende col so significáu real, dende SUATEA creyemos que, allén de les bones intenciones, mentanto nun se ruempa coles polítiques neolliberales de retayos pa xestionar la crisis, nun va haber nengún cambéu a la vista.

No que cinca al sector educativu, les polítiques aplicaes dende’l gobiernu son coherentes con estos plantegamientos neolliberales: xeneralización de la precariedá ente’l profesoráu interín, un terciu de la plantiya total; bayura de contrataciones a media xornada;  pieslle d’aules; usu de la fuercia de trabayu del profesoráu pa múltiples xeres burocrátiques, etc.

Ayeri llunes, na so presencia na Xunta Xeneral, SUATEA fizo una intervención na que se amosaron dellos aspectos críticos: la necesidá de que’l profesoráu recupere les hores lectives qu’impartía enantes de la crisis, la urxencia d’un nuevu IES en La Corredoria y la necesidá d’un plan que regule’l procesu d’integración de les escueles de 0-3 años nel sector públicu.

Tocante al apartáu de les hores llectives, cuestionáronse les declaraciones del Conseyeru d’Educación qu’apocayá dixo que l’amenorgamientu horariu que se solicita pal profesoráu sedría un grave problema económicu  por cuenta del so impactu nos presupuestos. En SUATEA creyemos que tamos énte un argumentu escandalosu y vergoñosu. Cuando s’enllantó esti incrementu llectivu, díxosenos que yera una aportación solidaria y coyuntural pa salir de la crisis. Agora resulta que la nuesa aspiración a recuperar les condiciones llaborales previes a la crisis conviértiese nuna grave amenaza pol coste económicu que diba tener.

Uviéu, 12 d’Avientu 2017

Testu de la comparecencia de Tino Brugos por SUATEA

Testu de la comparecencia de Emma Rodríguez pola Xunta de Personal Docente

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743