Home > Eleiciones2018 > SUATEA, L’alternativa sindical sociopolítica

SUATEA, L’alternativa sindical sociopolítica

1.- Lluchamos contra la globalización capitalista, ún de los mayores y más devastadores procesos de desregulación llaboral, social y ambiental que se conocieron, qu’impón recortes severos nos gastos sociales, reduz los derechos llaborales, espolia a los países probes, privatiza y mercantiliza, en beneficiu del capitalismu financieru. Nel estáu español, estes polítiques impónense per aciu la so inclusión nel sistema euru, privándomos de soberanía económica, obligándonos a una devaluación interna ensin final previsible a la que llamen austeridá.Y convirtiendo n’imposible cualesquier política alternativa mientres se permaneza na eurozona.

2.- Oponémonos a les reformes llaborales que suponen recular nos derechos sociales y mayores beneficios pa les empreses; qu’abaraten el despidu, incrementen la precariedá y privaticen les pensiones.

3.- Refugamos toles guerres y el militarismu, porque nun beneficien a los pueblos y fomenten valores y práctiques totalitaries. Tamién refugamos el recorte de llibertaes civiles y la restricción de los mecanismos de participación democráticaque supón la imposición d’una ideoloxía falsamente basada na seguridá.

4.- Consideramos que la paz ye un valor esencial pa la convivencia social y pa la resolución de conflictos en tolos niveles. La violencia nun s’exerz namás nes guerres, sinón que tamién esiste nel senu d’unes estructures sociales inxustes. Por ello, en SUATEA comprometémosmos col espardimientu de la Educación pa la paz y coles alternatives de defensa popular non-violenta y en favor d’un mundu más xustu.

5.- Valoramos el mediu ambiente como la casa de tou ser vivu. Comprometémosnos cola conservación de la naturaleza y somos críticos col actual sistema políticu-económicu, máximu responsable de la so degradación y del espoliu de los contaos recursos del Planeta.

6.- Consideramos que’l llaicismu ye la base de la convivencia ciudadana y democrática porque promueve la llibertá de cada individuu pa creer, o non, en cualquier relixón o ideoloxía y nun xenera barreres a la llibertá de conciencia, l’alderique y la crítica llibre.

7.- Esiximos que l’Estáu y el conxuntu de les alministraciones destinen, polo menos el 0’7% del PIB pa l’ayuda al desarrollu. Oponémonos al marafundiu en gastos de protocolu y fastuosidá en cumes, foros, xuntes, armamentu, etc., un dineru que tien de destinase a la llograr un mundu más solidariu.

8.- Defendemos l’abolición de la deuda esterna de los países aprobetaos, España ente ellos. Hai una situación d’abusu y insolidaridá, articulada dende unes estructures financieres y unes normes inxustes, que faen que países con grandes problemes económicos se vean metíos nuna terrible espiral d’endeudamientu económicu, ensin poder cubrir les sos necesidaes básiques d’alimentación, sanidá y educación. Otra vuelta, nel casu del estáu español, namás ye posible salir d’esti procesu per aciu la rotura del sistema euro, la recuperación de la soberanía económica y el dessarrollu de polítiques económiques subordinaes al interés de la gran mayoría social, polítiques que nun son posibles nel marcu de la eurozona.

9.- Defendemos el non pagu pola ciudadanía d’una deuda inxusta xenerada pa saniar a la banca y que supunxo un deterioru de les condiciones llaborales y retributives del profesoráu.

10.- Oponémonos a que los neños y les neñes abandonen la escuela y seyan obligaos a trabayar o a dir a la guerra. Nes últimes décades, la infancia convirtióse nuna de les mayores víctimes de les inxusticies de la globalización capitalista, por fame, enfermedaes, esplotación sexual, mano d’obra barata y oxetivu de los ataques bélicos.

11.- Defendemos la igualdá de tola ciudadanía énte l’Estáu. La capacidá d’autogobiernu tien de ser igual pa toles comunidaes autónomes.

12.- Consideramos que la igualdá efectiva y real ente muyeres y homes ye un bien social que debemos persiguirs’algame pa llograr eliminar la inxusticia más duradera y resistente a lo llargola hestoria, la que fai que les persones tengan distintes oportunidaes y derechos pol fechu accidental y non escoyíu de nacer con un sexu u otru y por ello participamos dende l’entamu nes movilizaciones feministes que conduxeron a la convocatoria de la Fuelga Xeneral Feminista de 24 horesel día 8 de marzu de 2017 y 2018 y nes movilizaciones contra la violencia hacia les muyeres.

13.- Sofitamos y participamos, xunto con otros movimientos sociales, les reivindicaciones de “Les Marches de la Dignidá”, contribuyendo a les movilizaciones que demanden “pan, trabayu y techu” como bases mínimes pa caltener una vida digna.

 

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3778