Home > Comunicaos > SUATEA desixe la retirada de la reforma de la llei del albuertu

SUATEA desixe la retirada de la reforma de la llei del albuertu

2013-12-20 14.56.59-2DE CÓMO LES REFORMES A ESCONDIDIELLES ACHUQUINEN
DERECHOS
La Organización de Muyeres de SUATEA énte les diverses declaraciones del Ministru de
Xusticia Alberto Ruiz Gallardón sobre la posible modificación o reforma de la Llei
Orgánica de Salú Sexual y Reproductiva y
d’Interrupción Voluntaria del Embarazu 2/10, de 3 de marzu, manifiesta so total
oposición al retayu de los derechos de les muyeres sobre la so maternidá.
Organismos internacionales como la OMS manifestaron que la prohibición de lainterrupción voluntaria del embarazu nun implica la desapaición de los albuertos sinón un
aumentu de les interrupciones del embarazu clandestines col empioramientu de secute
nes condiciones sanitaries y mayor riesgu tanto pa la salú como pa la vida de les
muyeres a causa d’hemorraxes y infecciones.
El fechu d’obligar a les muyeres a una maternidá non querida va suponer un mayor factor
de riesgu pa la salú mental d’aquelles que se vean obligaes a llevar el so embarazu
hasta la fin
Les muyeres de SUATEA denunciamos el desconocimientu total per parte de la sociedá
del testu del anteproyectu de llei. Esti fechu manifiesta otra vuelta la falta de talante
democráticu del gobiernu del PP. L’executivu de Rajoy, con Gallardón como ún de los
principales verdugos de les llibertaes, pon lleis ignorando a la mayoría de la sociedá y
sintiendo única y esclusivamente a los sectores más retrógrados y antidemocráticos,
pretendiendo rixir la vida de toles muyeres sigún les sos convicciones.
La modificación de la llei del albuertu conculca l’autonomía reproductiva de la myjer que
se traduz na posibilidá de decidir llibre y responsablemente si opta pola maternidá o non,
cuándo y con quién, o por interrumpir un embarazu non queríu. L’albuertu ye una
decisión personal que tien de respetase en base al reconocimientu de los derechos
fundamentales de les persones.
La organización de muyeres de SUATEA encamienta a participar en tolos actos que
s’entamen contra la modificación de la llei del albuertu.
Uviéu, 20 d’avientu de 2013

PDF en Scribd

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4339